做不到情侶, 應不應該做朋友呢?

Question

之前同個女仔表白左兩次, 都失敗左, 佢重未有信心同準備去投入新的感情,
怕重覆犯錯, 所以安排好多工作同活動令自己好忙, 無時間去拍拖,
重祝福我搵到另一個岩既女仔
(如想知詳情可search “她令我上了寶貴的一課......”
及“她令我上了寶貴的一課......續”)

雖然同佢做不到情侶, 但都想同佢做朋友,
因距離上次聯絡巳有一星期了, 佢過幾日再會去完旅行回來,
可是佢都祝福左我, 咁重應吾應再搵佢呢??

Answer 1

唔可以!!! 絕對唔可以!!
做朋友, 聽落去好似冇乜問題, 但問心, 做朋友最終係咪都希望有機會同佢一齊先!?
呢句要問最深深深深o個個心.....做朋友, 做做下, 佢話ok接受, 你係咪都會去馬丫?
係咪即係話你仲想有個希望lor!! 就算係一絲希望都唔會放過嘛? 係咪? 呢個心態我100%明白~
除非! 你覺得佢係有考慮你, 會俾機會你, 咁你可以做朋友, 但如果佢係有第二d 原因, 根本唔會考慮你, 就算係都只會當你係水泡o既話(呢個你自己先清楚) e.g. 個心根本有第二個男仔, or 對另一個男仔有希望~ 咁就勸你決絕d, 放棄佢, 連朋友都唔好做, 儘量都唔好見面~

唔見面, 唔做朋友, 咁先係成熟o既做法, 表現出你o既果斷同勇氣, 男人無錯係應該要滿懷鬥志同希望, 未都最後一刻, 只要有一絲希望, 都要堅持, 而且要有勇氣向人坦白, 但係, 你要知道, 一個男人, 當佢決定要放棄時候, 所需要o既勇氣係更大, 敢於承認自己失敗, 敢於由零開始, 先係真係勇敢, 男人都會有眼淚, 抹乾眼淚便可以重新開始!

唔做朋友, 表面聽落好似好小器, 但其實你心裏面先知道, 咁先係真係決心要放棄, 要下定決心, 就唔好用"做朋友"呢d 看似好聽o既字眼o黎掩飾, "做朋友"呢個詞語, 無非都係想自己心安理得一d, 想自己諗: "我都係做朋友姐.."咁, 但其實人地根本唔會理你口講o個句係唔係做朋友, 因為根本上你地o既關係已經唔同以前, 口所表達出o黎係咩意思已經無意義, 交係交個心...唔係你個口講係咩關係就咩關係..
想自己大條道理, 心安理得咁去繼續等, 你可以繼續做朋友, no one care, 包括個女仔~
都係o個句, 除非, 個女仔係會俾機會你,(呢個你自己先feel 到), 唔係就勸早早離場, 免得自己傷心~

Answer 2

做唔到情侶...
都可以做朋友啫....

Answer 3

Yes you both should be friends u wanna have more friends, not enemies

Answer 4

我已看過“她令我上了寶貴的一課......”
及“她令我上了寶貴的一課......續”)。
既然你之前同個女仔表白左兩次, 都失敗左, 佢重未有信心同準備去投入新的感情,
怕重覆犯錯, 所以安排好多工作同活動令自己好忙, 無時間去拍拖,
重祝福你搵到另一個岩既女仔，這表明佢已經拒絕與你談戀愛。
既然她已經拒絕與你談戀愛，你還怕什麼呢！
雖然同佢做不到情侶, 你都想同佢做朋友。
那你便應該主動聯絡她表明你希望與佢做普通朋友。
她願意，你便與佢做普通朋友。
否則便結束這段友誼。
就當以前與她交往的片段是美好的回憶吧！
不要再糾纏下去，這對你豪無益處。
你若不忘記這段情，你不可能有發展另一段愛情的前途和希望。
醒來吧！速速回轉，不要拖泥帶水，要果斷作出斬斷情絲的決定。
大把機會放在你前面，不要錯過好的機會呀！

2007-02-23 09:35:08 補充：
我覺得一切要順其自然，不要勉強別人。若果她仍然願意與你做普通朋友當然是最好的啦！但若果他不願意，你就大方地說無所謂。因為做普通朋友都是一種緣份，都要雙方同意才可以成為普通朋友。每一個人都有權去選擇朋友的，要尊重對方的選擇權。這才是真正尊重對方的應有態度。

Answer 5

當然要la, 否則人地可能會覺得你小器喔, 同埋有d 怪怪地, 對你地兩個日後ge 友誼有負面影響, 第時見到對方仲會有尷尬ge 情況, 所以你咪當佢係fd 咁睇lor, 佢唔會專登避開你ge!

Answer 6

天涯可處無芳草,人哋祝福你都係想大家好過D,你可以放得低同confirm自已對佢無feel咪繼續做friend囉,過奉勸你一句,80%女仔一有男朋友就多數影都無,你自已諗啦!

Answer 7

應該做朋友