I dont want copy n paste answers,references to web sites and please dont tell me the story from the movie because its somewhat distorted.
2007-06-30 23:13:14 · 5 answers · asked by Anonymous in Society & Culture ➔ Religion & Spirituality
WAIT VENKY FOR THE BEST ANSWER
2007-07-01 00:40:34 · update #1
this is for Roshan.behave ur self.ur committing an offence against the mother of creation.
Who are u to talk about vedas.it seems like you dont even know the 's" of scriptures
2007-07-04 18:14:06 · update #2
Santoshi mata is not in our old scriptures. I think she was a divine women, who got powers of Shakti.
She is personification of Mother Mahalaxami, and works for the welfare of her bhaktas. I have heard her vrat katha but cannot recollect completely and write. The kathha is basically a sort of Mahatamya telling about the powers of Mother Santoshi.
Her vrat is very powerful specially for unmarried girls. This vrat is done on Friday. no Khatta khana.
vrat said to have helped many girls in getting perfect husbands.
Jai Santoshi maan ki
2007-07-01 04:12:02 · answer #1 · answered by Divya Jyoti 4 · 2⤊ 1⤋
Their was no any such mata named Santoshi its only created by Mohmdons and their is no any reality in this it is only an evil to Hinduism if you want to really adopt Hinduism you should learn 4 Vedas 6 Shastra 32 Upnishad 4 Brahmnas etc. if you want further details you may contact to me at rlal2474@yahoo
2007-07-04 18:03:29 · answer #2 · answered by loving_human 4 · 1⤊ 1⤋
maata santoshi is maa Durga [i think so].......yes.....i would love like to share........but first what is vrat katha?
2007-07-01 00:38:04 · answer #3 · answered by Anonymous · 2⤊ 0⤋
Seek Jesus
2007-07-01 00:12:43 · answer #4 · answered by Anonymous · 0⤊ 3⤋
Santoshi Mata Vrat Katha
Ek budhiya thi aur uskey saat betey the. 6 kamaney valey the ek nikamma tha. Budhiya maa chhaon putron ko rasoi bana khilati thi aur peechhe jo kuchh bachta tha so saatvein ko dey deti thi. Parantu voh bada bhola-bhala tha, man mein kuchh vichar na karta. Ek din voh apni bahu se bola—" Dekho! Meri mata ko mujh par kitna prem hai!" Voh boli—"Kyon nahin, sabhka bacha tumko khilati hai." Voh bola "Bhala aisaa bhi kahin ho sakta hai? Jab tak main ankhon se na dekhoon, maan nahin sakta." Bahu ney hanskar kaha- "Dekh logey tab to maanogey?"
Kuchh din baad bada tyohaar aaya, ghar mein saat prakar ke bhojan aur choorma ke laddoo baney. Voh jaanchney ko sir dukhney ka bahana kar patla vastra sir par odhkar rasoi ghar mein layt gaya aur kapde mein se sab dekhta raha. Chhahon bhai bhojan karnein aaye, usney dekha maa ne unke liye sundar-sundar aasan bichhaye hain, saat prakar ki rasoi parosi hai. Voh aagrah karke jimati hai. Voh dekhta raha. Chhahon bhai bhojan karke uthey tab maa ne unki jhoothi thaaliyon mein se laddooon ke tukde uthhaye aur laddoo banaya jhoothan saaf kar budhiya maa ne ussey pukara- Utth beta! Chhahon bhai bhojan kar gaye, ab tu hi baki hai utth na! Kab khayega? Voh kahney laga "Maa!Mujhey bhojan nahin karna> Main pardes ja raha hoon." Mata ne kaha, "Kal jata ho to aaj chala jaa." Voh bola " Haan, haan! Aaj hi jaa rahaa hoon" Yeh kahkar voh ghar se nikal gaya. Chaltey samay bahu ki yaad aayi. Voh gaushala mein karaadey thaap rahi thi, jaakar bola—
Doha-Hum jaavein pardes ko aaveyngey kuchh kaal. Tum rahiyo santosh se, dharam apna paal.
Voh boli—"Jaao piya aanand se hamro soch hataaye. Ram bharose hum rahein, Ishwar tumhein sahai.Do nishani aapni dekh dharoon main dheer, sudhi mat hamri bisaariyo raakhiyo man gambhir.
