我亞爸係大陸人,每年新年佢都要我同媽咪,亞妹返鄉吓見下爺爺奶奶,但係我地3個都唔想返,因為好悶,又唔乾淨。
今日係星期四,亞爸叫我地星期六返鄉吓,因為我下星期三又要去旅行,去到返學前一日,而返鄉吓可能返到下星期二,我未做曬功課,又唔想返,但係我同亞爸講既話,佢又話我:"唔洗見下爺爺奶奶呀?!",我好想拒絕,媽咪同亞妹都係,但係又唔知點講好...請你地教下我..../ . \\
P.S:同佢講"我未做曬功課!"or";我唔想返",都一定唔得,佢會話"你咪做快d囉!"。
註:我亞爸唔係好惡,佢平時好聽媽咪話,但係如果媽咪同佢講唔返鄉吓,佢地會吵架,亞爸跟住又會問我同亞妹想唔想返,我地唔想返但又驚亞爸話,大家都唔開心,我地好矛盾呀,help!!!
2007-02-15 13:09:19 · 5 個解答 · 發問者 ? 1 in 家庭與人際關係 ➔ 家人
小朋友，細個既時候我都係要番大陸，大陸個陣重唔乾淨重窮。依家世界唔同，大陸好多地方都好左…當然你番鄉下可能無咁現代化。但係因為你幸運係香港出世，呢個世界五六十億人好多都比你大陸鄉下環境差。
講得太多我又怕你唔明，年紀細好多野都唔明白，有時同屋企人番去見下親人，你爺爺奶奶年紀大，見到你地好開心，而且過年老人家見到兒孫好開心。
人生在世，好多野唔係必然呢…你爺爺奶奶可能會比你早離開，佢地唔係度既時候你想見都見唔到…
早排我既朋友佢突然去世，佢都係廿幾歲…想同佢講聲傾下計都太遲，愛得太遲你都聽過唔好得心聲都以變歷史至去想關懷你屋企人。
我咁講你可能覺得老土，但係我覺得如果可以一家人要學會亙相包容，即使唔想有時一年一次都唔係過份…無你爺爺奶奶就無你老豆…無你老豆就無你…呢d 叫做根…人放棄自己既根就好似大樹無根一樣，最後只係爛木頭呢！
你可以話出年先…小朋友…謀事在人成事在天，你可以計畫唔去見佢地，點解唔可以唸下安排時間去做功課旅行同探親？希望你明白啦！
祝你身體健康，學業進步啦
2007-02-16 04:42:49 · answer #1 · answered by ? 2 · 0⤊ 0⤋
我來遲矣~恐怕你已經在家長壓力之下出發了!不過,也嘗試給你一些建議,一些個人感受。
其實,我都勁唔鍾意返大陸架!路途顛簸/舟車勞頓/政安又差/d車又亂飛/d食物又愛把工業用原料添加/鄉下地方個矛廁又核突搞到人便秘真係好易水土不服眼花花。(講開又講而已)
正所謂團結就是力量,只要阿媽/你/阿妹全家先協調達至共識,然後口徑一致,上下齊心堅持,你們唔執拾唔準備出發,阿爸是莫奈何的,至於他會氣上心頭,由得他氣吧,但阿媽則千萬不要動氣,跟他理論。待他一個人自鄉下回來之時,你們仨才氹氹他作補償(阿媽煮些他最愛的好餸/阿妹幫佢揼骨/你再不跟他頂咀事事言聽計從),令事件淡化吧。
2007-02-19 18:56:21 · answer #2 · answered by eppie7788 7 · 0⤊ 0⤋
It is only once a year, and it is only for a few days. If it so important to your father, then for your father sake, go to visit your grandparents.
2007-02-16 13:50:22 · answer #3 · answered by Wander bear 7 · 0⤊ 0⤋
係咪鄉下o的人老土 兼冇禮貌 兼唔關心您們呢？
或者阿爸翻o左鄉下便變左第二個人、性格唔同、語氣都唔同呢？
試下想像下：
你阿爸邊度o黎？ ..佢點會長大成人...？
佢一年會拿什麼來回報養大佢D人........？
他一年裡對你們一家人好不好？
當一個人遇到長輩，係咪都會卑躬屈膝D，好似我o地見到
班主任 噤？如果這個人是你阿爸，見到長輩會係點樣...？你能理解他嗎？
我不知道其實你阿爸對家人平日點，
如果成家人都不贊成回鄉就有點怪，
阿爸平日都與家人不和就另當別論...。
看事情不能單一處理喔....
2007-02-16 06:43:23 · answer #4 · answered by Yee 1 · 0⤊ 0⤋
你咪話要返學校補課...你咪可以唔使去
之後你mun就話""咁咪得你係home...唔放心呀..要留底睇住你..."
咁就大家都唔使去
2007-02-15 13:38:50 · answer #5 · answered by ? 3 · 0⤊ 0⤋