本人本身都幾鐘意交友結友
希望可以做到無論同邊一堆人玩都係咁開心
但係本人性格率直, 直腸直肚
為左唔激嬲人, 所以平時好小講野
人地反而仲覺得我悶
同埋好多時人地講笑我都係笑唔到
勉強回應(微笑) 又真係勉強得過份(好假)
點先可以改善以上幾問題
唔該幫幫我啦 ~
2007-02-12 11:21:03 · 2 個解答 · 發問者 Anonymous in 家庭與人際關係 ➔ 其他：家庭與人際關係
我覺得你話你鍾意交朋結友即代表你為人積極主動，係好事來o既。不過可唔可以令自己起群體生活中受歡迎或者相處得開心就係另一個可能俾讀書更為高深o既學問...
首先你話你率直，係有咩唔怕講o個d，比較年輕如讀緊書時呢種性格可以叫係優點，但都要睇下d人點睇，太過直率就唔好啦，出來社會就變佐缺點，人o地會覺得你口不擇言，所以要盡量避免啦。
你應該講每句說話之前嘗試將心比心，諗下你如果係對方聽到呢d說話會有咩感覺？係需要時間架啦，但慣佐你就變得圓滑。
人o地講笑時自己唔一定要勉強自己跟住人o地笑，但唔好目無表情咁。自己唔想笑而微笑唔一定代表假，另一覺度睇係一種禮貌與尊重。起唔想笑時而笑就最好唔好笑得咁勁同埋唔好笑出聲。
我有時唔開心但我都唔會表露被人睇唔開心，都會笑面迎人，有人會覺得收埋收埋，但我唔想真係直率到唔開心放起塊面度俾人知道你唔開心然後同你一齊唔開心...唔開心時我仍會用友善d o既語氣同fd講，費事令佢o地太難做。
我同人相處o既經驗就係除佐講o野要圓滑之外，仲要多d關心人同埋幫人(雖然好行，但呢樣真係真o既)幫人唔係胡亂幫，而係真係對方需要幫同埋值得就去幫，而且幫人係盡自己能力而唔係用盡自己氣力。香港人大多係自私，因為太多明利上o既明爭暗鬥，所以要受歡迎，自己最好唔好加入是非之中，要被人咁覺你係好o既，咁人o地就唔會討厭你。
人際關係的確係會影響你一生。如果你覺得o個d人際關係太痛苦，不妨將佢認作你o既社會科考試，唔好太努力動用感情精力同心血去交際，只係去諗下點樣獲取好成績，諗下如果你係改卷o個個人，見到點樣o既答案先會俾高分呢？循住呢個方法去諗，你就會發覺要圓滑唔難，唔多唔少係靠d演技，睇下你訓唔訓練自己架je。
希望幫到你～
2007-02-12 18:49:46 補充：
打錯字：太多"名"利上o既明爭暗鬥 要"俾""感"覺你係好o既
2007-02-12 13:44:53 · answer #1 · answered by ? 3 · 0⤊ 0⤋
要做到真正面面俱圚係好難的,尤其你是性格比較率直的年青人!
一般你看到好像面面俱圓的所謂好好先生,只是懂得戴上微笑假面的老油條,他們都有一定的人生經驗,跟別人說話都會迎合對方的意見,但別人却很難從他的口中知道他的真正意見,因此亦很難有真正的朋友!
每個人都有自己的性格,免強改變來迎合他人反而使別人物覺得你很假,而自己亦不開心!
我覺得不可能任何人都可以一視同仁的,一定有些人性格跟自己比較相投,另一些性格比較不太夾的,這也是正常的!
當然我們希望多些朋友不能有敵人,就要盡量主動伸出友誼之手希望同任何人都可以做朋友,如果不成功也少一個敵人呀!
最重要就是以真心待人才會得到真正的友誼,當別人有需要而自己能力又做得到的便盡量給予協助,亦不要為了輕微的得失而斤斤計較!
為了免開罪別人,盡量避免與他人作無謂的爭論,任何人當知道自己說錯也不喜歡其他人當場指正的,所以不要隨便指正別人的說話!
不菅真笑假笑,笑容都是給人親切的感覺,有空對鏡看看自己的笑容是否自然亦是重要的,如果你每天都帶著親切的笑容和所有你見到的人打招呼,一定能夠給大家留下好印象!
當大家在談笑也好,在討論也好,你當時不知道應該說些什麼才好的時候,就是同意或不同意他們的意見,都可以報以微笑,微笑真正是面面俱圚的身體語言呀!
2007-02-12 15:17:07 · answer #2 · answered by man 7 · 0⤊ 0⤋