Voh bola "merey pass to kuchh nahin, yeh angoothi hai so ley aur apni kuchh nishani mujhey dey." Voh boli, "Merey pass kya hai? Yeh gobar bhara haath hai". Yeh kah uski peetth mein gobar ke haath ki chhaap maar di. Voh chal diya. Chaltey-chaltey door desh mein pahuncha vahan ek sahukar ki dukaan thi.. Vahan jaakar kehney laga- "Bhai mujhe naukar rakh lo. Vyapaari ki zaroorat thi, bola "rah ja". Ladkey ne poochha- "vetan kya dogey?" Sahukar ne kaha "Kaam dekhkar daam milengey." Sahukar ki naukri mili.Voh saverey ke 7 bajey sey 2 bajey tak naukri bajaney laga. Thorey hi din mein dukaan ka layn-dayn, hisaab-kitaab, grahkon ko maal bechna saara kaam karney lagaa. sahukar ke 7/8 naukar the , veh sabh chakkar khaney lagey. Yeh to bahut hoshiyaar ban gaya. Seth ne bhi kaam dekha aur teen mahiney mein usey aadhey munaafey ka hisseydaar banaa liya. Barah varsh mein naami seth ban gaya aur maalik saara karobaar uspar chhod baahar chala gaya. Ab bahu par kya beeti, suno! Saas sasur usey bahut dukh deney lagey. Saari grahasti ka saara kaam karaa karkey usey lakdi leney jangal bhejtey. Is beech ghar ki rotiyon ke aatey se jo bhoosi nikalti uski roti banaakar rakh di jaati thi aur phootey naariyal ki naarli mein paani. Is prakaar din guzartey rahey. Ek din voh lakdi leney jaa rahi thi ki raastey mein bahut is streeyan Santoshi mata ka vrat kar rahi thi. Vahaan voh khari ho gayi, katha sunney lagi, phir poochney lagi—"Behanon, yeh tum kis devta ka vrat karti ho aur isey karney se kya phal milta hai? Is vrat ke karney ki kya vidhi hai? Yadi tum is vrat ka vidhaan mujhey samjhakar kahogi to main tumhara upkar maanoongi." Tab unmein se ek stree boli—"Suno,yeh Santoshi mata ka vrat hai, Issey nirdhantaa,daridrata ka naash hotaa hai.Lakshmi aati hai. Man ki chintaaon ka bhaar door hota hai. Ghar mein sukh honein sey man ko prasannata aur shanti milti hai. Niputri ko putr miley. Swami baahar gaya ho to shighra aavein. Kunwari kanya ko man chaaha var miley. Rajdwaar mein bahut dinon se mukadama chalta ho to nipat jaavey, kalah-kalesh ki nivritti ho, sukh shanti aavey, ghar mein dhan jamaa ho, paisa-jaidaad ka labh ho, rog door ho jaavey tatha aur bhi jo kuchh bhi man mein kaamna hovey sab is Santoshi mata ki kripa se poori ho javein, is mein sandeh nahin hai." Voh poochhney lagi- "Yeh vrat kaisey kiya jaai, yeh bhi bataao to badi kripa hogi." Voh stree kehney lagi-"Savaa aaney ka gur-channa leyna. Ichha ho to savaa paanch aaney ka leyna yaa savaa rupiye ka bhi sahuliyat ke anusaar leyna, binaa pareshaani shraddha aur prem se jitna bhi ban sakey, savaayaa leyna. Savaa paise se savaa paanch aaney tatha issey bhi zyaada shakti aur bhakti anusaar leyna.. Pratyek shukravaar ko niraahaar reh katha kehna-sunnaa. Iske beech kram tootey nahin, lagaataar niyam paalan karna. sunneyvala koyi na miley to ghee ka deepak jalaa uskey aagey yaa jal ke paatr ko saamney rakh katha kehna parantu niyam na tootey, Jab tak kaatya siddh na ho niyam paalan karna aur kaarya siddh ho jaaney par vrat ka udyaapan karna. Teen maas mein mata phal poora karti hai---is mein yadi kisi ke grah khotey hon, to bhi mata varsh mein ashvay kaarya ko siddh karti hai. Phal siddh honein par hi udyaapan karnaa chaahiye, beech mein nahin. Udyaapan mein adhaayi ser aata ka khaja tatha isi parimaan se kheer tatha channey ka saag karna. Aatth ladkon ko is