同老公一齊咗十年, 喺上年結咗婚, 但未有小朋友的。
早幾日老公突然同我講, 而家欠銀行二十多萬, 係因為四年前賭股票關係, 我聽到嗰一刻真的好嬲, 好失望, 因為今次已經唔係第一次發生, 上一次喺七年前, 當時亦因為賭股票, 欠銀行十多萬, 當年因為我相信佢真的會改過(因佢當年發過誓), 所以當時原諒咗佢, 同佢一齊還錢, 還咗幾年先還晒。到而家, 我真的不知應否再俾機會佢, 我好嬲佢喺結婚嗰一陣都唔坦白同我講, 今次佢話唔洗我幫手還, 但如果我繼續同佢一齊, 我做唔到咩都唔理, 我哋計過, 今次要還大約五年, 雖然佢今次真係好似決心改過, 但我好怕將來到我們有小朋友的時候, 又有第三次, 因為我知道佢本身都幾鍾意賭博的。如果我唔係同佢結咗婚, 我一定會離開佢, 但係而家結咗婚, 真係唔知應該點做, 因為自已繼續同佢一齊, 我知道自己一定成日會諗起這件事, 今年已經27歲了, 好驚唔知自己將來可否遇到一個更好的, 好擔心, 好想大家俾些意見我…
2007-03-07 06:12:21 · 9 個解答 · 發問者 ? 1 in 家庭與人際關係 ➔ 婚姻與離婚
我勸你都係離開佢對你會好一些。如果你只是怕因年齡和不知將來能否找得到一個更好的話，我覺得你實在很傻，還不斷自欺欺人。我身邊有很多女性朋友當遇到感情問題時也抱著同你一樣的心態，為著這個原因來犧牲自己的幸福。試問你再拖多幾年後才發覺他真的不值一留時，那你已白白浪費多了幾年青春，那時候又會怎樣？況且你才27歲，機會多的是，為何為著一棵廢樹而放棄整片青叢！
逢有賭仔性格的人是很難回頭的，況且大拿拿二十萬他都不惜下重注，已可見其賭仔性格，最重要的還是這已非第一次。你自己也意識得到日後有了小朋友後會怎麼樣。他有心隱瞞你，那只會令你沒有安全感，試問你往後的日子怎過？難道你喜歡他不時給你驚喜麼？
我有一位女性朋友，她的前好賭男友曾欠下八十萬元債，她因愛他而幫他還了債，但不到一年間，她男友對我朋友說他因賭欠下一百萬元債，當時我朋友聽後掉頭便走，當沒有識過此人。她的感覺也是一樣，她不能如此下去不斷地作無謂付出。
我曾幫助很多朋友處理過有關賭和感情的經驗，但得出的結論是如果當局者還是迷的話，其他人是幫不了甚麼，一切要看你自己。有些朋友選擇了離開對方，她們現在生活得很開心和自在，但有些還活在昏暗的日子裡。
希望你能作出對你自己好的選擇。
2007-03-07 07:25:52 · answer #1 · answered by Wan Ting 5 · 0⤊ 0⤋
古人說:寧可教人打仔莫叫人分妻。但是你老公賭股票如賭博，一而再再而三，冇錢試問如何生活養妻活兒呢？机會已經比了，好在未有小孩之前就離開算了吧？
2016-10-12 05:30:14 · answer #2 · answered by LiuGeorge 6 · 0⤊ 0⤋
如果淨係賭股票都唔算好爛賭, 如果其他如賭馬,波, 麻雀....都中意嘅話就唔好喇, 賭仔好難改嫁, 除非真係山窮水盡啦, 你諗下你願唔願意同佢一齊行負債嘅日子哎, 願意嘅咪行囉, 唔願意嘅咪離婚囉.
貧賤夫妻百事哀.就算你比佢一個人還, 佢壓力不小, 生活上一定會有好多爭抝.
2007-03-08 11:34:26 · answer #3 · answered by ? 6 · 0⤊ 0⤋
其實唔好o甘擔心啦, 或者你o甘諗, 你老公係生意人, 七年前生意失敗, 蝕了十多萬, 好彩有你同佢一齊還錢, 早幾日又生意失敗, 欠銀行二十多萬.....同佢做夫妻, 你會唔會自己一走了之 ? 你唔會吧 ?
