導遊&領隊~

Question

大家好~
本人明年就會讀完商科文憑(20歲)，但本人既自願係做本地導遊。即係好似無線"王金賓館"陶大宇個隻，帶人係香港玩。背景點、介紹同解決問題都ok既，但語言就唔得la。廣東話就得，英文唔得，普通話小小(講得唔正，但知點講)。我聽人講過，如果帶到唔係講廣東話既，領隊會幫手翻譯。但係我以前去旅行，當地導遊都係講廣東話。咁我可以唔以做到導遊???我唔想浪費成萬蚊讀完個course、考埋個牌，但無得做~

做領隊我都ok既，但畢境我都係一個女仔，如果成日要出團，都有好多唔方便。帶到好(日本，上海，泰國)就會方便d，但係唔好彩去到唔好既(絲綢之路)都真係唔方便。

我想問係咪做左導遊之後就唔會叫你做領隊la??但係會唔會一去就做領隊，做做下先升你去做導遊???

感覺各位~

Answer 1

你想做導遊呀！好呀！
不過老實講，現時導遊唔係咁好做，雖然有固定出團費，唔係單計佣金，就唔駛再做D無良斬客的事，不過團小了，都唔係咁好環境啦！
而且現時接的團，多是大陸團，普通話唔得就好難做！我都係因為普通話唔得，現時考了個牌都未有團出，好在有份正職唔需入行，唔係早就餓死好耐啦！所以英語得唔得唔係問題，普通話唔得就少了出團機會，所以做唔做就要考慮清楚了。
其實做旅遊業，現時多請年青的，因為可以人工低，而且可以訓練過D導遊，唔俾他們再斬客，所以年青人入行就容易，有時無牌都得，因為新入職都不會即刻有團帶，會訓練你同要你去考牌，考到牌就可以正式帶團了。所以想入行就要襯年青，遲點就唔夠比你更年青的人入行啦！
旅遊業的導遊及領隊，成日給人混亂，領隊帶團出外，導遊在本地接團，兩者不同，而且要讀的課程亦不同，考的牌就不同，所以就沒有領隊升導遊，導遊升領隊的事。一般來說，入行的都會考晒兩個牌，即導遊牌同領隊牌，就可以有彈性，公司有團出做領隊，多了來港團就做導遊。如果只得一個牌，例如只得領隊牌，公司接團多了唔夠導遊又唔搵得你頂上，公司人手調配就困難。所以在見工時，有牌自然優先，無牌都要考齊佢，唔係到時唔夠人調就自然會考慮你的存在價值，明嗎？有時考牌唔係一定要用，旁下身都好！我有朋友去康泰見領隊，都無領隊牌，不過有導遊牌，結果請佢，人工都高點！
做領隊要考「外遊領隊證書課程」，課程很容易考，只要上足課同考個筆試就有牌，讀領隊都係千多元一個課程，就有牌啦！其實幾抵考。不過注意的是上課不能遲到，遲到當缺席，缺席一堂就不能考試，要讀過，再費千多元，切記！
做領隊就要考「職前導遊培訓課程」，課程就甘啦！先說收費都七千多元，另要上189小時課，之後考筆試及路試，筆試要考二百條填充、四十條短答題，背書就背死啦！不過都唔算好甘，最甘是考路試，路線由中環皇后碼頭出發，經銅鑼灣、大坑上山頂，由山頂落淺水灣，再去赤柱，由赤柱去深水灣，經海洋公園、鴨利洲、香港仔、簿扶林、香港大學、水街，出西環，再回中環，全程分作25段做講解，22段在車上講，3段步行團，每段有指定景點要講，不能講錯，亦不能錯過景點，遇塞車又要自己諗野講，而最主要是不會事前話你知負責那段，到時上車即場宣佈，不過只宣佈下一段講者，不到那段前你都不知要講那段，所以要背晒25段講稿（我就寫了50頁紙），還要認景點......，好在都考完啦，考試合格，我都好辛苦才考到個導遊牌來，真是考狀元都無咁甘！
聽完仲敢唔敢考導遊試呀！敢就介紹你啦，讀導遊課程要讀夜校唔好讀日校，日校讀一個月就考試，而夜校就長點，一般讀半年，雖然長點，但無車上講解經驗，又要讀填充資料，日校一個月時間夠準備嗎？我寫25段講稿都寫了成個月啦！所以夜校就多點時間準備，同埋可以練多點。另外最好計計時間，讀就二、三月讀，到十月至十一月考就好點。因為考路試男要穿西裝，女亦要外套西褲，如果考期在夏天，三十幾度大熱穿西裝在街上走是何等滋味呀！而路試有三段步行團，一段在山頂，一段在淺水灣，一段在赤柱，都是露天的，熱到暈都要講，死未？唔好諗住抽唔中考步行團就好點，因為一班一齊考，未考的考了的都要做聽眾，一齊落車晒太陽，熱到頭暈眼花，之後下一段抽到你就......。而且夏天考有機會落大雨，在車上見唔到景點都要照講，應變嘛！不過見唔到景點又點講，步行團同車上講解都一樣，睇有無運到啦！所以考期如能夾在秋天考就無咁甘！
最後介紹你就是讀香港旅遊專業培訓中心的導遊班，要選曾Sir的一班，曾Sir以前是中旅社首席導遊，經驗豐富，教得很好，特別是講經驗，就是書本無的。香港旅遊專業培訓中心的網址是：www.hktt.com.hk/ ，想知多點其他課程資料，可以上香港旅遊業議會：www.tichk.org，有問題可以再問！

Answer 2

用心服務"貸"您解決任何債務問題,專業理財規劃一次幫你搞定貸款麻煩事

YES貸款理財，歡迎您的加入 LINEID: hot777

銀行貸款 免費諮詢評估 0986、 377、 776

專辦：

房屋貸款、房貸轉增貸款、房貸遲繳、銀行二胎貸款、信用貸款、

民間二胎/三胎代償、代墊、土地貸款、民間二胎借款、

負債整合、二胎借款、房貸協商、房貸整合降息、

免費諮詢評估鑑價或協助辦理各類貸款，不事先收取手續費或代辦費

- -歡迎同業配合- -- -歡迎同業配合- -- -歡迎同業配合- -


雅虎搜尋 [ YES貸款 ]，提供你最新理債及房屋貸款資訊建議，讓你生活免煩惱。

Answer 3

Go to TIC

And apply for a Tour Escort / Tour Guide License!!