小第行年30,個樣有d奸有d cool,冇身家冇乜學識冇乜朋友冇乜出街玩冇酒冇嫖冇賭冇吹水,
只係有架綿羊仔有去學日文(初級)跑馬拉松(半馬)有小小吸煙(可以唔食)有一份長時間勞動工作.....但係都冇識到一個女朋友.....點解.....我做錯d乜
2007-01-07 05:58:36 · 4 個解答 · 發問者 fung 1 in 家庭與人際關係 ➔ 其他：家庭與人際關係
識唔識到女仔係講機會同自己去爭取嘅!
有d男人又冇錢又樣衰兼爛嫖爛賭講野無句真嘅都識到女仔啦!
如果講你有錯的話,就係性格比較孤辟內向,你話自己冇乜朋友冇乜出街玩,即係你唔係點識同人交流相處啦!
咁你連普通朋友都咁難識咯,唔通個天會跌個女仔落嚟俾你做女朋友咩!
其實最重要係性格開放d,咪咁淨係做獨行俠,要搞好d人際關係,既然你有工作又學日文,都有d同事同學比較啱傾d掛?咪話一放工放學就雞咁腳走囉,或者順便車埋人走,自然識多一兩個好朋友啦!
人地有乜活動自然叫埋你參加吖,只要多d參加朋友活動,唔好收埋自己,大班朋友一齊玩的時候就容易多機會識女仔了!
2007-01-07 12:14:54 補充：
我唔係叫你去跟埋成班男人又嫖又賭果d活動噃!係大食會或者旅行果d,係會有機會識到朋友的其他女性親屬朋友嫁!有時識女仔咪太擒擒青嚇怕人,有禮貌兼膽大心細就掂咯!
2007-01-07 06:53:12 · answer #1 · answered by man 7 · 0⤊ 0⤋
個樣奸, 就試吓改變形像, 例如....轉吓髮型咁, 唔好太潮或太老套,
無身家, 無學識, 最緊要有進取心, 做人要有計劃, 無錢就儲些少囉!
你至少識上網, 在網上都可以識到朋友咖! 你睇三九唔識七都答你
既問題, 咁就最清楚啦! 識唔識到女仔, 睇你有無誠意啫! 唔好一黎
就話要搵女友, 做普通朋友先, 因為有好多女仔, 要睇清楚你為人合
唔合心意先, 之後先慢慢發展成男女朋友, 三十歲都仲後生, 俾心機
工作, 努力進修, 女仔唔介意男仔窮, 唔介意佢無學識, 最介意佢唔長
進, 你都肯學嘢, 唔使驚! 但最大問題係你工作時間長, 可能呢個都係
最大原因, 幾忙都抽小小時間去玩, 參加吓旅行團, 出外玩又可識到朋
友, 幾好咖! 若然你怕價錢貴, 可以搵一些唔係旅遊旺季的團, 好經濟!
仲有參加一些單身人仕聚會, 如....燒烤會....船河....等等! 費用都係一
百幾十啫! 你唔會唔捨得呱! 只係我建議, 可諗吓!
2007-01-08 01:10:44 · answer #2 · answered by well done 7 · 0⤊ 0⤋
話時話, 咁你有無朋友呀! 若果係有, 咁你d朋友係咪自己去識呀!
係嘅話,你都問題不大, 如果你唔係自己去認識呢, 咁你嘅問題係你唔去認識....即係你唔主動囉~
主動d同人相處係應該的, 男定女嘅都係人, 你首先有女仔朋友再找個女朋友(伴侶)都未遲, 這個不是對與錯ge問題呀~希望幫到你啦!
2007-01-07 17:18:28 · answer #3 · answered by Yeung Shuk Yi Suki 3 · 0⤊ 0⤋
冇乜出街玩又點識到女仔呀??
咁你都要主動識女仔架
唔通d 女仔會好似蜜蜂咁去你度咩!?
2007-01-07 06:22:20 · answer #4 · answered by ? 3 · 0⤊ 0⤋