樓宇買賣過程的問題???

Question

為何簽臨約至正約及過大訂要在14日之內,過咗會點???,另外計算14日是由簽約日即日計定由簽約日的下一天計14日???

唔好意思,可能在下字眼上不夠清晰,我想問問雙方訂立臨約至正約是否不可超過14日,例如:1月1日簽臨約,可以訂2月1日才簽正約嗎???如果訂立正約的日期超過14日會點???

因為好像據聞是罰厘印費???

Answer 1

簽臨約 至 正約 之間要定一個期限，目的係要保護 買賣雙方既權益，
唔想簽左張臨約之後，hold住個盤太長時間。
而 14日係普遍使用既時間。

過左會點… 賣方可能要求撻訂，並收回樓盤；然後另覓買家。

14日係由簽約日起計。

2007-01-13 17:51:59 補充：
若果雙方同意，由臨約到正約之間既日期可以更改；例如 1月1日簽臨約，而訂 2月1日前簽正約是沒有問題的。罰厘印? 應該唔會喎...

Answer 2

臨時買賣合約和正式的買賣合約, 通常是訂於14日內完成的, 但就唔係一定的, 這只是一個期限可以給律師有足夠的時間去辦事而矣,只要買賣雙方議定一個日子, 大家同意, 律師又夠時間做野就問題唔大的。

如果沒有依照合約內指定的日子過大定, 咁咪即係冇履行合約羅, 業主咪可以根據合約的條款去食訂或追討佢既權利羅!

法例也沒有規定一定要有正式合約的, 所以, 就算沒有經正式合約的程序, 物業也是可以完成交易的。

Answer 3

簽臨約至正約及過大訂要在14日之內是因為要給律師樓有足夠時間去處理有關法律文件,

過咗既話, 賣主可能會當你撻訂, 法律上賣主係可以不賣比買主,

14日既期限, 其實係可以根據賣買隻方的意願再釐訂的, 所以由簽約日即日計或由簽約日的下一天計係冇定家。且可以延長或縮短, 但縮短的話, 除非負責的律師樓好得閒或有特別原因, 一般都係唔會少過14日, 要多過14日都係同樣要有原因, 所以慣例係都係14日既

2007-01-19 23:25:08 補充：
如果訂立正約的日期真係要超過14日既話, 正如我上述所講, 只要賣買雙方同意, 係可以延長或縮短。所以你所舉係例子只要賣買雙方同意係可以超過14日既, 而厘印費係唔會罰既, 但係如果交易成功, 厘印費係一定要比政府家, 詳情可以睇下政府稅務局的網頁:http://www.ird.gov.hk/chi/tax/sdu.htm#03