為甚麼很多人都說在懷孕不足一個月的時候，不能跟別人提起？？

Question

如題啦！

o的人話bb 會小氣，講俾人聽會好易無o左..........係咪真o架？
有無人試過講/ 唔講？？

Answer 1

係呀懷孕不足一個月的時候，你不能跟別人提起你有bb
因為老人家話個bb生出來會小氣的
雖然我覺得而樣野冇乜科學根據
而d其實同鬼神之說差唔多
信則有不信則冇.....

不過近期o既例子就有徐子淇
佢都係話驚bb小氣早排先至唔同傳媒講而個喜訊!

2007-03-01 09:52:12 補充：
你係米有喜啦?係就恭喜恭喜~

Answer 2

小氣呢樣嘢,信則有不信則無.

我個B e+ 2yrs. 當初有咗2個月時, 除咗通知夫家&娘家大約35人
(有d老人家仲幫我計算日子話呢個會係仔)
我仲通知埋公司 Boss(因為要佢批放假去產檢, 同做定人手調動）＆
其中幾個friend D嘅同事(佢地會自動幫忙減輕你嘅工作) &
HR Dept (因為要問有關產假事宜)
@o@我老公同佢boss & 同事開盤估仔定女.


但我個friend 話我知佢有咗but 最後都過唔到3個月

另有人話孕婦不搞針線. 但我d 大肚衫褲&裙係自己做ga.


個人意見: 飯照煮, 電視照睇, 家務老公會幫手ga la.
唔好因為就嚟做mama而太興奮, 未過穩定期(即3個月), 最好不要太公開討論la.

終歸嗰句 : 一切小心, 莫太粗勞, 笑多d, 保持心情靚靚, 但唔係叫你傻笑.^.^



有咗ma?? 係就恭喜你先^u^　

2007-03-07 15:50:24 補充：
補充一點:　老人家話小氣意思係,bb會走咗,mean 小產,唔係解作ｂｂ出生後小氣.

Answer 3

沒有這回事，但嬰兒小氣是真的，但是在生出後，若說他乖，轉過頭他就會哭；若說他睡得好，一會兒就睡得不好，這點我試過。
懷孕是一件喜事，所以要告知天下，在這裏我先恭賀妳。不過在懷孕頭三個月比較危險，因為母體或許未能馬上適應而暈倒做成小產，又或胎兒位置不正而流產，所以這段時間最好少做劇烈運動，包括行房，以免產生不必要的危險。