我好介意男朋友同佢的女性朋友傾電話，你話間中一兩個月打一次問候下，我係接受到，若一個星期打兩三次俾我男友，佢自己做健美減肥又想叫我男友一齊join，個女仔同自己差唔多大，樣貌娟好，佢個底唔好，之前係做人第三者，感情生活複雜，我覺得對我的感情好威脅囉…雖然我男友曾話叫我唔好傻，佢同佢係兄弟無野叫我唔好亂諗，我男友無野唔代表個女對我男友無野，試問邊會有咁純情的兄弟情吖…記住一個係男人一個係女人…兄什麼弟…我唔鍾意自己男友關心其他女人囉…男友唔鍾意傾電話，我同男友只是msn溝通，但他的女性朋友卻一個星期打兩三次電話俾佢，我覺得好諷刺囉…個女我唔鍾意佢找我男友傾電話，其實我有講俾男友知，他只有一句叫我唔好亂諗，我男友識個女仔成年半兩年有多，但從無間斷找我男友傾電話，都有打少電話係係我同男友再次復合個頭個半年，上年個時上年男友對我超冷淡，對我冷淡半年話分手…都唔知關唔關個女仔事…而家佢又找我男友傾電話，我超唔鍾意，覺得好困繞，雖然男友會坦白話我聽個女仔找佢傾電話，因為我會問邊個搵你吖…不過我都係有些唔開心吖…有時諗唔俾男友有女性朋友咩？係咪我過份敏感…唉…
2007-03-08 01:37:35 · 4 個解答 · 發問者 Anonymous in 家庭與人際關係 ➔ 其他：家庭與人際關係
to LAU 那女仔識我男友不是半年，係年半兩年，即係就嚟兩年
2007-03-08 03:38:51 · update #1
to pctse99 記得分手期冷淡的大半年中我曾向我男友反應，我唔鍾意佢同嗰個時時打俾他的女性朋友傾電話，講過好多次，但男友都無聽我講野，容許個女仔時時打俾佢，而家同男友復合，我很怕若提返佢我討厭個女仔搵他，我怕佢唔鍾意，怕佢以為我信唔過佢…唉…超煩…
2007-03-08 03:49:38 · update #2
其實大家都講得好有道理，但我唔係要懷疑男友，最後得分手結果唔係我想要既答案，因為真的好喜歡我男友又點會願意同佢分手吖…我聽左大家意見之後，最後都引唔住同我男友講叫佢避忌下，結果咪吵大鑊咁制，佢話唔係我咁諗，同佢好少聯絡喎，佢話依排傾多左係個女仔找佢依個兄弟訴苦喎，仲話你都知個女仔感情生活複雜，又話我佢同邊我熟我就憎邊個，我都好難做喎…我邊有係人都憎…佢都打橫理講…我可以點啫…
to lau…你話同男友傾返多啲電話，依樣真係難，佢之前都同我坦白左唔想傾電話傾到公式化，叫我唔好係咪都打俾佢，一日一個電話都嫌多的，所以好多時都係用msn同佢講野，無乜點傾電話的。
2007-03-08 19:34:34 · update #3
你的愛情存在著很大的問題，真為你擔心，放心我們慢慢分析，相信一定可以找出解決方法。
先講講你男朋友和那位相好的女性朋友的關係，老實講，遇到以上的問題，如果我係你，我諗我已諗大發雷霆啦，講真你已經好忍得，佢的行為好奇怪，我覺得他於各方面都將呢個女仔的地位排得比你先，比你高，究竟係因為佢重視友情比愛情多，還是他和這女孩有一段情，真的不知道，暫時還未可以下什麼定論，不過，我個人認為後者的機會比較大，我相信一男一女可以有純友誼，但係你男朋友同呢個女仔就唔似，那個女孩不斷搵你男朋友，唔駛講都知佢對你男朋友有意思，佢個心未必想搶你男友，但係唔多唔少佢都當你死，我最憎呢啲人，如果係我我當然會先同我男朋友講，講出我對此事的睇法及不滿(呢一樣野你已經做佐)，如果男朋友唔聽，但係你又好想留住個男朋友，你可以試下同你男
朋友的親密女性朋友講，照講出你對佢地的睇法及不滿，不過記得唔好激動又唔好鬧佢，如果個女仔真係識做，又真係同你男朋友係兄弟的話，咁等佢自自然避開你男朋友，問題就可以解決。
