工傷賠保後,不出人工, 可以嗎?

Question

有位朋友在學校做合約教師.
在合約開始, 工作約40日後, 因為工傷入院. 保障公司賠保金後, 學校減去這保金的金額,
才出其餘的人工.
請問各位, 這樣可以嗎? 有沒有途徑追回這些人工?
多謝.

Answer 1

先要搞清楚所講既”保障公司賠保金”包括左D乜野．

大原則係，僱員因工受傷，係唔應該有任何損失既（肉體上或甚至精神上的痛苦唔可以計，除非係僱主惡意令僱員響受傷後精神困擾或者加重僱員既肉體痛苦），但係僱員亦唔應該從中獲利．

通常保險公司會結算賠償既內容包括：醫藥費（好似唔包掛號費），僱員因工受傷停工期間既工資．

但係有時，賠償既工資可能同僱員實際工資有出入（僱主買保險既時候未必報足）．另外，僱主有冇提供醫療保障俾僱員，如果有，咁醫藥費就可以響呢度claim返．

舉個例：如果僱員因工受傷，佢自己墊支左醫藥費$3,000，但係保險公司賠左$10,000，咁其實，其中既$7,000應該係賠佢既工資（保險公司假設僱主唔出呢段時間既糧俾佢），但係，假設僱員響受傷期間，如果正常咁返工既話，應該有$15,000既收入既，咁僱主出多$8,000俾佢就夠啦．咁樣計，僱員冇任何損失，亦都冇額外既得益．

如果響呢個case裡面，僱主另外有提供醫療保障俾僱員，佢既$3,000醫藥費可以claim返（但係通常醫藥費只可以claim一次，一係工傷保險o個份單賠，一係醫療保險o個份單賠），咁樣，僱主只要再出$5,000糧俾僱員就OK架啦．

如果僱員響工傷期間，出現任何收入上既損失（獎金除外，因為冇返工，公司有權唔發獎金既），咁就真係可以告佢啦．

希望幫到你啦．

Answer 2

工傷補償並不是由保險公司或僱主決定賠償金額的！

工傷完結後，由勞工處發出「補償評估證明書」(FORM 5)，內詳列有關工傷補償事項內容，一般情況保險公司必須依據作出賠償，若保險公司或僱主未按期或剋扣發放賠償，應向勞工處僱員補償科投訴。

若僱主未有發按期放正常工資或無理剋扣，則需向勞工處勞資關係科投訴。

根據你的問題，學校如何減去保金才出其餘的人工呢？這些人工是正常工作的40天工資，還是工傷病假時的補償工資呢！

2007-01-22 17:46:28 補充：
僱員於工傷期間的醫療費用係實報實銷的，每天門診治療費用上限係$200，全數由勞保負責，不應將之與僱主提供之醫療保險混淆。若僱員於工傷病假期間繼續返工，而僱主明知而照claim工傷保險，屬於欺詐行為，保險公司會拒絕作出任何賠償，兼且會交警方處理，後果非常嚴重。況且如果僱員於工傷期間工作若有任何意外損傷，將不能獲得任何保障，慎之！

Answer 3

您朋友可以到保險公司問佢地取一張賠償內容的單, 佢地會列明賠咗d物嘢, 一目了然, 唔駛惑惑吓, 但係有點要注意的係, 學校會唔會因為賠償的時間長, 所以先代幫您朋友支付醫藥費, 當保險費出咗再扣除代支的款項呢.

Answer 4

再去勞工處告它，它沒有賠保金比你，只是出人工！

Answer 5

不可以工傷賠保後,不出人工,認為是犯法的