買樓按揭問題

Question

本人應該沒有能力短期內儲到三成首期，請問什麼因素決定銀行做九成按揭？九成按揭易唔易批同埋多唔多人做呢？
本人月薪萬七，想買大約100-150萬既樓，大家有咩意見？謝。

Answer 1

如果你要銀行做按揭，一般只係會做七成架！如果係七成以上，一係當私人貸款借比你，另一樣就係用 （按揭證券公司）既 按揭保險計劃 (MIP) ，銀行由於有按揭證券公司既保證，同埋法法例既容許，所以會借九成以上，不過，你係要比保費架，詳情可參考以下網
頁
http://www.hkmc.com.hk/chi/pcrm/toolbox/mip-assessment/index.html

另外，因為銀行一般最多預供款人以 50%的收入供款，你有 $17000， 50%大約 8500 啦！用以下供款計數機計一計啦

供款計數機
http://www.bochk.com/web/tools/calculators/_regular_instalment.xml?section=tools&level_2=calculators&fldr_id=558

如果唔只一半，銀行可能要加擔保人，例如:父母, 兄弟姊妹等。

咁除左供樓，每月開支都好大架，例如水費、電費、煤氣費、電話費、屋苑維修費 (呢隻係不定期既) ，呢d加埋唔少，所以你要計下數呀

講你知丫，我自己都供過樓，如果市道好，有人工加，咁通常第一年係供得辛苦d，之後就會好d喇，因為有人工加，而如果利率唔變的話，即係下年就會有多d錢用，而且第一年入伙好多野買，所以一定要開源節流，有得慳既就慳，好似少d出街食飯，中午帶飯返工食咁，都可以慳d既。

Answer 2

一般的情況下, 30年樓齡 或 以下的物業是可以做得到25%的按揭保險的, 即可以按到95%, 在供款年期方面, 一般都可以去到樓齡的55年或供款人的65歲(取其較低者)!

至於易唔易批, 就要睇你既收入和信貸紀錄啦! 如果你收入同信貸紀錄都冇問題的, 每月供款唔超過收入的50%, 一般情況都好容易上會的!

如果你月入萬七, 即你每月供款只可以在8500或以下, 即你只可以借120萬左右(供20年)!

你要知道, 買樓除了供樓外, 每月還有很多費用跟尾的, 如管理費, 水, 電, 煤, 差餉等等的費用, 所以也不要太進取了, 一定要收入足夠 供樓 和 足夠支付每月的必要的開支, 咪冇問題羅!