考輔警一問

Question

本人29歲係女仔,破過產(但巳完破產令好耐),我想問0下如果咁0既身世去考輔警係咪多數唔請?查三代係邊三代(我阿叔坐過監有冇影響)?考輔警0既體能同考警察係咪一樣?係咪要剪到d頭髮好短架?仲有我0既會考成績超差得中文一科合格咁係咪多數唔請?請有經驗0既人話我知個答案(考過或現役輔警最好),唔好將招聘輔警要求0既政府網頁copy畀我拜托晒!!

多謝harrysfwong0既答覆,咁我想問返你咁講係咪即係唔使考?我個case有冇可能考到呢?仲有佢地d體能係咪操得好勁架?希望harrysfwong可再回答我問題啦thx!!

Answer 1

　輔警的要求好簡單，只需中五程度，有固定職業及體格良好就可以，但要身家清白，若你曾有破產紀錄，或多或少會有影響。我在九八年離開輔警，是因為自己健康問題，而與此同時，亦有幾個同事辭職，據講是因為他們爛賭或投資失利，刷信用卡或欠下財務公司鉅債「搞唔掂」而宣布破產。
　警隊對破產同事的管理極嚴格，即使同事們在任內宣佈破產，亦會影響晉升機會，破過產的人更加不用對做紀律部隊存有幻想。反而你叔叔坐過牢，對你的申請沒有影響，因為所謂查三代是直系家屬（父母、兄弟姊妹、配偶等），你叔叔並非直系家屬，故破產的影響大於你的你叔叔坐牢的影響。
　髮型方面，若是女性學員，警方當然不會接受你的頭髮長過膊頭，但亦不會短得很緊要，總之清爽和得體就可以。像陳慧琳賣洗頭水廣告一般美的頭髮，勸你剪掉它好過。過度染髮或電髮的學員都恕不接受。
　即使會考零分都可以加入輔警，我聽過有做裝修的師弟，讀完中五後無所事事，跑去做裝修泥水，日頭開完工後汗流浹背，都跑到九龍灣輔警總部返學。