呢個世界已經無得救??

Question

你地覺唔覺得呢個世界已經無得救呢?
地球愈來愈熱, 攪到天氣大反常, 唔係熱死人就浸死人, 海啸打風地震嘅次數愈來愈頻密; 又成日有恐怖襲擊, 攪到人心惶惶; 樣樣野都係化學物, 食咗/聞咗/掂到都話會生cancer會死; 新病毒不斷出現, 令群醫束手無策.
我覺得呢個世界愈來愈黑暗, 人類攪到今日嘅地步都係自己一手做成, 破壞咗D野又無能力攪番掂, 有D人為咗利益甚至特登攪破壞, 得唔到嘅都要兩敗俱傷, 人類生存到咁, 仲有咩意思? 人類唔只害死自己嘅族群, 仲害埋地球上其他嘅生物.
我要為地球上所有生物嘅下一代默哀.

如果人人都肯努力改善就好喇, 不過人類實在太自私, 只係諗對自己嘅好處, 所以我估都無咩可能改善到. 我叫屋企人環保D, 唔好成日開晒燈開晒冷氣, 佢地就話我傻. 我每次睇新聞睇報紙, 見到個地球千瘡百孔, 世界一片混亂, 都好唔開心.

Answer 1

世界有冇「得救」我都唔知, 宜家黎講...冇人會知啊?
除非某人可以由宜家起生存到一百年以後;
但係我認為世界有得「改善」。
雖然宜家每日都可以感受地球在逐漸退步,
但係起碼唔係全世界的人都一起退步。
世界會滅亡是誰造成巳經不是我地每日應該諗既地方,
而係「病源」同「補救方法」。
我認為宜家我地冇可能有「解決方法」住,
因為人類係有不齊心既時候;
但係並唔係全部人類都係咁唔齊心,
所以先至會有「補救方法」。
屋企人唔肯改, 唔代表你隔離屋d人唔肯改,
你隔離屋d人唔肯改, 唔代表你隔離大廈d人唔肯改。
我咁講係想話, 一定有人肯改, 有人會想幫助地球。
所以, 就算諗野悲觀都好, 埋怨又好;
只要你悲觀完, 埋怨完之後,
懂得努力面對就得。

我怕世界末日, 但係我更加怕下一代會怕, 我怕上一代會怕。
但係怕同埋怨係唔夠, 仲要有行動。
行動唔在乎有幾多, 有就得啦...
都識講宜家好多人都唔肯改,
所以可以改既人唔好因為頹廢或者一時既反對而放棄。

Answer 2

不可能要求人好像你咁,吾好理人,人地鐘意點就點,自己做好就得,人地無可能個個會聽你話,吾好諗咁多,活好每一日就算,開開心心. 明知好難去改變的事情,就吾好諗,諗得多都吾會改變,我地都係普通人小市民,做吾到d超出自己能力範圍的事,睇開d,係理吾到,自己做好自己就算.

Answer 3

無架,可能人從開始脫離動物層次,或在工業革命,或發明貨幣那日…已注定今日.
人類不嬲都自制災難,天災係比唔上…
人類不嬲都係咁.

我就寧可日日四十度,拖三年,肺病死.好過處身文革.或十字軍,越戰,集中營,七三一部隊….

有生有死係必然,大家有生之年,對大家好d啦.

實在的事,一點點,杯水車薪,都做.(不過唔好同家人鬧交,無用又傷和氣就唔好勉強.)
其他的,就是大家開心d,建設心靈.

唔好咁灰,今日重有生命.
有億份之一機會吧!

哪,呢個組織就係關注緊你講既野.得閒去望下有乜要你support.
http://www.avaaz.org/en/stop_the_clash

Answer 4

一切己經太遲.....
＝＝＝＝＝＝＝＝＝＝＝＝＝＝＝＝

人 - 萬物之靈

但我們並不知足

亦不曾感恩

既是萬物之靈更該好好保護比我們弱小之小動物及大自然生態環境

但．我們從未如此

反之欺凌弱小破壞自然界

為名為利為自己

物資充裕卻不曾知足宰貓、殺狗、果子狸.......終自得惡果（非典型）

活該！自作孽！

人乃萬物之靈？？　哈！　不過自已為是也罷

Answer 5

其實吾會既只要每個人而家開始努力d
放開d