我的狗因為年老,去世了
我覺得好辛苦,成日都覺得牠還在.........
我覺得好辛苦,一想起就哭..........
我沒辦法,總之覺得好辛苦..........
2007-01-14 19:15:44 · 11 個解答 · 發問者 becool 2 in 寵物 ➔ 狗
同你一樣既經歷, 發生響我身上面 3 次, 每一次心都好痛好痛, 發呆又喊, 望住屋企佢平日行黎行去既地方又喊, 佢訓開個位又喊, 食飯時又喊, 番工諗起佢又喊, 連響街望倒 d 唔識既狗又喊... 總之每日就係喊住黎過, 呢段時間講真真係冇人幫倒自己, 盡情喊啦, 掛住佢, 唔捨得佢, 點解要忍住?
對上一次狗狗既離開係差唔多三年前了, 04 年 3 月 5 日, 我做左一個連我都唔相信自己會下既決定 - 帶狗狗去人道毀滅, 因為佢已經係 cancer 末期了, 頭入面腫左一大舊硬塊, 我知道入面全部都係血同膿, 佢好痛, 我個心更痛, 最後一次帶佢去睇 vet, 心入面仲有一絲奢望 vet 會話佢奇蹟地好轉, 結果 vet 只係比左一句令我痛到入心既 conclusion : 佢唔會多過一個月命..... 結果, 狗狗響我既懷中慢慢咁合埋左眼, 痛苦永遠離佢而去, 而佢亦都永遠離我而去...
喊完一日又一日, 身邊既朋友點鼓勵我都冇用, 到左某一日既夜晚, 食完飯我一個人番左入房, 忽然一陣好熟悉既味道撲入鼻入面, 係狗狗既味道!!!! 當然, 眼淚又一次缺提一樣, 癲左咁對住空氣講 "你響邊呀.. 我好掛住你.. 你比我摸下你得唔得?" 亦當然, 我再唔會 feel 倒佢既存在, 最後, 我明白了... 對住空氣講同狗狗講既最後一句說話: 我得架啦, 唔駛擔心我, 我唔會再喊架啦, 你走啦..
之後, 我冇再聞過狗狗既氣味了..
我唔係導人迷信, 只係想你知道, 你每日為狗狗喊, 狗狗知架, 只係你睇佢唔倒, 佢仍然響你身邊守護住你, 你都希望佢盡快放低哂所有顧慮, 早日投胎 or 去另一個世界, 過 d 無憂無慮既生活架, 係咪? 唔好要佢擔心你, 響你地相處既咁多年入面, 你有佢響你生命出現過, 比你咁多快樂同溫暖, 同樣地你響狗狗生命旅程當中帶比佢無限愛, 係你地既得著, 每個生命都有完結既一日, 可唔可以應承狗狗, 就算佢已經唔響你身邊, 佢都一樣可以帶比你歡樂?
2007-01-15 09:27:07 · answer #1 · answered by tonimaow 6 · 0⤊ 0⤋
我好明白你的感受
我的狗狗在家不遠處被車撞到，我們還不知道，就連平日在巴士站等車話佢臭的大嬸都飛奔出馬路中心拖佢番路邊，狗狗斷了腳還流了很多血但仍一步一步艱辛的返去我家門口 (要上斜的) ，當我們知道時，當然迅速地送他入醫院，大埔的獸醫說無辦法做手術，要出太平道，途中他睡著了..
我哭了一整天‧還記得過了差不多一星期後，還習慣地每次開門後叫他名字；不過，想到你曾經帶給他快樂時光，而且佢曾經開心過，很不錯了！
2007-01-14 19:43:39 · answer #2 · answered by ? 3 · 1⤊ 0⤋
我有一隻北京狗, 8 歲啦, 最近舊患覆發, 條腰有事, 我都不知幾擔心, 我都怕佢 ....
所以我都會感覺到你有幾偒心, 不過, 你現在可以做的, 就是幫佢念觀音經, 我朋友隻狗走佢, 佢都係佢念觀音經, 等觀音大仕帶領佢, 唔洗再受苦。
有問題找我 dondoonbb@yahoo.com.hk
2007-01-16 09:33:05 · answer #3 · answered by wendy 2 · 0⤊ 0⤋
原來你烧經文比去世狗狗
不好燒比他往生吧
双方掛念令牠不能往生的....
你不好養狗太受狗的影响的情緒...
2007-01-15 18:28:55 · answer #4 · answered by kc 7 · 0⤊ 0⤋
狗狗死咗當然唔開心, 尤其成日諗返起以往同佢既日子, 你為佢喊證明你好錫佢, 你換另一個角度諗, 狗狗有生之年都有你咁錫佢既主人, 相信已經死而無憾, 因為比起其他流浪狗, 比人虐待既狗狗, 佢幸福得多, 遇上你呢個主人係佢既福氣, 你遇到呢隻可以養佢終生既狗亦係一種緣份, 有人講過, 如果可以將狗狗養到終老, 呢隻狗狗前世係你既家人, 所以你先可以養佢終老, 係一種緣份黎架! 你唔開心, 狗狗更加唔開心, 所以就快要死既狗狗好想暱埋死, 唔想死係主人面前, 佢為既係唔想你唔開心咋!
2007-01-14 19:38:29 · answer #5 · answered by kimutaku 7 · 0⤊ 0⤋
你和我好似
我之前都養過貓但俾人趕走左~~
以後都番唔到黎(同死左冇分別)
你唔應該忘記佢
你要記得佢
y???明明覺得好辛苦,一想起就哭..........
我教你一個方法
你可以以一件事為目標~~
就係你為隻狗而定立既目標
e.g我要考第一名~~就嘗試任何方法拎個第一番黎(你要當隻狗係人~唔可以衰俾佢)
你就努力為目標前進
當你成功/就成功果陣~~你就覺得你慢慢唔會咁傷心
因為過程係為隻狗而戰
你就覺得係隻狗幫你完成而感激佢
咁係當時一定會比而家既心情平復數10倍
慢慢黎~~唔好急
定既目標要自己能力做到但唔可以咁易就做到果d
等你成功果陣就明我既意思嫁喇
2007-01-14 19:28:15 · answer #6 · answered by bscat2005 1 · 0⤊ 0⤋
咁請問您想知道咩呢？
您要知道
人死不能復生
狗也是一樣
該放開的 都係放開D啦！
您應該做的
係希望佢可以早D投胎 / 去一個冇痛苦既世界
舊既吾去 新既都吾黎
要放開自己 比狗仔知道 佢會吾開心架！！
2007-01-14 19:23:33 · answer #7 · answered by TKK 6 · 0⤊ 0⤋
用平常心去面對la~~
至少佢同你係過一齊..開心過..米足夠lor~~
曾相識過..便是恩賜~~
2007-01-14 19:22:58 · answer #8 · answered by bbbbb 2 · 0⤊ 0⤋
好慘, 好同情你, 感受到你的傷心，狗比我們的親人一樣親。我都有養狗, 而家係bb。
2007-01-14 19:21:51 · answer #9 · answered by Bel 2 · 0⤊ 0⤋
去買過一只新的,轉移你的悲傷,分散感情.
2007-01-14 19:20:32 · answer #10 · answered by nicole 3 · 0⤊ 0⤋