我想賣左層樓去，我於2005年190多萬買回來的，現在樓市不景，我預左蝕，但我唔想蝕太多！我看過同樣單位過去的成交，價錢大約是180萬。星期一有人來看樓了，我如何說話，說服對方不要再壓我價呢？請大家分享啲經驗比我！thanks!
2006-10-28 11:44:28 · 3 個解答 · 發問者 金牌珊珊 5 in 商業與財經 ➔ 租賃與房地產
我認為開價就190萬，然後你應該在心目中定下一個「最低」價，例如： 170萬，低過這個價便堅決不出售。
另外，家中的設備及你會留下的其他東西都列於表中，可供買家參考。當然，你家中的設備越完善，價錢可能買得越高。我認為你應該好好家中設備的好處，最起碼在買家到來前，把地方收拾乾淨，不要讓買家有不舒適的感覺。
2006-10-28 15:59:43 補充：
對方不壓價是絕無僅有的事，最主要是讓買家有舒適的感覺。言談間千萬不要讓買家覺得你急於出售樓宇，也盡量表現得你所開的價錢是物有所值。
2006-10-28 11:57:09 · answer #1 · answered by Connie 7 · 0⤊ 0⤋
其實賣樓價錢實在有好多變數的, 正如妳間屋D裝修靚唔靚? 座向和景觀好唔好? 高層定低層? 最近樓上樓下或左右隔離D成交價比較下, 妳唔難佔到妳間屋應該值幾多錢!
如果可以, 妳最好先搬吉左間屋再油油執執佢, 本錢好少, 但觀感就好好多! 會好賣好多!
10個買樓的10個都會壓價, 所以妳要有心理準備! 如果需要搵間銀行估高D價, 可以電郵gohoproperties.com.hk比我, 除非妳層樓係負資產, 我們才會幫妳賣(免佣), 否則, 我們一般只會服務買家!
2006-10-29 12:45:41 · answer #2 · answered by GOHO 7 · 0⤊ 0⤋
買賣樓宇有事都要講TIMEING,現在市度唔係好好,價錢另願開低D減低議價幅度,好過開天殺價落地還錢,另外樓宇先天因素無得變的,但家居觀感可以,首先盡量保持家居清潔及整齊沒用的東西盡量移除便可,另外盡可能放多D地產,不要比人獨家,獨家對急放的業主一點好處都沒有,不要聽代理花言巧語,他們叫你比獨家都只是交代公司,不會因為獨家同你大字標題的,就算佢地大字標題都未必好事,佢地一定壓價壓得很低的,另不要只放大行,有時D細行有D佢地既熟客換樓的,佢地D客有時都幾實的.另外如果有客睇樓一般自然D有點容打個招呼便可,不要太cool,也不要太hard sale層樓,除非客人問問題否則盡量都比經紀推介,因為唔洗比客捉到你心意,你自己要同經紀取共識,因為你唔知經紀點樣同客傾,祝你好運!
2006-10-28 17:12:06 · answer #3 · answered by leaves 5 · 0⤊ 0⤋