係咪因為我係大陸嫁黎既，所以我無人權？

Question

20歲嫁比佢時，佢講得天花龍鳳，話會比幸福我，會一世對我好，當時我亦無諗太多，不故家人反對，堅持嫁左比佢，05年7月係香港注冊，06年2月係香港生下BB，或者因為開支大左，而佢又唔太順利，2年轉左五份工！我用曬我婚前D積蓄，同家人借左過萬蚊，賣曬D金，因為佢一失業就成個月無工開，無收入但都要支出！
從來無嫌過佢窮，只想要佢既真心，兩年連單程證都未去搞，但佢成日話唔開心，壓力大，無錢比我唔緊要，飲酒食煙無停過唔緊要，但佢一次又一次半夜趕我走，仲出手打我，半個月前，佢終於講出心里話“係我害成佢咁”，然後再一次淩晨趕我出街，同以前一樣，證件，鎖匙，錢咩都唔比我，今次我心冷了，我無好快咁返去，因佢完全唔覺自已有錯，佢同朋友講，唔會再比我見個仔（佢扣住左我既證件令我無法再申請去港）
我實在忍無可忍，我想爭返個仔，同佢離婚，唔怕為個仔辛苦20年，唔怕一個人過世，但就算我肯咁樣，香港政府都未必會比個機會我！

幸好上天比個機會我，大陸呢邊幫我申請左簽注，我可以星期一再去香港，我亦決定左，一定要爭返個仔，無論揾警方，揾社會福利處，揾區議員，假如最後都爭唔返個仔，我就係佢住果橦樓跳落黎，以死作為對佢既控訴！
自問無貪過佢任何野，自問無做過壞事，自問無愧於天地，只係想要返自已懷胎十月既孩兒，如果連咁既機會都唔比我，做人都無意思，下世做豬做狗都唔做人，更加唔願做女人！

Answer 1

唔好比拒再打你,會上癮.要報警.

我都唔知法律,但你揾警方,揾社會福利處,揾區議員都好好.
因為拒性格有問題,唔應該照顧孩童.
拒用暴力,或趕你出街,你就報警.等有記錄,法官會考慮.

同埋好似扣住人證件都係犯法.
快d社工啦!!!

唔好死.你係咪錫個仔架?傷一世架!
有條命就一定可以見番個仔.

Answer 2

人的一生不可能风调雨顺~~仔细想想自己在做什么~~又为了什么~~~以后的路要怎么走~~多想想你不至于有这样的决定~~因为你在内地还有你的家~~还有你的父母~~
我亦決定左，一定要爭返個仔，無論揾警方，揾社會福利處，揾區議員，假如最後都爭唔返個仔，我就係佢住果橦樓跳落黎，以死作為對佢既控訴！ ~那样又有多少价值~~只不过不甘心而已~~~内地男人真的比港仔逊吗？？~~~你现在需要冷静的想想~~多和家里人商量~~~雨后出现彩虹~~终会见到你的笑容~~愿你快乐

Answer 3

其實呢的唔係你既不幸，亦都好多年輕女性的通病，年輕人其實都有天真的想法，以為一個人講得出愛你就一定是真的，其實好多女人都希望男人講我愛你，講完又唔係一樣無信心，有時有的男人連自己都唔知自己是不是很愛一個女人，或根本唔愛一個女人，講句我愛你，祗不過係禮貎的說話而矣，女人信自己好過信男人，如果唔知到一個男人的死穴在何方，千祈唔好簽生死狀，比過冷靜期佢想清楚，如果真係無你唔得，自然會自動自覺話比你知佢既死穴。其實結親婚就緊係累鬥累架啦，有咩邊個累邊個，佢分明欺負你從內地來，唔輕易來香港，有可乘之機，早已打算要仔唔要乸，唔係個個香港男人都係這樣，有些嫁來香港的女仕也有幸福婚姻，但香港的確有很多賤男人，唔一定是內地人遇到，但內地人嫁來香港始終有風險，如果犠牲太大要想真，唔了解一個男人，唔好嫁來香港。如果可以爭回兒子的撫養權故然是好，但其實都是負累，沒有毅力完成責任也不是好事，不要因為爭不到撫養權而自尋短見，退一步想另一片新天，爭撫養權為一啖氣多於是理智的決定，請你想想看着個兒子，何嘗不會想起自己的不幸。何況如果沒有帶着兒子，反而更加容易找到另一段美滿婚姻，女人唔一定要一世人嫁一次，不過，從一而終始終是中國女性的個人願望，但你想想你的男人值不值得你如此做法。其實這段不幸婚姻，你都有責任，如果一個男人窮，你就要想想自己是否真的捱得窮，或你有沒有辦法改善，或他其實有沒有辦法改善，根本窮是不容易捱的，唔好一邊捱窮一邊抱怨，跟一個唔長進的男人捱窮是不智的，一個有本事的男人唔會成世窮。