面試時用英文自我介紹

Question

我英文唔係咁好,面試的時候,唔識用英文自我介紹,有冇人可以幫到我?
用英文講以下呢幾句
自己個名
幾多歲
住邊到
xxxx年邊間中學中五畢業
如果有d工講唔到英文,可以只係講最後個份工嗎?
仲有可以講d咩呢?最後要點講?
最好寫得詳細d,文法要正確!!!

Answer 1

可以口語化一些

自己個名
Hi, my name is xxx. xx. (e.g., sandy wong, Mike Cheung etc.)

幾多歲
I am xx years old.

住邊到
- I live in xxx (講區份或屋邨名就可以, 別人沒有興趣知道詳細地址)
或 I live with my parents and one younger brother in xx. (許多人包括西人用英文介紹自已不知何解都講家中有多少人)

xxxx年邊間中學中五畢業
- I finished F.5 at xxxxx school in 200x.
- I completed F.5 at xxxx school in 200x.
(畢業不一定要講graduated)

如果有d工講唔到英文,可以只係講最後個份工嗎?
- 當然可以, 只是簡述經歷, 選你認為可以講的便可以
- e.g,. I have worked as a clerk at a trading compnay, and as a salesman at a department store.

仲有可以講d咩呢?最後要點講?

- 如果可以, 很簡短 (一句起兩句止) 地講講你的資歷, 專長和為甚麼見這份工吧, 雖然人家後來也會問. 最後以講講自己空餘的興趣作結尾
- e.g., I have attended a scretarial training course. I apply for the job because I am intrested in secretarial job. I can do typing, shorthand and office administration.
- e.g., On weekends, I like going to cinema with my friends. I also enjoy hiking and traveling.

Answer 2

其實, 面試時的自我介紹, 一定要諗清諗楚. 如果自我介紹做得好, 能「吸引」考官或公司老闆的注意, 令人覺得你是一個適當的人選, 便能提高面試成力的機會.

首重, 「簡」而「清」. 另外, 你應該好好地編寫及反覆練習你的自我介紹, 以表現在你的「自信」、「誠意」. 最後, 而家請人, 一個位, 閒閒地有一百幾廿個人黎見, 適當加入幽默感, 亦有助加深別人對你的印象.

說到自我介紹的內容... 我會有以下的建議:
1) 名
2) 幾多歲, 可以不提, 除非份工有年齡要求, 例如夜總會公關
3) 住邊, 可以不提, 除非果份工o既工作時間顛倒, 或好偏避, 住得近有著數
4) 中學, 千祈唔好提. 睇到你呢個咁白痴o既問題, 你d想思咁唔成熟, 中五畢業就要搵野做, 都唔方會係d乜野名校畢業. 如果你間學校個朵香, 你都唔會憨居到上網問d咁低能o既問題啦. 除非, 你想以幽默的語氣, 話俾人知, 你係「鶴立雞群」, 「出於污泥而不染」. 但係, 以你的水平, 玩到咁寸, 好似唔係咁o岩你...
5) 點解份工同埋間公司吸引你. 呢個問題, 對見私人公司的工好有幫助, 十個老闆, 十個都鍾意人地刷佢地鞋. 你肯花心機刷公司鞋, 代表你會對公司忠心, 唔會咁易跳槽. ( 可參考電視節目《爭霸》) 有時候, d老闆見你醒得滯, 反而唔請你添, 為就係怕就請你冇耐, 教識你野之後, 你就跳槽. 所以, 唔係講笑, 解釋一下點解份工同埋間公司吸引你, 是很重要的. 如果陣公司讚唔落, 就唔好提囉.
6) 「扼要地」形容一下自己的專長, 同埋點解你的專長同份工有關. 讚自己, 係好重要. 唔好怕羞, 更加唔好吹水. 做到「不卑不亢」, 很重要. 另外, 點解你的專長適合份工, 同樣重要. 其實, 講自己的優點, 貴精不貴多, 其實, 吸引人的說話, 一句起, 兩包止, 足已. 如果你自己有很多很多優點, 選三數個最精采的介紹下, 便可. 優點講得太多, 一黎唔一定「全部」識合人地, 講多錯多, 人地仲以為你係傻o既添; 二黎, 就算真係o岩人地, 人地可能會覺得你講大話, 又或者擔心你咁叻, 請左你之後可能會跳槽, 又或者成為自己的威脅. 我家姐, 在地政署做, 佢話, 有個總地政主任, in完個大學生之後, 出黎大聲同d同事講笑咁講:「條靚妹讀過番書咁叻, 又講到自己咁本事, 都唔知請左佢返黎之後, 會唔會嫌我地政府做野慢, 篤我地背脊, 坐埋我個位.」唔係同你講笑, 更加唔係危言聳聲. 你唔叻, 人地唔知請你返黎做乜? 你叻得滯, 人地又唔敢請你. 所以, 優點, 要需要擇最有用果三數個就夠喇.
7) 講下自己的相關經驗
8) 講下自己「有貴氣」的興趣. 「有貴氣」, 是很重要的. 睇愛情小說, 睇八掛雜誌, 上網, 打機, 煲劇, 落d, Fing頭, 界手, 講粗口等, 呢d廣受時下年青人歡迎, 但係人地聽到都覺得唔好o既興趣, 就唔好提喇. 講一d好似彈琴呀, 彈結他呀, 返教會呀, 做義工, 打 golf 呀, 睇宋詞呀呢d. 但係, 千祈唔好講大話, 千祈唔好吹水, 因為, 一旦見你果條友, 都有興趣, 同你討論o既話, 你無言以對, 仲大鑊過唔講.

教人追女仔果句俗語, 「膽大心細臉皮厚」, 原來見工都o岩用喎.

之但係... 你講到... 要用英文幫你作... 就似乎有d困難... 因為... 唔同o既工, 最好都要作唔同o既自我介紹... 要搵到工, 要搵到一份「好」工, 唔懶得架. 如果你真係想請槍手代筆的話, 你就要俾多d你o既資料黎喇. 如果你英文唔好o既話, 你最少都用中文作出黎, 俾我地幫你翻譯丫... 但係, 如果連英文自己介紹都唔識, 又點適合見一d要用英文黎interview o既工呢? 就算俾你用英文自我介紹完, 人地用英問問你其他更深奧的問題, 你答得出嗎? 如果份工會用英文in你, 即係份工有需要講英文, 就算俾你過左個interview, 你之後返工講英文果陣, 你d英文就會突飛猛進嗎? 如果做野果陣時, 先俾人地發覺你英文唔好, 呢個真係大問題喇...所以, 我真係唔係好明, 點解有人會問呢個咁o既問題...

如果真係英文唔好, 而自己又知道自己英文唔好o既話, 就搵d方法自己改善下啦. 上網問這樣的問題, 對改善你的英文水平, 及對你搵野做, 真係一d幫助都冇....

其實, 今時今日的打工仔, 真係同做雞無乜分別. 唯一的分別o係在夜總會做, 定係o係魚旦檔做. 同老細含完, 俾佢地插完, 就算公司有錢賺, 都可能會栽員. 升職加薪? 睇下你得唔得寵啦. 得寵的意思, 除左話做老細情夫情婦之外, 仲有你的能力, 俾唔俾老細睇得到. 總之, 睇下吳君如的《金雞》, 發揮下你有限的聯想力, 會對你做人做事, 打工見工, 有更大的啟發.

願主保祐你.

2007-01-25 21:22:05 補充：
面試見工, 最重要能因應公司需要, 作出適當而「言簡意賅」的自己介紹.

你提出的建議, 對見工實際作用不大.