不過，呢個做法存在住一個危機，呢個做法可以令你很快知道真相，究竟個女仔係什麼葫蘆賣什麼藥，但同時亦可能令你男朋友和那位親密女性朋友的愛情加速，若果你男朋友真是忠心愛你的話當然沒有問題，他知道你咁做都只會話你兩下，問你做乜咁樣搞佢啲朋，話你兩句就無事，但係如果你男朋友係鐿意個女孩子，佢有可能因為呢件事而同你表態，或者同你分手，因為迫到埋牆佢就要開始選擇，所以你要諗下你會唔會咁做。
其實，你還有另一個方法，你可以「以不變應萬變」。係呢件事上面你要忍，其實講真如果你又發脾氣都無用，因為係呢件事上面，你同男朋友都未得到共識，大家都唔肯讓步，所以你發脾氣都只會帶黎吵架的結局，所以我唔贊成你咁做，你忍多一段時間，呢次忍既同時，你一定要慢慢咁觀察你男朋友同呢個女孩子之中的事，同時亦學習一下過一啲沒有男朋友的生活，嘗試找找人生另一個目標，放多一點時間於愛情以外的事中。多觀察一段時間後，如果你男朋友同呢個女仔係無野的話，咁咪一天都光晒囉，但係如果過一段時間後你發覺男朋友真係對你不忠或移情別戀的話，你二話不說便可以走，因為你早前已經為你分手時準備的工作發揮效用，這對你分手時的創傷減到最低。
不過，即使你這次可以留得住你男朋友，你地的感情中依然存在著感情。首先，你地的溝通唔夠，應該話你男友好似收埋個心唔想同你溝通咁，我唔知係你的問題還是係佢的問題，但係呢個問題你一定要解決，如果要大家互相了解或化解誤會必須要經過溝通，但若果你連和他溝通的機會也沒有，什麼問題也不能解決。
另外，呢件事上面你地必須盡快達到共識，如果唔係，遲早有一次一定因為呢件事而吵大獲，到時就好麻煩！
2007-03-08 07:20:08 · answer #1 · answered by ? 6 · 0⤊ 0⤋
我認為你男友尚未知戀愛本身是含有排他性的, 他亦不懂得如何處理與其他異性之間的相處, 相反, 你在這方面較他成熟。其實愛情是需要小心保護雙方關係的, 更要提防雙方疆界出現的"狐狸"(即暗藏不軌歧途者)
我認為你的反應和感覺是正常和合情理的(婚姻專家及輔導家亦如此認為)。那位主動找你男友的女仔的確有心介入你們關係裡, 所以你要小心處理。
曾經看過有一個案與你的情況相似, 那位potential第三者是男方的ex-girlfriend, 常約男方吃飯, 話是好朋友關係而已, 因此形成這對男女朋友的感情生活出現問題, 男方就此事向輔導員投訴女友, 說她小氣, 容納不下別的女性朋友等, 但輔導員(也是男的)卻告訴男方, 叫他與他的ex-gf 講清楚, 話自己已經有女朋友, 因此希望與其他女性朋友劃清"安全"的界線, 以免影響與女友之間的關係等。
我建議你們在未鎖定對方是結婚對象前, 必須要他正視處理這問題, 不然他婚後仍會出現這問題, 因為他仍不懂保護自己的婚姻,而拍拖就是準備進入婚姻的學習。
至於你自己, 你要堅持這理念, 你可以向男友表示要他先處理好這件事, 在未處理好這件事前則凍結你們之間的愛情生活, 而只作他的好朋友, 待他已經安頓好這件事後才解凍, 如果你男友為此對你發脾氣, 你則要好好考慮他是否可以成為你的依靠和同行者了。
2007-03-08 06:35:39 · answer #2 · answered by ? 7 · 0⤊ 0⤋
你男朋友同佢的女性朋友在成年半兩年有多一個星期傾兩三次電話、他的女性朋友做健美減肥又想叫你男友一齊join、而你同男友只是msn溝通。
這些事實放在你眼前當然對你的感情好威脅囉，這是很正常的想法。
