有關一路做o野一路搵工的疑問

Question

我今年o岩o岩畢業，做o左而家份工三個幾月，但係我唔鍾意份工，想轉行。我呢一個月來不停咁send信出去，但係都無一次有回音，仲衰過我未返工之前﹗係因為d人見我返o左工，但係做得唔長唔搵我？定係因為我而家apply的工同我讀的business 無關，而我又做緊business o既工，就覺得我唔o岩？好唔開心呀，覺得好似咩都無得返轉頭咁。

有些朋友他們都是fresh grad，佢o地就係辭o左做緊果份工再搵過，會唔會咁樣可以證明到俾人睇我知自己想點，唔係玩玩下唔stable呢？

另外，我知道有些公司會收錢幫人寫resume，有無一d 公司介紹？收費如何？

Answer 1

年尾的確係會少d職位招聘, 話晒個個都等埋份雙糧先走, 通常農曆年過後啦, 職位市道會好d, 到時搵工都會容易d
你唔鐘意份工, 在未過試用期前就已經要遞信走啦, 現在過了試用期先辭職, 又要做多一個月先走得, 咁咪唔抵囉 ><
係僱主都想請一個可以安安份份, 唔會動不動想轉工的人, 我平時請人, 即使他有五年經驗, 但五年五份工, 我一定唔會請囉, 出來做事, 最重要工作經驗, 尤其你係岩岩畢業的, 毫無工作經驗, 仍有僱主請, 其實都算唔錯, 所以我覺得, 如果可以捱到一年先轉工, 會比較好, 出來做野係好現實啦, 唔駛唔開心, 你咪當學下野先囉, 跟住努力用騎牛搵馬方式去轉工, 好過你無錢用啦~~
唔駛俾錢搵人寫resume咁誇, 我做人事部咁耐都唔睇人地的resume, 上網會搵要範本的, 只要打清楚個人資料, 聯絡方法, 學歷, 人工要求, 何時可返工, 咁就ok了~~~

Answer 2

希望我的回答幫到你丫,

1.你讀的課程是否適合份工.

2.因為你太年青,而第一份工剛滿試用期就想轉工,

3.他們會考慮你會唔會玩玩下,做一個月就走人呀,

4.尤其是現在將近年尾,請咗你,但你做唔長,辭工,咁樣年尾特別難請人,而且工作會特別趕的,
找個有經驗及熟手好過請過新手.

所以我建議你還是繼續做到過咗年後,再找返一份同你讀的課程有關工作丫.請你的機會相對

地提高好多.


我是調轉用顧主角度來分析的,希望你細心想想.

Answer 3

因為11-12月大家都等緊出埋係雙糧至走，所以依加比較難搵工。另外，你可找 agent 幫你找工，不用收費既 (Recruit 內很多)