燒金銀衣紙裝香拜神有冇污染

Question

燒金銀衣紙裝香拜神有冇污染
啱啱返完鄉下（順德）過新年，點知整咗笪「禽蟧瀨尿」喺條頸度，鄉下啲親戚幫我去唔知乜春廟度求咗度符，叫我燒咗來沖水飲，笪「禽蟧瀨尿」就即時搞掂。在好奇心驅使下，我打開佢哋神枱（偶像枱）嗰本「通勝」來睇睇，發現「通勝」有張「淨水符」，於是當住佢哋面前撕咗出來，燒咗掉咗落涌，但條涌啲水始終都係咁污糟，所以就明知冇用，冇燒度符來飲，搞到啲親戚好唔高興。

其實我係基督徒，最反對佢哋拜神，而且聽過燒金銀衣紙裝香拜神會有啲好似重金屬鉛等嘅污染，但就揾唔到相關網站（資訊）介紹畀佢哋，唔知有冇人有好介紹？如果有，我伯娘細妹個仔同埋佢老婆都想信基督，因為我以前帶過佢哋去佛山嘅教堂，之後佢哋覺得教會朋友並非酒肉朋友，禮拜日也會自己返教會，但就被父母反對。

Answer 1

燒金銀衣紙當然會污染，不過就未至於有嚴重的重金屬，所以你在網上沒有太多的資訊。紙上的所謂金銀實際上是錫，所以沒有太大的害處，只是產生了很多無謂的二氧化碳和熱力，亦無必要地用了些樹木。

佛教本身沒有燒金銀衣紙的儀式，你見到的是偏向道教的民間信仰，屬於原始信仰類別。不過有時有些人只為心安，則亦有一定的用途。所以在民間是有一定的支持者。之所以和佛教混亂了，就有點似聖經被錫安教拿來用一樣，是一些總會有機會出現的事情。

其實佛教亦反對人們拜神，正信的佛教徒拜佛只是表示對師長尊敬行禮，絕對不會求這求那的。你可以把你的親友帶到正統的宗教是件好事，不過要多和父母溝通，不要各走極端。當父母明白教會對他們的子女是好的時候，自然會贊成他們到教會去了。

順便問問，你的「禽蟧瀨尿」好了沒有？它是一種皮膚敏感，輕微的會自己消失（所以符水有時會好像有效），假如多日不退，就要找醫生了。

Answer 2

論污染。其實燒任何嘢都會有污染，更可況燒金銀衣紙裝香拜神，呢類帶有不同色素顏料、金屬等物質呢！

「其實我係基督徒，最反對佢哋拜神，.. ...。」
可參考聖經第二卷出埃及記，裡面也有好多獻祭的。