幫幫手回答.唔知點解對住外父無野講, 都好似無咩計傾, 又唔知講咩好, 有無人可俾d point我, 可否列點呢, 俾d多d就好啦! 多謝!
2007-02-18 21:51:20 · 2 個解答 · 發問者 KY 1 in 家庭與人際關係 ➔ 其他：家庭與人際關係
因為外父唔同老豆,如果對佢一無所知係唔知講d乜野先啱嘅!
如果外父係開通風趣都易搞,若果正經夾古板成晚唔出聲都幾尷尬!
你應該先向老婆攞料,要知道外父的愛好,工作狀況,生活情形,咁就可以有啱傾的話題啦!
佢喜歡旅遊的話,可以問佢最近計劃去什麼地方玩呀?或者問佢對去過的名勝風景區的觀感,咁就一晚都講唔完啦!
佢喜歡運動就問佢去邊度游水行山打波果d,或者引佢講年輕時威水野,聽說你當年都比賽得到乜乜獎噃,佢重唔會有排講咩!
或者請教佢工作上的專業知識,每一行業都有外人不知道的苦與樂,你問到佢一定當自己老行尊咁話你知嘅!
如果外父已經退休都會有其他活動打發時間的,就問佢d活動情況,平時日常生活都有野傾喎!
如果佢有買股票外匯,可以傾下財經都得,問佢美元會升定跌?滙豐幾時入至好呢?都可以吹水啦!
就萛佢有喜歡買馬賭波都可以問佢點買,都一樣可以有野傾吖!
總之話題要投其所好,每事問扮唔識等佢講,唔好有爭論就ok!
其實以上幾點唔只係同外父傾計有用,同初認識的新朋友交際都啱用嘅!
2007-02-19 13:28:38 · answer #1 · answered by man 7 · 0⤊ 0⤋
1. 投其所好--先從老婆入手,向老婆打探一下外父的喜好,知己知彼,搜集相關的資料後,臨場便大把資料在手,不怕無言啞口。
2. 拉近距離--似乎你跟外父的關係都幾疏離,不妨在假日搞一些聯誼活動,例如茶聚/飯局/觀賞球賽/行山/離島一日遊/雀局(咁就梗係你請啦!),視乎外父喜好,打好了關係,佢自然唔會再對你冷淡。
3. 物輕情厚--年青輩孝唔孝義,對老人家有無放上心思,他們口雖說不介意,其實真相往往是另一回事。年青男女自有他們的天地,但間或抽時間探望,家中有甚麼故障/殘舊/爆水喉加以伸出援手,或者外出用膳吃到甚麼美食也打包一些以饗老人家。
一點點的關心/付出/行動,外父必會有所感受,到時必把你這個乘龍快婿愛死!
2007-02-19 13:45:23 · answer #2 · answered by eppie7788 7 · 0⤊ 0⤋