我想問下呢, 如果去越南係自由行五日四夜，有冇問題呢？跟旅行團係咪會好D呢？
2007-09-13 00:25:14 · 1 個解答 · 發問者 Anonymous in 旅遊 ➔ 亞太地區 ➔ 其他：亞太地區
無問題呀. 我去過胡志明市 ( 西貢 ), 同河內.
胡志明市 繁榮小小, 不過夜晚唔好咁夜. 街仔好靜. 而且夜晚無野睇. 夜晚會有企街, 不過未見過或聽過治安唔好.
跟旅行團行程會多D野睇, 不過無興趣睇都要睇. 是否參加團要看你自己想睇D乜.
但如果天氣不太差, 建議你去一日媚公河三角洲. 參加當地一日遊就得. 好平都得, 不過可能唔夠野食, 要自己帶小小儲備. D大隻鬼佬好慘餓. 從胡志明市出發, 旅遊巴, ( 唔記得途中有無搭小船), 要肯定行程有小舟行運河先好. 並問導遊艇家貼士慣例. 河內都好似有團去, 唔肯定.
我果次好好彩, 天青風和, 當小舟經過平湖, 浮草後, 再穿過小運河時, 兩旁十尺長草, 好似拱門咁, 陽光從草縫透下......仙境. 不過如愛美白, 就要做防晒措施.
早幾年去, 越南人好硬朗, 唔係幾講到價. ( 基本上係講唔倒.) 華人商店就可講多D.特色物品有木漆器食具, 竹器, 民間小樂器, 小小布藝, 戰後留下的軍用品, 軍錶, 火機, 甚至飛機錶板上的組件. 有D傢俬都幾靚同唔貴, 不過要運送. 重有D新設計飾物, 衣著, 唔娘, 幾睇得下架. ( 拒地比法國統治左好耐, 有小小大方歐洲味. 人稱胡志明市係東方小巴黎, 有小小道理)
地方同人都幾清潔, 食掃街都唔係問題.
希望幫到你!
2007-09-15 20:39:46 補充：
如果自由行就搵間近市中心既酒店, 夜晚散步都唔駛經過太靜既街仔.
2007-09-15 16:37:28 · answer #1 · answered by 野人 6 · 0⤊ 0⤋