Louise Bennet-Coverley was a Jamaican poetess, actress, screnwriter
2006-12-06 07:16:33 · 3 answers · asked by nathalia2209 2 in Arts & Humanities ➔ Theater & Acting
Hey Thalia Might-B,
The web site below has links to at least 4 of her poems in the left side Honours and Awards 2006 - pull down Miss Lou. Here is one.
Colonization in Reverse
by Miss Lou
What a joyful news, Miss Mattie;
Ah feel like me heart gwine burs -
Jamaica people colonizin
Englan in reverse.
By de hundred, by de tousan,
From country an from town,
By de ship-load, by de plane-load,
Jamaica is Englan boun.
Dem pour out a Jamaica;
Everybody future plan
Is fi get a big-time job
An settle in de motherlan.
What a islan! What a people!
Man an woman, ole an young
Jussa pack dem bag an baggage
An tun history upside dung!
Some people doan like travel,
But fi show dem loyalty
Dem all a open up cheap-fare-
To-Englan agency;
An week by week dem shippin off
Dem countryman like fire
Fi immigrate an populate
De seat a de Empire.
Oonoo se how life is funny,
Oonoo see de tunabout?
Jamaica live fi box bread
Out a English people mout.
For when dem catch a Englan
An start play dem different role
Some will settle down to work
An some will settle fi de dole.
Jane seh de dole is not too bad
Because dey payin she
Two pounds a week fi seek a job
Dat suit her dignity.
Me seh Jane will never fine work
At de rate how she dah look
For all day she stay pon Aunt Fan couch
An read love-story book.
What a devilment a Englan!
Dem face war an brave de worse;
But ah wonderin how dem gwine stan
Colonizin in reverse.
2006-12-06 07:26:21 · answer #1 · answered by BuyTheSeaProperty 7 · 3⤊ 0⤋
words have a mystical skill, we long for those with certainly tuned orientation, and placed across love, care, and close relation. each time is the time for those words, yet they artwork maximum interior the early morning and the night. in addition to, those words are necessary in all styles of family be it alongside with your mate, Boss, fellow worker, or the rubbish collector. all of us choose them. severe high quality, uncomplicated study!
2016-10-14 03:59:16 · answer #2 · answered by ? 4 · 0⤊ 0⤋
here is one of her poems
Bans O Killing
So yuh a de man, me hear bout!
Ah yuh dem sey dah-teck
Whole heap o' English oat sey dat
Yuh gwine kill dialect!
Meck me get it straight Mass Charlie
For me noh quite undastan,
Yuh gwine kill all English dialect
Or jus Jamaica one?
Ef yuh dah-equal up wid English
Language, den wha meck
Yuh gwine go feel inferior, wen
It come to dialect?
Ef yuh kean sing "Linstead Market"
An "Wata come a me y'eye",
Yuh wi haffi tap sing "Auld lang syne"
An "Comin thru de rye".
Dah language weh yuh proad o',
Weh yuh honour and respeck,
Po' Mass Charlie! Yuh noh know sey
Dat it spring from dialect!
Dat dem start fe try tun language,
From de fourteen century,
Five hundred years gawn an dem got
More dialect dan we!
Yuh wi haffe kill de Lancashire
De Yorkshire, de Cockney
De broad Scotch an de Irish brogue
Before yuh start to kill me!
Yuh wi haffe get de Oxford book
O' English verse, an tear
Out Chaucer, Burns, Lady Grizelle
An plenty o' Shakespeare!
Wen yuh done kill "wit" an "humour"
Wen yuh kill "Variety"
Yuh wi haffe fine a way fe kill
Originality!
An mine how yuh dah-read dem English
Book deh pon yuh shelf
For ef yuh drop a "h" yuh mighta
Haffe kill yuhself.
2006-12-06 07:32:03 · answer #3 · answered by gabrielle 1 · 0⤊ 0⤋