mein bhojan karaaana. Jahan tak miley devar, jeth, bhai-bandhu, kutumb ke ladkey leyna, na miley to rishteydaaron aur padosion ke ladkey bulaanaa. Unhen bhojan karaakar yathashakti dakshina deykar mata ka niyam poora karna.Us din ghar mein khataayi koyi na khavey. Yeh sun budhiya ke ladkey ki bahu chal di. Raastey mein lakdi ke bojh ko beych diya aur un paison se gur-channa ley mata ke vrat ki tayyaari ki, aagey chali aur mandir dekh poochhney lagi—"Yeh mandir kiska hai?" Sabh kehney lagey—"Santoshi mata ka mandir hai." Yeh sun mata ke mandir mein jaa mata ke charnon mein laytnein lagi. Deen ho vinati karney lagi---"Maa, main nipat agyani hoon. Vrat ke niyam kuchh jaanti nahin. Main bahut dukhi hoon. Hey Maata! Jagjanini, mera dukh door kar, main teri sharan mein hoon." Mata ko daya aayi-ek shukravaar beeta ke doosrey shukravaar kohi uskey pati ka patr aaya aur teesrey ko uska bheyja hua paisa aa pahuncha. Yeh dekh jeth-jethani moonh sikurney lagey, itney dinon mein itna paisa aaya, ismein kya baat hai? Ladkey taanein deynein lagey----rupiya aanein lagaa--- ab to kaki ki khaatir badheygi—bhaiyya! patr aavey rupiya aavey to hum sab keliye achha hai. Aisa kehkar aankhon mein aansoo bharkar Santoshi mata ke mandir mein aa Mateshwari ke charnon mein girkar roney lagi—"Maa! mainey tumse paisa kab maanga hai? Mujhey paise se kya kaam hai? Mujhey to apney suhaag se kaam hai.Main to apney swami ke darshan aur seva maangti hoon." Tab Mataji nein prasanna hokar kahaa, "Ja, beti! Tera swami aayega." Yeh sun khushi se ghar mein jaakar kaam karney lagi. Ab Santoshi Maa vichar karney lagi---"Is bholi putri se mainein keh to diya. Par pati aaveyga kahan se?Voh to isey swapna mein bhi yaad nahin karta! Isey yaad dilaney ko mujhey jaana pareyga. Is tarah Mataji us budhiya ke betey ke paas jaa swapn mein prakat ho kehne lagi "Sahukaar ke bete! So raha hai yaa jaagtaa hai?" Voh kehta hai –"Mata! sotaa bhi nahin hoon, aur jaagtaa bhi nahin hoon. Kaho kya aagya hai ?" Maa kehney lagi—" Tera ghar-baar kuchh hai yaa nahin?" Voh bola—"Mera sab kuchh hai Mata! Maa-baap, bahu hai, kya kamee hai?" Maa boli—"Bholey putr! Teri patni ghor kasht uttha rahi hai, tery maa-baap usey bahut traas dey rahey hain. Tu uski sudhi ley" Voh boley—"Haan, Mataji! Yeh to mujhey maaloom hai parantu jaaoon kaisey? Pardes ki baat, leyn-deyn ka koi hisaab nahin, koi jaaney ka raastaa nazar nahin aata." Maa kehney lagi—"Meri baat maan saverey nahaa-dho kar Santoshi mata ka naam ley, ghee ka deepak jalaa, dandvat kar dukaan par jaa baith! Dekhtey-dekhtey, tera leyn-deyn chuk jaayega. Jamaa maal bik jayega. Saanjh hotey-hotey dhan ka dher lag jaayega. " Ab to voh saverey bahut jaldi utth bhai-bandhuon se apney sapney ki baat kehta hai. Voh sabh kehnein lagey kahin sapney bhi sach hotey hain? Ek budha bola—“Meri baat maan, is tarah saanch jhooth karney ke badley devtaa ney jaisa kaha hai vaisa karney mein jaata kya hai? Ab budhey ki baat maan, nahaa-dhokar Santoshi Mata ko dandvat kar, ghee ka deepak jalaa, dukaan par jaa baithta hai.Thodi der mein kya dekhta hai ki denevale rupiya laane lagey , lenevaley hisaab leney lagey. Kothey mein bharey saamaanon ke kharidar nakad daam de souda karney lagey. Shyam tak dhan ka dher lag gaya. Man mein Mata ka naam ley chamatkar dekh prasanna ho ghar ley jaaney ke vaastey gehna, kapda, saamaan