轉唔轉第二份工好呢？

Question

我係一間online game公司做左一年兩個月，好多人都話呢份工冇前途，每日的工作性質就好似data entry咁樣，學唔到野，所以有好多同事做左冇几耐就走人，揾過第二份有前途d，又可以學到野既工，亦都有好多朋友同我講，趁依家市道比較好d，快d去轉工‧

但係呢份工都ok既，做既野好簡單，好容易handle，一d壓力都冇，八個半鐘頭既工作時間，我諗只係三分之一既時間係做野，其他時間可以坐係度上下網，聽音樂，或者係玩公司既game，真係几優閒，而人工方向又唔係低，$6800+commission(800)=7600元一個月，都ok既，依家真係唔知轉唔轉工好...

我讀到中五，有兩年既工作經驗,到依家都未揾到自己的出路，亦都未揾到自己的職業取向，但係如果我轉文員d工，聽講人工又好低，又要成日ot，同埋都係好悶..

唉..所以依家都唔知好唔好轉工...

Answer 1

我好想問你一個問題: 當日為何選擇現在的工作呢?

是否今天基金經理興起, 你去設法晉身? 數月後, 地產市道好轉, 去考牌當從業員? 幾年後科技再起, 你去做軟件, 寫程式呢?

請回想, 那時去見工的時候, 自己有那些強項, 對方是 BUY?

作為打工仔女的我們, 轉工或是轉職, 可能是一件家常便飯的事; 但是, 往往只是從一個火坑去到另一個火坑的分別。因此, 何不從 “點, 線, 面” 的角度去解決好唔好轉工的問題?

既然你說, 工作性質好似data entry咁樣, 即是每日的工作是 up-date 一個 資料庫, 何不思考一下, 多學和進修有關資料庫的知識, 例如: SQL Server, VB Script 與ASP, 資料庫連結網頁………; 又或是, 玩 game的時候, 想想有沒有新的 idea, 自己動手去設計和製作?

希望有朝一日, 你去見下一份工作的時候, 可以這樣INTERVIEW: 有多年電腦相關經驗, 熟識資料的搜集和運作; 同時, 已進修完畢資料庫工程, 有信心和能力, 去編寫與貴公司現在電腦系統相關的程式; 這是我的 RESUME 和學歷文件……….。

Answer 2

長遠黎講，又真係冇咩前途可言。
你現在所累積的工作經驗，好似對你轉其他工，好似冇乜幫助咁喎！
仲有，當你年紀再大D時，唔通同人地講，你份工係玩game架咩！

我覺得你暫時都唔駛轉工住，首先要諗清楚你將來想係邊個行業發展呢？
如果，你返工時間穩定的話，快d去進修一下啦，得個中五畢業，出到黎唔夠競爭力架！