呃唔呃到鬼食呃鬼食豆腐?

Question

熊媽媽個知心好友瘋癲師太,早兩日喺知識+呢度俾人呃,無copy答案,正正經經作個唔正經嘅故仔,諗住呃2分,都俾人移除問題,發問者正黑魔女,無膽匪女!
好彩師太得閒飲杯竹葉青,你精佢都精.借熊媽媽個戶口開檔,講多一次個故仔,睇下呢次呃唔呃到鬼食呃鬼食豆腐?

有隻衰鬼兼懶鬼,道行唔高懶沙陳,自號呃神騙鬼,有一次,時運低,衰鬼行衰運,撞正瘋癲師太.師太俾佢一撞,立刻感到隻衰鬼身上有一股千年寒氣,無他,貪食阿冰冰室嘅冰鎮豆腐之故!瘋癲師太一時無聊.諗住打救下佢,於是打開本打救秘笈.哦.........師太再打聽到冰室老板娘阿冰屋企有個BB冰無邪.

秘笈有云：「解鈴還須繫鈴鬼,寒冰終靠冰無邪」師太靜靜將D無邪童子尿,放入佢阿媽阿冰嘅冰震黑魔界招牌冰鎮豆腐嗰度,呃 呃神騙鬼食.

各位看官,呢次呃唔呃到鬼食呃鬼食豆腐?

欲知後事如何,且聽下回分解


歡迎繼續講故

多謝才子佳文及大話精兩位仗義幫忙,請受瘋癲師太一拜!

Answer 1

隻鬼話：你無聽過鬼食泥咩？我食開泥，點會食豆腐．
師太話：呢ｏ的係豆泥，正合你胃口啦，快食快食！
隻鬼話：你有無攪錯，你話我豆泥？我子子孫孫清明重陽都燒幾套新衫畀我，我邊處豆泥？
師太話：畀你ｏ的靚衫來參詳觀摩一下？
隻鬼話：（變身！）呢套係用我五世孫燒落來ｏ既靚衣紙，再搵西洋達文西幫我設計ｏ既名衫，畀你見識下啦！
師太見呢件係男裝，心生一計，道：
睇呢件係男裝衫，但我唔信你係男鬼．
隻鬼：我有邊忽唔似係男鬼？
師太：邊有男人唔鍾意食豆腐架，你睇住件豆腐都唔食，你仲話係男鬼！死開！死肺癆鬼（請用肺癆英文簡稱意會，我唔想畀人話我歧視）．
隻鬼深深不忿，飛撲去件豆腐度，師太眼見得米．．．

（待續）

2007-03-12 23:05:35 補充：
上一回講到, 隻鬼畀師太話做肺癆鬼，深深不忿，飛撲去件童子冰鎮豆腐度，點知一陣阿摩尼亞氣味撲面而來，隻鬼立即精神一振．醒覺道：”唔怪得地府流行一句，呃鬼食豆腐，唔好講話食，聞都唔掂！一陣”尿鴨味”，妳係唔係玩我！”立即撲向師太，想咬死佢．師太忙道：”一向只聽聞人畀鬼玩，邊有鬼畀人玩架．我都係為你好．”鬼道：”呃我食Ｏ的咁Ｏ既野仲話為我好！”師太道：”你知唔知你點死？”

2007-03-12 23:06:59 補充：
鬼道：”咁耐之前Ｏ既野，真係鬼記得．．．唔係！係我係鬼都唔記得！”師太：”你死，只因你時代唔知有尿療法．而家人唔死都死左，但尿療法仍有效，可助你治好生前殘留Ｏ既病痛，從速還陽．”鬼道：”咪住！唔好當我死左唔ＵＰＤＡＴＥ　Ｏ的新資訊，尿療法只有飲自己Ｏ既取先有效！你都唔知去邊度攞Ｏ的取返來，擺明昆我，我要咬死妳！”師太忙道：”你係鬼，你仲屙得出尿咩？”鬼：”咁．．．”師太：”我一早幫你諗好，呢Ｏ的尿，係由你五世孫生下Ｏ既蘇孲（最緊要正字！！）度攞Ｏ既．鬼屙唔出尿，親屬Ｏ的尿一樣有效．”隻鬼聽完，立即撲向師太．師太心諗：我計盡矣，呢次死緊．

2007-03-12 23:07:54 補充：
點知隻鬼原來唔係咬師太，係抱住佢，道：”吾死久矣，想不到陽間竟有一陌生人如此替我設想，吾很感動！”之後拿起件豆腐，一咬而盡．結果重回六道，投胎去了．師太大透一氣，說：”呃鬼食豆腐，原來真係咁難，下次咪攪我！”全篇完．

2007-03-13 12:22:33 補充：
我要多碟曹博士O既麥牛河得唔得?

Answer 2

唔呃到
因為隻豆腐叫做 -- 呃鬼食豆腐
連鬼都知你呃佢, 所以隻鬼唔食
要改名先