khareedney laga. Yahan ke kaam se nipat turant ghar ko ravaanaa hua. Vahan bahu bechaari jangal mein lakdi leney jaati hai, laut-tey vakt Mataji ke mandir par vishraam karti hai. Voh to uska roz ka rukney ka sthaan thehra.Door dhool udti dekh voh Mataji se poochhti hai---Hey Mata! Yeh dhool kaisi ud rahi hai?" Maa kehti hai—" Hey putri! Tera pati aa rahaa hai ab tu aisa kar lakdiyon ke3 bojh banaa ek nadi kinarey rakh doosra mere mandir mein aur teesra apney sar par. Tere pati ko lakdi ka gattha dekh kar moh paida hoga- voh yahaan rukeyga, naashta paani bana khaakar maa se milney jayega, tab tu lakdiyon ka bojh utthakar jaanaa aur beech chowk mein gattha daalkar teen aavaazein zor se lagaana—"Lo, sasuji! Lakdiyon ka gattha lo, bhoosi ki roti do, nariyal ke khopde mein paani do! Aaj kaun mehmaan aaya hai? Maa ki baat sun, bahu "Bahut achha, mataji" kehkar prasanna man ho lakdiyon ke teen gatthey le aayi. Ek nadi tat par, ek mataji ke mandir rakha itney mein ek musafir aa pahuncha. Sookhi lakdi dekh uski ichha hui ki ab yahan nivas karein aur bhojan banaa, vishraam le voh gaon ko gaya. Sabhse prem se mila. Usi samay bahu sir par lakdi ka gattha liye aati hai. Lakdi ka bhaari bojh aangan mein daal zor se aavaaz deti hai---" Lo, sasuji! Lakdi ka gattha lo, bhoosi ki roti do, nariyal ke khopde mein paani do. Aaj kaun aaya hai?" Yeh sun uski saas apney diye huey kashton ko bhulanein hetu kehti hai---"Bahu! Aisa kyoon kehti ho? Tera maalik aayaa hai. Aa baith meetha bhaat khaa bhojan kar kapde, gehney pehen!" Itney mein aavaaz sunkar uska swami baahar aataa hai aur angootthi dekh vyakul ho jataa hai. Maa se poochhta hai—"Maa, yeh kaon hai?" Maa kehti hai , "Beta, yeh teri bahu hai. Aaj 12 varsh ho gaye, tu jab se gayaa hai tab se saarey gaon mein jaanvar ki tarah bhatakti phirti hai. Kaam kaaj ghar ka kuchh karti nahin, chaar samay aakar khaa jaati hai . tujhe dekhkar bhoosi ki roti aur nariyal ke khopde mein paani maangti hai. Voh lajjit ho bola---"Theek hai maa! Main ney usey bhi dekha hai aur tumhein bhi dekha hai. Ab mujhe doosrey ghar ki taali do to usmey rahoon." Tab maa boli "Theek hai beta! Teri jaisi marzi ho kar." Yeh kah taali ka guchha patak diya. Usney leykar doosrey makaan mein, teesri manzil ke ooper ka kamra khol saara saamaan jamaaya. Ek hi din mein vahan raja ke mahal jaisa thaat-baat ban gaya. Ab kya hai? Bahu sukh bhogney lagi. Itney mein agla Shukravaar aaya. Usney apne pati se kaha-"Mujhey Santoshi mata ke vrat ka udyapan karna hai." Uska pati bola –" Bahut achha! Kar, khushi se karley" Turant hi voh udyapan ki taiyyari karney lagee. Jeth ke ladkon ko bhojan ke liye kahney gayi. Usney manzoor kiya, parantu peechhey jethaani apney bachon ko sikhaati hai- "Dekho re! Bhojan ke samay sabh log khatai maangna jissey uska udyapan poora na ho sakey." Ladkey jeemney aaye, kheer bhar pet khayi. Parantu baat yaad aatey hee kahney lagey –"Hamey kuchh khataayi do, kheer khana hummey bhata nahin. Dekhkar aruchi hoti hai." Bahu kahney lagi –" Khataayi kisi ko nahin dee jaayegi. Yeh to Santoshi Mata ka prasad hai." Ladkey utth kharey huey, boley-" Paisa laao." Bholi bahu kuchh jaanti nahin thi, unhe paisey dey diye. Ladkey ussi samay hatth karkey imli laa khaney lagey. Yeh dekh bahu par Mataji ney kope kiya. Raja ke doot uskey pati ko pakad kar ley gaye. Jeth jethani manmaaney khotey vachan