強積金投資組合一問

Question

本人一向強積金都是50%增長基金及50%恆指基金, 另外有自願性供款, 但近期香港股市勁升, 我怕遲早有股災, 我是否應該改變投資組合呢? 請賜教

Answer 1

MPF係非常長線o既投資，而且多數冇投資顧問幫你跟進，要自己選擇投資咩基金，如果揀個別地區基金o既話，要自己睇住個市，睇下幾時要轉基金，所以最好o既方法係揀大部份計劃都有o既”人生階段”基金(e.g. Growth, Balanced, Stable Growth, Capital Stable)，因為呢ｄ基金已經幫你分散全球投資，由基金經理幫你睇市，唔同時間分配唔同o既比例去唔同地區o既股票同債券，好過自己睇。

你需要做o既就只係響你越來越接近退休o既時候，將基金由進取逐漸轉去平衡及保守，例如：
佢離退休15年以上：Growth (增長基金)
佢離退休15年或以下：Balanced (均衡基金)
佢離退休10年或以下：Stable Growth (平穩增長基金)
佢離退休5年或以下：Capital Stable (資本穩定基金)

呢個只係例子，可以根據你接受風險程度多少而提早或延後轉換時間。

保證及保本基金回報非常差，完全不需要考慮。

Answer 2

樓上分析左長線投資的原則，不過如果自己＜怕遲早有股災＞，可暫時性換投資組合，轉向低風險，到自己回復信心時，再改變投資組合．

Answer 3

其實係唔係股災對強積金唔係咁大影響，因為強積金係好長線既投資，一時既股災只係短時間既沖擊，所以計長線我都會用你依架個組合，除非你係自己投資基金，就要小心股災