夢見甩牙......

Question

我岩岩發左個夢，我夢見自己突然感到有隻大牙（下排既）好似響個口裡面碎緊咁，於是跑左去鋅盆度（但唔係我而家既屋企，係我細時住果個屋）；
點知我有一張開口，我下排d牙就好似骨牌咁甩出黎，跌左落鋅盆度；因為d牙跌得太快，所以有唔少牙響鋅盆窿度走左（即係執唔番）。結果下排甩剩四隻牙（但都唔係好穩，只係同d牙肉扯住，就甩就甩咁），不過上排就一隻都無事……
跟住我出番廳（合埋個口，忍喊），我d家姐問我做咩眼濕濕，我唯有好小心咁開口講野，但佢地都聽唔到我講乜（因為甩牙已經影響左我發音），之後我表達到自己甩左好多隻牙之後就好快咁跑入廁所呢埋喊；我其中一個家姐跟住我，跟住安慰我話會俾錢同我鑲假牙；點知呢個時候我又突然甩牙－－甩埋下排最後果四隻，另外上排又甩左幾隻……
跟住我聽到有人笑我甩牙，我就合埋個口咁大喊……

我好想知到底發夢甩牙代表d咩！

現實之中我d牙好健康（足32隻），連d智慧齒出左都唔知果隻（即係無痛），只係好間中地有少少蛀牙要補；
我同屋企人關係又無乜野，我健康就一般，屋企人比我更健康；
工作就同平時一模一樣（算順利，得上司信任又無特別開心唔開心咁），只係感情上覺得有d倦（因為擔心無結果）……

希望大家可以幫到我解呢個夢啦！！

Answer 1

你對自己外表失去信心 也可能是身體有毛病 或困倦衰弱 因感情壓力所致

Answer 2

牙 齒

　　掉牙齒
　　掉牙齒表示害怕失去魅力和對手淫有強烈的罪惡感，亦表示與父母分離，表示親戚會發生不幸，自身不安。
　　· 如果牙齒全掉了，表示你的身份會有某些變化。
　　· 而牙齒斷掉則代表你現在的健康狀況很差，要小心身體。
我有個朋友又係發夢甩牙,唔只一次,無幾耐佢外公就去左啦,
(但呢d都只係迷信,你都唔可以信哂既,)

Answer 3

牙齒夢一般代表;信用,年华及健康的意义!而甩牙夢从朮數方面解析运程應為不吉.暫時不而投資或賭錢,即代表愿望＼成功難达到!!!從整体分析你个夢應該是與信任方面有關係.<<只係感情上覺得有d倦（因為擔心無結果）…… >>從你近期最憂心的問題己可睇到!

Answer 4

根據弗洛依德的書籍「夢的解釋」，
「夢見甩牙」同「性或自慰」有關，
而夢見「細時住果間屋」，
係你回想「兒時的回憶」，
其實你唔洗太在意自己個夢，
有好多人都發過「甩牙o既夢」，
「夢境」只係一個表達同宣洩。