公屋及置業問題

Question

本人與媽咪同住一間約六人的公屋單位,大約住了二十年,部份家人已遷出,所以戶籍只有我兩個。
大約五年前,我公司的老闆因移民關係,便將寫字樓以平價二十萬左右出售給我們,現時仍在供款,寫字樓現在當作貨倉用途。
現想問一下,一.寫字樓是否一定需要商業登記??,因有來信說要我遞交商業登記。
二.我的工作性質是賣水晶擺設,要拿相片出門零售,以前是將貨品放在家中待賣是兼職,現在失業關係暫時是全職,現將寫字樓當作擺貨,這算是開公司嗎?如是,那開公司的定義是什麼呢?
三.如不用商業登記,需要報稅嗎?
四.寫字樓是我名義,會影響我現有居住的公屋嗎?因聽聞公屋會有一個資產限額,如超過便會失掉公屋資格?
五.兩人戶籍資產限額會是多少?

現在我很擔心,不知道向何處詢問,希望各位能幫忙thanks!

Answer 1

1. 大部分寫字樓只可以用作商業用途而唔可以用作住宅(除非樓契列明物業許可用途係商住), 所以一般都係以公司名義租用或買入, 而公司就一定要有商業登記先可以做生意. 如果你(業主)將間office出租, 租客都須要有商業登記去做生意, 除非你證明將間寫字樓一直丟空, 唔係營商或出租, 否則公司註冊處會依照你寫字樓既地址要求你繳交商業登記. 你可以睇下公司註冊處網站: http://www.cr.gov.hk/tc/public/fees.htm
2. 照你既情況, 你(業主)將貨物存放在寫字樓, 如果冇人在此地址上班, 都唔一定要商業登記. 當然你可以以個人名義開立公司, 將寫字樓作為辦工地點, 呢個網站提供有關資料: http://www.cr.gov.hk/tc/public/fees.htm. 至於公司定義, 你係唔係指營業性質(nature of business)? 如果唔想限制生意範圍, 一般買賣可以用貿易(trading), 你可以搵一D專做公司成立同註冊既公司幫你攪, 幾千蚊就可以成立間公司!
3. 如果你冇商業登記, 你唔需要以公司名義報稅, 但你本身係業主, 就一定要向稅局報稅! 你可以睇睇稅局網站: http://www.ird.gov.hk/chi/tax/ind_ppt.htm 列明物業稅既業主需知, 譬如你間寫字樓有冇收租等等, 都要報俾稅局知!
4. 房署規定申請公屋時唔可以持有業物, 但你係入住左間公屋之後先買, 只要如實申報俾房署知, 係唔會冇左間公屋既(但如果超過資產淨值, 你有可能要交雙倍租金或市值租金)! 持有公司股權亦都一樣, 如果你開公司, 亦共只需向房署申報, 可能要交貴租, 但唔會冇左間公屋(因為你唔係申請時已經有). 你可以睇睇房署網站: http://www.housingauthority.gov.hk/b5/residential/prh/housingfamilies/0,,,00.html
5. 兩人家庭資產總資產淨值限額係$234,000(2006年4月1日修訂), 你可以參考以下房署網址: http://www.housingauthority.gov.hk/b5/residential/prh/incomeassetlimit/0,,1-88-409,00.html
其實你有唔清楚既地方可以向有關部門查詢(而家政府服務大致上都幾好), 因為每個人既case都唔同, 有D細節要你自己本身先清楚, 呢度只能夠簡略咁講, 亦可能有D唔清晰!
希望幫到你啦!

Answer 2

一、在香港做任何小生意，都要商業登記。
二、申請商業登記一年後，稅局便會寄稅單給你，要求你報稅。（小心填寫）
三、如果，做生意賺得少，便不會影響公屋租金。