點解方飽的單位叫『磅』?

Question

8 片裝稱為『一磅』， 4片裝叫『半磅』?
起源係點架，跟它的重量有冇關連呢??

Answer 1

樓上兩位朋友講既野有部份o岩，有部份唔係太正確．

無錯，以磅計係因為確實係以重量黎計既．

首先，方包既做法係麵粉加鹽，鮮奶，水等等，再加入酵母菌，搓勻，發酵兩次之後，將麵粉團放入麵包模，焗成既．

而搓好既麵粉，為左方便發酵（增加表面積），會預先分成一團團既麵粉團，為左標準化麵粉團既size，造包師傅會預先稱好，每團麵粉係四安士，即係話”磅”數係麵粉團既重量而唔係麵粉既重量．

多口講多一句，而家既所謂”半磅”（四片）麵包，其實只係得四安士，”一磅”只係得八安士架咋．以前買一磅方包，係有十幾片既（片數視乎厚薄，因為以前係用手工切既，無咁標準，不過切麵包既人其實係睇住麵粉團之間既”界”黎賣既，唔會俾多你），至於幾時開始，半磅變左四片，我就真係唔知啦（可能當時我離開左香港啦），咁算唔算係”偷工減料”呢，就見仁見智啦．

再多口講多句，有D方包真係方既，而有D方包（通常係甜既方包）唔係方既，頂部係凸起既，原因係，焗包既時候有冇蓋住個包模蓋，如果有，個包模四四方方（其實係長方體，印象中一個模可以放六團麵粉），咁D方包就被個包模限制到好”四正”，如果唔蓋個蓋，咁面頭就會脹起．

2007-01-04 19:50:55 補充：
唔好意思，要更正．我o岩o岩睇番D整包Notes，原來我記錯左（差D講左D不負責任既錯誤訊息添）．一團麵粉團係應該８安士而唔係４安士既，但係一個麵包模放六個粉團係無錯既（即係一個麵包模有三磅方包．咁四片麵包係半磅，八片麵包係一磅係無呃秤既．但係點解我記得以前一磅麵包係有十幾片既？唔通細個既時候睇野覺得多D同大D，定係自己失憶呢？順便補充多一句oY，麵包係用呢個”包”既，而”飽”係食飽既”飽”．

2007-01-04 23:57:13 補充：
sorry呀，原來我都寫錯字，麵粉糰原來係用呢個”糰”．

2007-01-08 10:35:12 補充：
我問返D長輩,佢地話以前一磅麵包真係比而家既多,咁即係話我真係唔係失憶,亦唔係"視覺失調",而係而家真係呃秤囉.總結一下:

2007-01-08 10:37:34 補充：
一條原裝出爐既麵包(差唔多有兩呎長),係由六團麵粉糰發酵焗成既,每團麵粉糰重８安士(麵粉糰除左用麵粉,仲加有鹽,糖,奶,水,食用酵母等等搓成),咁即係一條出爐麵包應該係３磅(用以前唔呃秤,手工睇住麵包條"界"黎切既時候既標準),道理上一條麵包應該唔止可以切成24片(而家用機切,可以切得薄D,標準D),但係正因為可以用機切,所以已經唔使理個條麵包"界"響邊,個個都話8片係一磅(以前用手切,可能有D切得比較厚既,真係只有8片),4片係半磅,間間麵包舖都係咁賣,久而久之消費者就接受左8片係一磅呢個標準.

2007-01-08 10:38:26 補充：
其實發展到呢個階段,標準係乜或者有冇"呃秤"已經唔係太重要啦,只要消費者覺得俾呢個價錢,買到4片麵包係合理公平既交易即可(就算真係改番足秤既,買半磅麵包有六七片,但係加番價,條數都係一樣既o者).

Answer 2

六十年代尾香港始流行西點面包作早餐，由于方包需求大增當時全亞州最大的英资面包廠嘉顿公司開始以流水作業生產面包(方包)，為方便當時港九各大小鋪仔(士多前身)售賣計算价格，即以約一英磅材料所能制出的面包稱作方包或磅包至今，
附注：當年(六十年代)方包早餐是方包搽沾、牛奶或洒些砂糖另配一杯"阿華田"便是小朋友的早餐了。

Answer 3

方飽又叫做磅包。
好似樓上講，當初應該係斷磅賣ge。
當時真材實料d，唔係好似e+ o甘鬆pau pau！

Answer 4

指既磅係麵粉既重量...即 一磅麵粉整到八片包