我想問有冇人有同感, 關於去泰國, 參加星晨。

Question

我剛參加完星晨旅去泰國曼谷, 芭提亞, 食住冇問題, 但 d 領隊完全唔夠經驗, d guide 好口嗅, 佢話我同我個 friend d 身材點點點...好人生攻擊, 我心諗, 我俾錢黎玩, 唔係黎俾人玩, 而家暑假, 又多親子團, 本來冇所謂, 但佢地d 人好自私, 好似奉旨要讓佢地先, 大家都係俾一樣錢, 有咩理由 ??? 去珊瑚島時, 讓晒 d 好位俾d 一家人, 唉, 我地要坐拋到暈果d 位, 後尾我回程費事理, 坐番d 冇拋得禁勁果d 位, 但 d 人好似覺得你好自私, 我真係好鬼憎呢 d 有細路既團, 好鬼煩 ! 仲有個領隊話冇時間俾我地係機場暢錢, 要逼我地同導遊暢, 真係勁差, 我都俾人笑, 點解唔跟 康泰, 唉, 我想問有冇人有同感, 總之以後唔搵星晨 !!!!!!!!!

我因為太遲 planning, 諗住跟團, 唔好理, 自己玩, 點知一肚火, 真係唔好暑假去, d 親子團好煩, 加埋而家 d 香港小朋友好驚貴, d 父母仲鬼死緊張, 唉, 真係唔好玩 !

Answer 1

我都有跟過星晨去泰國。我覺得食有問題，食埋d廣東菜。無咩特泰國野食，最特別都係"冬陰公"~
我個領隊叫timmy，佢都ok既，不過成日食煙，有小小唔尊重d客。個guide就係勁悶，呀伯黎既，真係好一般旅行團，成日sell野。我唔知咩原因，我坐車係一個人坐(包我5個人﹐2個2個咁坐，我自己一個坐)，佢由頭到尾都唔理我，去樂園要票，佢唔俾我；係車上sell個d野食唔俾我試食~
坐船都ok既，我地係先到先得，唔會埋ga~

其實我覺得星晨都ok既，最好既係佢平，又包好多野玩。但真係會有唔開心既經驗~

Answer 2

咁我覺得康泰呢方面可能真係會好少少.
不過可能就係你今次咁唔好彩,
遇到唔好既領隊,唔好既導遊同唔好既團友而已.
又未必一竹竿打一船人既.經一事,長一智啦.

除左你上述所講既, 旅行團重會迫你買野,
又或者有d好似走難團咁朝朝morning call, 日日住唔同酒店.

所以我依家基本上每次旅行都係玩自遊行.
你自己可以做晒領隊,導遊同團友 @_@"
同埋講真...我都有少少番一d香港既師奶親子團(絕冇歧視成份)
因為好多時佢地對d仔女...., 又或去食野玩野時... ....
都會有你上述所講的情況出現, 所以同團的話,
好怕被其他外地旅客label左你地同佢地同一類人....唉.....!
(因為其實係外地旅行, 中國人同香港人其實唔係太受歡迎....>_<)

所以自遊行真係唔錯, 特別係去東南亞地區, 都冇咩特別問題.
我地咁樣自己去, 經常都被當成日本人 添.