投訴東瀛遊

Question

聽朋友介紹東瀛遊住宿、服務一流，本著一試參加張家界六天團，就經歷一次非常不愉快旅程，在旅程第四天去到天子山景點，當時搭乘覽車上天子山，到山頂影了一陣相之後，香港領導莫小姐（summer）就叫全部團友圍在一起，然後開始責罵，事原乘覽車時導遊就話六個人一架覽車，我地成團人當時行得好散，因沒領導帶領，變咗開頭幾個車廂就兩個兩個乘搭，而當時隔離團的導遊寸我地團個導遊，話你的團友到唔聽你講嘢，香港領導就開始責罵我們，問係唔係聽唔明導遊講嘢，你地知自己住係寶鋒園，如果唔想跟佢地行就自己返酒店，又話跟東瀛遊唔係大晒，佢當時係企高係張櫈度叉起條腰黑起塊面係到罵人，假如今次呢個當地導遊係女人就無這件事發生，因這個領導發姣發到出面，全程成日兩個一齊行，唔係一前一後，我有二十幾年參加團的經驗，從未試過有兩個領導一齊行而唔係一頭一尾，發生咗這件事之後先開始一前一後，過後我地有一個團友好聲好氣咁同莫小姐講話我地可能有錯，但如果你地有人帶著我們就唔會發生這件事，莫小姐即事好勞氣咁話你唔滿意我，我比職員編號你去投訴，大家話有無D咁惡既導遊。

最後仲厚面皮咁叫我地，如公司打電話比我地調查時要比佢一佰分，假如唔比一百分到要比九十九，大家有無見過咁厚面皮既人。佢仲話自己有幾次到收唔到小費，咁佢個人係咪好有問題，點解仲可以帶團，真係好唔明白。

差D唔記得講就係佢面皮厚同姣到出晒面，最後尾個日叫我地團友可唔可以幫佢同當地導遊影相留念，佢應該無帶相機，我們起初已為佢地兩個好熟，原來係第一次柏檔，佢仲晚晚入當地導遊間房，又成日話佢生日叫我地幫佢影相同比一百分佢做生日禮物，佢帶完我地這一團之後回港考升級試，我實在唔明佢可得可能升級。

我己經投訴咗，佢公司緊係幫返自己的員工。

Answer 1

以我所知東瀛遊罰的制度都幾嚴，因為我姐夫以前係東瀛遊做過一段頗長時間，但你要投訴就要打上去搵經理（要留下經理名字及要東瀛遊覆你如何處理這個導遊）或上網投訴都可以，一般程罰是大團變小團或貴團變cheap團或本來比１０團去帶變咗得幾團都有

東瀛遊都幾重視導遊質數，但如果被投訴的領導是老guide或同東瀛遊老闆好friend的話，東瀛遊都會好比面比他們，只有小小程罰或不會程罰都有

Answer 2

我剛剛參加完東瀛遊去東北三省，領隊叫Max Lee，他十分有責任心和很有耐性。雖然有某些團友每次都遲到，但都沒有黑面。但對我們這些永遠只有早到不遲到的人就真係有少少不公平喇!! 不過這些都是團友問題，唔關領隊事。他點樣有責任心，我們要在北京轉機，但由於大風雪關係，所以我們某些團友被迫要在北京留多一晚(我是其中一個)，在機場內，除了我們這團外，還有另外一團(中x旅行社)，到最last一刻，他們的領隊竟然留低五個團友，自己有位返左香港，而Max 就好好人，還照顧埋這五位團友，第二日，他還晨早5:30 送我們出機場，送埋我們入閘才走。由於所有早上的機位都給了我們，所以他還要等到晚上8:00才有機位。

Answer 3

東瀛遊 出名是 日本和韓國, 去中國應搵中旅. 永安. 如果我係你我一定唔比小費. 我有朋友試過另一間旅行社, 旺季去玩, 個導遊好差, 最後唔比小費. 想要$$, 返香港見老闆先講. 之後我d 朋友去玩, 見d導遊差ddd, 自己友同自己友講 " 講明呀, 小費唔一定要比, 若佢差差差的話" . "當然la, 我哋唔係來受氣." 希望你下次去玩唔使用這方法. 我暫時都唔使用這方法. 唔好嬲la, 因嬲呢 d 人是不值得. 你也可向報紙投訴(東方).
以上之言論乃個人意見

2007-12-15 19:15:06 補充：
當然我個朋友唔蠢, 唔同佢玩串個 party, 只會說" d 錢用完, 返香港先有得比.我唔鍾意問人借, 因時時無還." d 人都唔借比我個 朋友la. 佢都無法.

Answer 4

話明係東瀛遊,這旅行社只有做日本團好,中國團一定找其他旅行社,

Answer 5

咁你有冇去投訴先？
想信呢度冇人可以答到你，因只有你是當事人，如你覺得唔滿意，應該直接向東瀛遊和報紙反映，還你公道。