雖然o甘講有d 強詞奪理, 但這正是天意同緣份的刻意安排, 你信天意嗎? 你老公就係天生無財運; 你信緣份嗎? 你就係安排為了陪伴你老公終老.....
還不明 ? 多年來, 你老公有令你開心的時候嗎 ? 你老公真係冇優點 ? 如一點都冇, 那不用聽我講了, 27歲了, 試下搵第二個好啦 !
照你講, 你老公不算賭得很' 狼 ' 了, 只係玩股票吧? 你要平心靜氣(開始時)同佢傾下 : 需知道股票不熟不玩, 亂黎就等如燈娥撲火, 表明你對佢好失望, 問佢以後點諗, 想唔想有將來 ?你老公一定會死狗o甘話知衰, 搏多次係想追返以前輸個d(人之常情,心理學上99%的人都係), 你就要佢交出財政大權同以後做乜都要問你先會考慮俾多一次機會, 同時你要表達你都好緊佢(例如講到呢度攬住佢), 叫佢以後照顧你, 唔好再令你擔心(幾賤/自私o既男人知道個女人o甘對自己, 盲都睇返野啦), 同時俾時間要佢講晒d 心底話俾你聽, 以後有乜都一齊頂住....
o甘樣之後你老公以後再敢行差半步, 就唔駛再上黎 Yahoo 問我....飛佢個 pk 喇
2007-03-07 10:23:40 · answer #4 · answered by YipWilson 4 · 0⤊ 0⤋
其實問題唔係佢會唔會唔左炒股票
係究竟佢同你一齊係真係鍾意你,定係希望有人幫佢還錢
如果佢鍾意你陪佢捱都無所謂
如果希望有人幫佢還錢,第日還完難保佢唔會唔要你
2007-03-07 07:46:20 · answer #5 · answered by ? 3 · 0⤊ 0⤋
其實你自己已有答案, 你話吾係同佢結佐婚, 一定會離開佢, 吾好比婚姻綁住自己,如果你對他冇信心, 襯未有小朋友前走,會容易好多.
2007-03-07 07:28:19 · answer #6 · answered by ? 2 · 0⤊ 0⤋
首先你唔好諗你自己幾多歲，將來可唔可以揾到另一個，因為我深信只要你肯去揾一定揾到，唔係關乎你幾多歲，但現在最重要係你重愛唔愛佢，我自己的建議係你要同佢傾傾，因為今次唔係欠銀行幾多錢的問題，而係佢對你唔坦白，如果你係仲愛佢你應引導佢行番正途，不應沉迷賭博股票，二來同佢約法三章，比一些約束佢令佢有改過自身。
但係我見你寫到有些心灰意冷咁，如果你真係對佢好失望令你對佢無感覺，咁你就要速戰速決，唔好拖泥帶水，因為咁樣大家都痛苦，最後記語你一句，要一個人愛你好難，要一個人愛你但你又愛佢就更難，珍惜愛你而你又愛佢的人。
2007-03-07 07:07:55 · answer #7 · answered by 地面人 5 · 0⤊ 0⤋
都已經係夫妻囉！不如問真啲佢係炒股票定投資？雖然都係有風險，不過如果一心想投資為將來多啲錢你好應該支持佢。既然佢話唔洗你幫就唔好出手住，留住啲錢開始留意股票投資相關的事。過幾年後有銀彈一起找投資顧問，應該會有美好的將來。
記得要平心靜氣同佢講，唔係聼唔到真話。
2007-03-07 06:35:42 · answer #8 · answered by 骷髏 3 · 0⤊ 0⤋
如果我係你我走左好耐啦.....
其實邊個俾意見你都冇用..最緊要都係睇你自己姐....!!!
如果你係對佢心灰意冷既...再一起又只會係擔驚受怕....
正所謂江山易改...品性難移.....有一次...就好自然會有二次...三次,...
次次見到棺材先講後悔講改過全都係廢話!!
其實預期想別人改變....倒不如改變自己既睇法!!
你依家咩都唔洗諗太多佢係咪會改之類既野...
你只需要諗你自己接唔接受到如果會有下一次先....!!
如果你係真心愛佢又接受到既....咁所有問題都唔再係問題..right?
如果你係接受唔到佢係咁樣既...咁我勸你及早回頭....以免一錯再錯啦
2007-03-07 06:28:24 · answer #9 · answered by Ivan 1 · 0⤊ 0⤋