我同意你所說：「雖然我男友曾話叫我唔好傻，佢同佢係兄弟無野叫我唔好亂諗，我男友無野唔代表個女對我男友無野，試問邊會有咁純情的兄弟情吖…記住一個係男人一個係女人…」。
他的女性朋友肯定對你的男友有愛情，否則她就不會在成年半兩年有多一個星期打兩三次電話俾你男友，亦不會做健美減肥又想叫你男友一齊join。
而且加上她同你差唔多大，樣貌娟好，佢個底唔好，之前係做人第三者，感情生活複雜。
所以你覺得對你的感情好威脅囉是我所理解的。
在這樣的情況下，你唔鍾意自己男友關心其他女人並與她傾電話是正常的因為有那一個女性會鐘意自己的男友去關心有意追求自己男友的女人並與她傾電話呢！
這其實表明你是真心喜歡你的男友，你才會有這種表現。
你說她都有打少電話給你男友係你同男友再次復合個頭個半年，而上年個時上年男友對你超冷淡，對你冷淡半年話分手。
我相信可能是關個女仔事…而家佢又找你男友傾電話，你超唔鍾意，覺得好困繞，我覺得這當然是很自然啦！
我覺得你不喜歡男友有那位想追求你男友的女性朋友而已，所以你不是太敏感。
我覺得你真要思想一下究竟你男友是否真的愛你，這反而是你要解決的問題。
我覺得若果你男友真的愛你，他不會令你難過，他無理由明知你不鐘意他與那位女性朋友傾電話而仍然繼續與她傾電話。
他應該為愛你的緣故而斷絕與他傾電話。
好就算是那女性朋友主動打給他，他可以拒絕不聽，為什麼他仍然與她保持聯絡呢！
所以我懷疑你的男友是一腳踏兩船，一方面與你好，另一方面又與那女性朋友好。
我相信他自己都未清楚自己究竟鐘意那一個女朋友，他正在選擇當中。
所以他曾經與你分手就是需要有冷靜期，究竟選那一個呢！
不過你的男友在與你復合後仍然繼續與她傾電話是不對。
因為既然已決定與你復合就不應在感情上糾纏不清。
我認為你應該坦白地與你男友表白清楚究竟他是否愛你。
若果真的愛你就要與那位女性朋友不再傾電話，斷絕來往。
否則你就退出，與他結束這段感情。
你要看他的反應如何？
若果他仍然猶疑不決，用以往的藉口來安撫你，叫你唔好傻，佢同佢係兄弟無野叫你唔好亂諗的廢話，你就決定與他分手。
若果他仍然不在乎，你的決定就證明是正確，不要再希望與他復合。
除非他用行動表明與那位女性朋友斷絕住來，否則分手是唯一的出路。
你不需要為一個三心兩意、用情不專的男友傷心難過和浪費你的青春。
你應該給自己一個冷靜期去治療你在感情上的創傷，或找社工或輔導員幫助你去面對分手時的痛苦。
我希望你能果斷地和勇敢地處理你這段感情。
我是一個已婚的男士，我很明白男性的心態，他們很多時是貪心，用情不專。
當然有一些男性是對感情很忠心，不過恕我坦白，你男友不是這種男人。
其實還有很多好男人，不要放時間在一個不值得你愛的男人身上。
2007-03-08 03:36:53 · answer #3 · answered by ? 7 · 0⤊ 0⤋
我覺得個女仔有發緊姣..
我唔知你男友對佢點..
但係個女仔就係度有意無意間接嘗試搶你bf
即使個女仔無野..我覺得佢應該避忌囉!! 無腦?
仲有...識左半年咋喎???? 咁短時間...
2007-03-08 17:06:59 補充：
一句講晒..個女仔係有心向你男友發姣!你小心!!你男友係愛你,,尊重你..都會同個女仔避忌ｄ~!一係叫佢同個女仔少ｄ聯絡!!唔係唔聯絡...係少ｄ~睇下佢肯唔肯..唔肯即係..有野啦!!!仲有..你主動多番ｄ打比佢....霸住同佢傾計時間!!而家緊張期, 主動番ｄ好!
2007-03-08 02:19:43 · answer #4 · answered by ? 2 · 0⤊ 0⤋