有關工傷的問題

Question

我受傷期間的病假錢是由保險定老闆發放？因為我是地盤工人，而老闆人格好有問題，如果經佢手我怕收唔到？另外一問報了勞保一般多久會有通知？

Answer 1

我受傷期間的病假錢是由保險定老闆發放？
~《僱員補償條例》第 10 條規定，在暫時喪失工作能力期間，僱主須向僱員支付按期付款(即工傷病假錢)，款額應為僱員遭遇意外時每月收入的五分四。
雖然這些工傷病假錢是由勞工保險負責，但因為保險公司未有合理單據前是不會支付的，因此僱主必須按期墊支款項。

因為我是地盤工人，而老闆人格好有問題，如果經佢手我怕收唔到？
~「按期付款應於僱員的正常發薪日期支付。若僱主無合理辯解而逾期
7 天仍未支付有關款項，即屬違例，最高可被判罰港幣十萬元。」
條例寫得好清晰，你老闆唔可以唔出工傷病假錢，而地盤工作的勞工保險一般是由大判負責的，若你老闆真的因為財政或其他原因而未能支付按期付款，通常都會由大判墊支的。

另外一問報了勞保一般多久會有通知？
~報勞保是由僱主負責，而一般情況下僱員是不會收到任何通知的。
但僱主必須於工傷意外發生後 14 天內呈報勞工處，勞工處接到個案後會以書面通知僱員，核對僱主所報之資料是否正確，並發出檔案編號方便跟進；若你於工傷意外 21 天仍未收到勞工處之信件，即表示僱主並未呈報勞工處，你必須盡快聯絡勞工處僱員補償科。因為一切補償必須經勞工處簽發「補償評估證明書」方為有效。

Answer 2

你問題其實好簡單，你受傷當然係保險公司支付，但老板先付給你，到賠償時保險公司付給老板。如收唔到賠償的話可去勞工處投訴，勞工處會向僱主發信，咁僱主通常都會支付人工。另外報勞保一般10-15個工作天就會有通知！
如有問題可email :[e-mail]

Answer 3

有關勞工法例, 可打27171771查詢

Answer 4

真係唔好意思呀，因為我都唔係好識建造業的問題
但我建議你可以去揾"香港建造業總工會"度問吖
佢地本身入面仲有好多工會嫁，如︰坭水、搭棚、機械等等唔同範疇

你可以去問下呀 ~~~ 電話︰2388-6887
web site: http://www.hkciegu.org.hk

我諗你地係同行，比個建議或者答案你都會接近d。