我同太太搬出外住已有幾年時間, 暫時沒有小朋友. 因經濟上以及媽咪身體上開始多病痛. 我打算搬回一齊住. 但我媽媽是住公屋, 但如搬回去一定唔夠住. 而我是無資格住公屋同買居屋的一員. 除非要我老婆或我唔做嘢, 用一個人的薪酬去抽居屋. 但這個我覺得是下策. 而實際上我唔多愛住樓, 我住村屋住得幾好幾開心. 另外, 我太太同我阿媽平時無咩兩句, 最擔心住在一齊後磨擦增多, 到時我就煩死了. 所以現在很苦惱, 都不知怎麼辦好?
2006-12-12 05:49:25 · 6 個解答 · 發問者 人總要有夢想 3 in 家庭與人際關係 ➔ 家人
我最擔心是阿媽半夜三更有事冇人知啊! 依家佢成日都話夜晚訓訓吓唔舒服呀! 唔係情義倆難存, 係情孝倆難存先真哦!
2006-12-12 06:19:19 · update #1
其實我住得都唔係太遠阿媽屋企. 我有車最多廿分鐘都返到去. 不過我阿媽得一個人住, 都係有d唔放心. 另外的是, 現在變相是要養兩頭半家-半頭是外家. 經濟上其實是有點緊, 無錢儲.
2006-12-12 06:51:18 · update #2
老人院暫時唔會諗, 事關阿媽重行得走得自己照顧到自己. 況且, 佢阿媽我阿婆都係唔自願下俾人送去老人院先加快病情去的.
2006-12-15 07:19:37 · update #3
既然無資格住公屋又唔可以買居屋，不如就搬近ｄ媽咪住算數，最好以３０分鐘內可以去到她屋企為理想；既可以在居住上有個照應，又可以有二人世界，千奇唔好叫太太將就同住，相見好同住難係真架，既然你太太同你媽咪平時無咩兩句，就唔好夾硬一齊住，真係會有好多磨擦，到時唔係佢地死，死個個會係你先羅；而且有好多野係唔可以返轉頭，發生問題後先再搬走重煩過依家．
唔知道你媽咪附近有乜樓（包括你喜歡的村屋），所以若你常攞個平衡點，不如犧牲下搬上樓，大吉利是講句，有乜事都可以快ｄ返到屋企，如果太太唔太喜歡，你嘗試同佢講，只不過搬近ｄ住而唔係一齊住，你都想有個孝順父母既老公麻．．．；我想你太太都唔會係一些不講理由的人，有邊個太太唔會為自己丈夫著想，試下啦，祝你好運！
2006-12-12 06:26:29 · answer #1 · answered by 靚太 2 · 0⤊ 0⤋
其實有無想過老人院, 好多老人家, 因為家人無時間照顧, 她們一樣行得走得,
在老人院一日三餐有人照顧, 有甚麼唔舒服, 都可以第一時間送佢去睇醫生,
這是比裝救命鐘還安全, 救命鐘也要她按制, 若然暈倒在家, 又怎能按鐘呢!
同埋住又如何? 你兩夫婦又有工作, 你們返工後, 你阿媽一樣無人照顧, 倒不如
申請入住老人院, 當你阿媽去睇醫生時, 由醫生寫紙申請, 咁樣容易些小, 不過
我唔知你阿媽幾大年紀? 係申請政府既老人院, 特別情況, 及有需要人仕快好多.
唔好諗住叫阿媽入老人院就不孝, 入面有其他人陪, 如果你阿媽健談, 可以識到
好多朋友, 仲無咁悶添!
2006-12-14 19:55:36 · answer #2 · answered by well done 7 · 0⤊ 0⤋
第一不要住居屋或公屋, 因為間屋越細越易吵架, 住在村屋好d, 如果請工人會少d問題,
工人及老人家各自有房會更好. 與太太商量下. 有心理準備會好d, 老人家有病, 心情會差d, 得閒看電視傾下劇情便好d.
2006-12-12 12:50:37 · answer #3 · answered by 小明 6 · 0⤊ 0⤋
1. 你應該先搬去你媽附近住.
2. 為方便起見, 你還是裝個救命鐘給你媽.
3. 請個鐘點工人比你媽&太太..佢地2個都不用做家務, 咁你太太就可多d時間照顧你媽.
希望幸福
2006-12-12 07:53:02 · answer #4 · answered by 曼蛇 6 · 0⤊ 0⤋
見你孝順
1. 你有沒有問房署, 可否轉大一些的公屋?
2. 你經濟上許可下, 租3房的村房請你媽同住?
3. 或者搬去你媽附近.
4. 為方便起見, 你還是買多個救命鐘給你媽.
5. 唔想婆媳吵, 請個工人就可以減低磨擦機會, 太太&你媽都不用做家務, 還有人日夜照顧你媽.
希望能助你解決
2006-12-12 06:38:55 · answer #5 · answered by 任天知 7 · 0⤊ 0⤋
好多時, 就算大家好好傾, 當一齊住的話就一定會有好多磨擦. 因為, 相見好, 同住難係真嘅. 其實, 您可以搵d 家務助理幫忙. 佢地係計鐘做野嘅. 您可以搵朋友介紹, 之後再同佢地傾價錢. 咁, 起碼叫做有個人睇下佢同幫佢.
2006-12-12 06:03:26 · answer #6 · answered by ? 7 · 0⤊ 0⤋