想由屯門去又一城,如果避開唔行龍翔道,可以點行?

Question

我係新牌仔,試過一次經龍翔道,好似幾難揸,可能唔熟路,因為行屯門公路都handle到,不過出到咁遠有d騰雞.

其實遇到d難行o既路可以有咩技巧呢?見到倒後鏡有車追住就好驚.....

Answer 1

　你可以由屯門公路經汀九橋及長青隧道後，不要靠左線（觀塘），而挨右線直出荔橋，再經西九龍走廊、通州街、南昌街和歌和老街到九龍塘又一城，但車程必定會比行龍翔道慢；況且南昌街往歌和老街方向要上斜，對新牌的你也有一定程度的考驗。
　早晚也要克服龍呈祥道（我都明你是新牌，會驚大貨車），奉勸你在非繁忙時間（平日上午十一時左右）試下跟卅八號巴士駕車由黃大仙入葵涌，久而久之，你累積一定駕駛經驗，就會不會畏懼走龍呈祥道了。

Answer 2

屯門公路，荃灣路落葵涌道，美孚橋上西九龍走廊（即荔橋），第一個路口落，燈位直去到尾轉左入砵蘭街直去入汝州街靠右線，燈位轉右入界限街，燈位靠左用左邊路口入直去，燈口位再左轉大坑東道，再馬上轉右行達之路直去便是又一城．唔明攞本地圖對住睇一次．

當然想快更係行龍翔道啦．．．．．．，你驚後面ｄ車咪盡量行慢線囉．