婚後和父母一起住有問題嗎

Question

我打算結婚後和女朋友及父母一起住, 我女朋友唔介意, 而我是有能力出去住的, 但因為我父母都好想我地同佢一起住, 因為佢地唔想兩個人孤令令, 可是我怕日後會有好多問題, 但又唔想佢地老人家唔開心, 我呀媽應該可以和我女朋友相處到的, 但我呀爸就..., 佢好爆燥, 又唔講道理, 我自己有時都頂佢唔住, 間屋五房一廳, 我而家左右為難, 因怕日後會破壞我和女友之間的感情,但又唔想放下佢地兩個老人家, 講過話我在家附近買間屋, 但係都唔得, 佢地都係要同我一起住, 仲話把而家果度租出去,仲好, 哎.......好煩呀, 幫我想下啦, 唔該晒

Answer 1

如果我係你我會暫時決定留返係屋企同父母同住，試試他們能否相處，既然「你父母都好想我地同佢一起住」及「你女朋友又唔介意」，既係話呢個根本唔係一個問題，唔好杞人憂天。

你依家要面對的係如何令到女朋友和父母可以和諧相處，不是一唔一齊住的問題，一字咁淺，如果你決定唔一齊住你第一個問題已經係會令兩老唔開心啦，都唔WORK，為何要選擇一條咁難行的路，捨難取易，同佢地一齊住，但係想辦法滿足女朋友及父母兩方，要照顧相方的感受，比佢地試下相處，如果OK咪無問題囉。

如果到最後佢的真係相處唔到，你先出秘密武器，最後一刻先諗搬走囉！

Answer 2

我個人意見係唔讚成同父母同住!

我有老人家, 亦有仔女! 我將來都唔希望仔女同我一齊住! 你記住啦, 一間屋唔可以有兩個話事的女人, 亦唔可以有兩個話事的男人. 咁樣遲早一定會有衝突. 如果同住一段時間先搬出去仲衰, 到時先話搬好似點都有點尷尬.

唔一齊住, 大家可以避免左好多情緒問題, 孝順父母最緊要有心, 如果唔係, 就算一齊住又日日唔見人, 又有幾開心呢? 一齊住, 有時無論你幾好脾氣, 幾好耐性都無用架! 你如果搬響附近住, 最緊要多D返去, 或者可以基本上日日都係返去食完飯先返自己屋企. 最緊要懂得關心人o者! 而且兩公婆一齊都會有吵架或意見不合的時候啦, 何況仲要加埋父母? 係對父母有心的, 住邊度都會關心佢地, 噓寒問暖, 如果無心的, 一齊住都唔駛講! 總之用"心"孝順好緊要啦! 自己考慮下啦朋友!

Answer 3

五房一廳，可以與父母同住，長者是需要照顧的。

Answer 4

我諗你最好同父母講,可以嘗試婚後一齊住,但若發生大問題,真係相處不來,最後你都會選擇搬出去住,所以希望日後互相遷就,不要發生大問題就大家都好了。這樣你爸爸就不可以隨便發脾氣,相處就會好些。

Answer 5

我都認識一個case 同你的一樣, 父親較暴燥, 老婆一齊住之後四年了都不錯, 因為奶奶好好, 識得在他們之間緩衝一下, 你地間屋還有五個房, 空間較多會較好, 不過不知你地有無請傭人, 有傭人會少好多磨擦, 因為家務由傭人做, 對家務的要求及不滿,不會發洩在家人身上.

Answer 6

和父母住當然好,可以照顧他們,但你的女友真的一定可以習慣嗎?

其實問題所在都是在你的女友身上,如果你的女友真是一個好有耐性又忍得和温柔的女孩,而她又明白一起住的要忍讓父母,應該都可以一起住.

而老人家方面,看來你的父親都幾麻煩,咁你的女友有沒有和你的父母有接觸??
如果有,你有沒有留意你父親喜不喜歡這個未來新抱,如果態度友善,這様應該沒問題.
一起住,你的女友可能會改善好你們一家人的感情


其實一起住一定會有唔習慣,如果大家專重大家,多啲溝通,事情一定可以解決.

Answer 7

俗語講相見好、同住難！大家在一起生活、由於性格、生活習慣、愛好同、、、
難免產生這樣和那樣的矛盾、尤其是年青人和老年人更是存在習慣和代溝的問題！
你是兒子、可以將就、但婆媳之間、往往問題多多！過你的問題在父親身上！
你考慮的問題很對！為了老人家、影响夫妻間感情、是一大間題、但置父母要求
而顧、也予心難忍！我有一個两全其美之計！暫時之計！緩兵之計？
同父母講，我可以在家暫時住一段時間、考驗大家的適應能力！如果双方相處
無羌、可以长住、如果有矛盾、且解决了、我隨時都會搬出去！誏他們先打個
預防針先！如果你父母都同意、你太太也無異議的話！就皆大歡喜了嗎？

圖片參考：http://hk.yimg.com/i/icon/16/30.gif
祝你全家幸福！萬事如意！