請問判傷之後．．．？

Question

我工傷整親條腰！直到而家巳經放咗工傷病假一年半！所以政府骨科就叫我去攪判傷先，然後繼續返去覆診，但係判傷之後就唔可以俾假我，而公司同政府醫生都話我巳經唔可以返以前份工！正常嚟講政府骨科係俾假到我判傷果日嘅！問題就喺呢道啦！因為假設我滿意賠償金額的話，等到我正式收到賠償最快都要個半月左右（但如果唔滿意賠償金額就有排攪），咁呢個半月裡面我就無 4/5 攞，咁我點生活呢？我可唔可以喺呢個半月裡面繼續去睇醫生（因為好多時都痛到好辛苦），而繼續攞 4/5 到我正式收到賠償為止呢？因為我都唔想攪到咁架！但係實在無辦法！工又返唔到．．．！

勞工處我有定期上去交病假紙嘅！而我亦都知道，工傷病假最長可以去到兩年或再延長多一年，因為我而家攪得嚟都參唔多兩年啦！而我最大問題就係（喺判傷之後，而未收到賠償之前果段真空期裡面，我都要生活架嗎！咁無錢點生活呢？（因為話就話大約個半月左右就可以收到賠償，但有可能會更耐）），可唔可以如我所述咁做呢？

但我公司係無（輕工）安排嘅（因為以前Ｄ同事工傷咗之後，都未見過佢地返嚟做輕工，而且全部都係（粗重工作），所以無（輕便工作）安排到嘅），因為屬於建做業的，所以比較麻煩．．．

Answer 1

一般的判傷程序，由判傷日之後，等勞工處簽發評估證明書(FORM 7)及補償評估證明書(FORM 5)，再等保險公司發放賠償金，若無任何異議大約都需要 6-7 個星期；
判傷之後若果沒有延續病假，正常情況下僱員必須復工，僱主才會繼續發放正常工資，因為僱主在收到評估證明書(FORM 7)前是不能作出解僱，如果僱主於收到評估證明書後立即將僱員解僱，亦需要至少七天的通知或代通知金(或根據僱傭合約)，勉強可以捱到補償金的發放；但根據以往例子，賠償金的發放通常都會有很多理由而有所延誤的。

按照你問題的描述，主診醫生既然表示你已經無法再做呢份工，你可以要求醫生發出「輕工紙」，當你持有「輕工紙」復工的時候，僱主就需要於你復工時安排輕便工作，直至「輕工紙」期限完結為止，那時你便可以於這段時間等候賠償金的發放！

但若果你於第一次判傷後要繼續延續病假，雖然程序上是可以繼續發放工傷病假錢(五分四糧)，但必須要作出反對或上訴；勞工處於收到你的通知後亦需時審理，那亦代表同樣會延遲賠償金的發放日期，這方面要衡量你的狀況需要性了。

其實現時的判傷制度祇係工傷賠償的程序而已，通常大部份的工傷病友於事後都會作出反對或上訴，因為判傷是由政府醫生負責評估，而每個評估個案約需時三至五分鐘，評估結果會否準確地表示傷患的百份比呢，相信你經過判傷後會理解的了！

最後一提，工傷病假錢基本上是以 24 個月為限，雖然上訴經法院批准可以延續最多 12 個月，但除非你的傷勢非常嚴重仍需大量診治，否則大部份的個案都未必可以成功獲批的。
另外，工傷病假的長短，亦會有機會影響日後有可能的其他法律訴訟結果，若身體狀況有需要應該盡量延續你的病假，不要勉強復工，以保障自己的權益！

因為整個工傷程序比較繁複，亦有不同變數，不能在此一一盡錄，希望以上解答可以幫到你，若有疑難亦可以直接發問！

2007-02-19 13:53:39 補充：
醫生發出「輕工紙」比你，祇係給予一個復工的保障，僱主一般都唔會拒絕，若僱主未能安排輕便工作，亦可要求你「停工」，直至工傷完結後才解僱你。通常建造業好多都是日薪計算，若僱主通知你冇工開，亦可以唔出糧比你，唯有於結束病假後搵社會福利署要求援助，但申請需時，你可以聯絡醫院內之醫務社工，一般都可以加快你的批核時間的。

Answer 2

找工傷賠賞的律師公司, 咁佢會教你點做.

Answer 3

有少少奇怪閣下沒有提及勞工署、社處。

因根據勞工保障條例，在超出已訂休假期間後便不獲約束。所以醫生出休假證明予你亦無用。

最佳處理方法：立即聯絡駐院社工和勞工署，要求協助和進行索償。