破產前一問

Question

(1)由向破產管理局申請破產後，要等多久才可以正式開始實行。
(2)我是租屋住的但我以比了2個月按金咁d按金會點?
(3)是不是在破產之前不可以用卡透支現金比律師費用?
(4)我現有1部用我名登記既貨van(是幫我哥出的)我可以點做?
(5)我薪金8k扣除哂我d 開資會有可能唔洗還ma?

Answer 1

(1)由向破產管理局申請破產後，要等多久才可以正式開始實行。
答：我之前都試過，由接受申請後至到法庭領發破產令需時大約三個半月。

(2)我是租屋住的但我以比了2個月按金咁d按金會點?
答：我建議你申請時向你的破產主任提及此事，由他告訴你的處理方法，最保守估計，如真的在四年破產期期間遷出的話，有可能這兩個月按金要交還給破產管理處用作還款，因為通常你報給破產署每月使費時已包括租金，故如果遙出的話，這就是額外的資產了。

(3)是不是在破產之前不可以用卡透支現金比律師費用?
答：通常申請破產前的三個月內係唔可以有任何新借貸或有意圖取得借款，因為如果你是這樣的話，銀行或財務公司也會提出反對或控告你有意圖欺騙，或會負上法律責任，其實申請破產未必一定要搵律師攪的，我本人都是自己去破產署填表申請的。

(4)我現有1部用我名登記既貨van(是幫我哥出的)我可以點做?
答：如你有一部貨車是自己的名下登記，這已當作你的資產一部份，是必要交出來用作還款的，以我翻查破產署135條文提及在申請前的六個月內如有資產變賣及轉移都要填報，所以你除非現在賣出或轉移名到另外一人，其後六個月才申請破產，這樣就免了不必要的麻煩。

(5)我薪金8k扣除哂我d 開資會有可能唔洗還ma?
答：通常生活費會包括每日早午晚三餐膳食費、每日交通費、供養父母費、租金等等，如果給你的生活費是八千元，這你就沒有多餘的還款能力，所以就不用還款，但如果在之後四年裡，有加薪、出雙糧、出花紅等等，你就要在週年報表填上，要用作還款的。

Answer 2

(1)由向破產管理局申請破產後，要等多久才可以正式開始實行。
現時由入紙申請到聆訊日需時個多月.到出埋破產令(1個月)約總共需3個月.
(2)我是租屋住的但我以比了2個月按金咁d按金會點?
按金屬業主的錢, 不會被扣. 但假如你退租, 收回按金, 你要報俾破產主任, 由佢決定需唔需要扣.
(3)是不是在破產之前不可以用卡透支現金比律師費用?
你明知即將破產, 重作出借債(包括信用卡透支現金), 係屬"訛騙罪(Deceit)".千祈唔好!
真係無錢搞破產, 可以乜都唔做, 等債主申請你破產(你唔使俾錢, 但要忍受收數佬追債).
(4)我現有1部用我名登記既貨van(是幫我哥出的)我可以點做?
部車因係你名, 會被拍賣. 如得到任何金錢, 會用黎還債. 千祈唔好而家轉名, 否則係犯法.
(5)我薪金8k扣除哂我d 開資會有可能唔洗還ma?
在填入息與支出表時可參考以下
租金: $3500 (當你住套房)
車費: $600 ($20 一日)
食用: $1650 ($55一日三餐 - 早$15, 午$20, 晚$20)
水電煤電話: $1000
日用品衣服医藥雜項: $1200
Total: $8000
唔使還!!破產主任亦吹你唔漲.....


2007-01-26 14:20:12 補充：
睇完如合用請評選吓!!我最怕用咁多心機去答, 而發問者睇完就算, 結果俾Admin删除左.........