kehney lagey-"Sada loot=loot kar dhan ikattha kar laya, raja ke doot pakadkar ley gaye. Ab sabh maaloom par jayega, jab jail ki maar khaayega." Bahu se yeh vachan nahin suney gaye. Roti-roti Mataji ke mandir ko gayi. Kahney lagi – "Mataji! Tumney yeh kya kiya? Hansakar ab kyoon rulaney lagi?" Mata boli –" Putri, tooney udyapan karkey mera vrat bhang kiya hai. Itni jaldi sabh baatein bhuladi?" Voh kehnein lagi –" Mata, bhooli to nahin, na kuchh apraadh kiya hai. Mujhe to ladkon nein bhool mein daal diya. Mainey bhool se hi unhein paisey dey diye—mujhey kshama karo Maa!" Maa boli –" Aisi bhi bhool hoti hai?" Voh boli- "Maa mujhey maaf kardo main phir tumhara udyapan karoongi." Maa boli- "Ab bhool na karna." Voh kehti hai –"Ab bhool na hogi Maa! Ab batavo veh kaisey aaveingey?" Maa boli- "Jaa putri, tera maalik tujhey raastey mein hi aataa mileyga." Voh nikli raah mein pati aata milaa. Voh poochhti hai-"Tum gaye kahan they?" Tab voh kehney laga –"Itna dhan jo kamaya hai uska tax raja ney maanga tha, voh bharney gaya tha." Voh prassanna ho boli –"Bhala hua, ab ghar ko chalo." Ghar ko gaye , kuchh hi dinon baad phir Shukravaar aaya, voh boli-" Mujhe phir Mataji ka udyapan karna hai." Pati nein kaha "Karo." Voh phir jeth ke ladkon ko bhojan ko kehney gayi. Jethani nein ek do baat sunayi aur sabh ladkon ko sikhaney lagi –"Tum sabh log pehley hi hkattayi maangna." Ladkey kehnein lagey-"Humein kheer khana nahin bhaata, jee bigarta hai, kuchh khattayi khaney ko do."Voh boli- "Khattayi khaney ko nahin mileygi, khana ho to khao." voh brahmanon ke ladkey laakar bhojan karaney lagi. Yatha-shakti dakshina ki jagah ek-ek phal unhein diya. Ismein Santoshi mata prasanna hui. Mata ki kripa hotey hi navein maas usko chandrama ke samaan sundar putr prapt hua. Putr ko leykar pratidin Maata ke mandir ko jaaney lagi. Maa nein socha- "Yeh roz aati hai, aaj main kyon na iskey ghar chaloon iska aasra dekhoon to sahi." Yeh vichaar kar Mata nein bhayaanak roop banaaya. Gur channey sey sana mukh ooper sey soond key samaan honth, uspar makhhiyan bhin-bhina rahee hain. Dehli par paon rakhtey hi uski saas chillaayi- "Dekho re! Koi churail daayin chali aa rahee hai. Ladko isey bhagao, nahin to kisi ko khaa jaayegi." Ladkey darrney lagey aur chillaakar khidkiyaan bund karney lagey.Bahu ek roshandaan mein se dekh rahi thi. Prasannata se pagli ho chillaney lagi -"Aaj meri Mataji merey ghar aayi hai." Yeh keh bacchey ko doodh peeney se hataati hai. Itnein mein to saas ka krodh phoot paraa. Boli-"Raand!Dekhkar kyoon utaavli hui hai? Bacchey ko patak diya. Itnein mein Maa ke prataap sey jahan dekho vahaan ladkey hi ladkey nazar aaney lagey. Voh boli -"Maa, main jiska vrat karti hoon yeh vahi Santoshi mata hai." Itna kehkar jhatsey saarey ghar key kivar khol deti hai. Sabhney Mataji ke charan pakad liye aur vinti karney lagey -"Hey Mata! Hum moorakh hain, paapi hain, tumhaarey vrat ki vidhi hum nahin jaantey,tumhara vrat bhang kar humnein bahut apraadh kiya hai. Hey Jagatmata! Hamara apraadh kshama karo." Is prakar Mata prasanna hui. Bahu ko jaisa phal diya vaisa Mata sabh ko dey. Jo padhey uskey manorath poorna hon.
and never forget to listen aarti after the katha
and if i forget plzzzzzzzz go to www.indif.com/nri/Kathas/santoshi_mata/santoshi_ma_vrat_katha.asp
2007-06-30 23:35:30 · answer #5 · answered by love ramit 3 · 0⤊ 2⤋