理科的抉擇

Question

我想請問下..如果讀理科既話
讀大學可以揀咩科..同埋有d咩出路呀??
thank you!!

Answer 1

如果你講學術方面的得著..
讀文科一般會得到比理科好的語文水平
(始終文科接觸文字的機會比理科多~)
仲有..讀文科亦會學到安排組織的技巧~
不過對某d理性的人來說，
讀文科就會比較悶~

至於讀理科...
就可以訓練到更強的邏輯思維同分析能力~
所學的都比較實用性強~
不過對數理冇興趣的人而言，
理科會係一門複雜的學科~

如果講前途的話
讀文科升大學的機會必定比理科少
而且會比較困難~
因此讀文科必須成績好好先可以同理科爭學位~
至於就業機會..
讀理科可以揀好多唔同的工種..
一般都係比較實際同生活化d既~
讀文科搵工就難少少(除非你語言超好)
通常會做一d文字性工作~

仲有一樣好重要既就係...
會考之後理科生可以轉讀文科
但文科生唔可以轉讀理科~
升大學都係..
理科生可以揀一d好文科的科目
但文科生揀唔到一d好理科的科目~~

不過點都好..
最緊要睇自己的興趣係咩~
讀到自己鐘意既科目就乜都好啦~!
選科的困惑
問：我文科的成績幾好，而且不太喜歡理科，但理科出路較佳喎，點算呀？

答：討厭理科卻選擇理科，既埋沒文科天份，又讀得辛苦，讀出的成績也未必佳；反而讀文科成績可能更好，出路也一樣好呢！
問：我不知道自己喜歡文科抑或理科？

答：你可從日常的生活，了解自己的興趣。例如喜歡看散文抑或推理書？喜歡歷史課堂，抑或化學課堂？

問：除了興趣，選科還要考慮甚麼？

答：
a) 成績：可顯示你對那些科目有較好的能力；及
b) 出路：希望將來的職業是甚麼？例如「醫生」、「護士」則必須修理科。

常見的錯誤觀念
1) 理科出路好，文科出路差。
2) 聰明和學習能力強的人應選讀理科。
3) 男孩子應該選讀理科。文、商科應留給女孩子修讀。
4) 理科班才是精英份子匯集的地方。
5) 應該和好朋友一同進退，同選一班，以維持友誼。
6) 商科最實用，畢業後必定不愁找不到合心意的工作。
問：很多同學都選理科，我應否選理科？

答：當然要三思！因為朋友的能力與興趣可能與你不同；如果你不考慮自己的喜好就隨便選科，便會浪費最少兩年時間，而且嚴重影響你日後升學與擇業的機會！

文科讀中西史..經濟,地理,有d要讀埋中國文學.
理科讀phy,chem,bio,有d要讀埋a.maths同computer

Answer 2

睇下你會考同高考有修邊科理科.如果你預科有修P.Maths既話, 你可以選修工程, 數學及資訊科技教育, 精算, 數學, 計量財務.預科有修Physics可以修Physics, 應用物理.預科有修Chem, Bio可以修Biochem, 生物, 化學, 分子生物醫學, 醫療科學.有修P.Maths, chem, Bio任何一科可選修科技及管理學.有修Phy/Chem/Bio既可以修中大護理學, 化學工程.如果你會考有修生物, 而且其中一科有C或以上, 你可選修理大護理.會考數學/Phy/Chem/Bio合格既可修物理治療, 眼科視光學, 職業治療. 如果會考數學/A.Maths有C以上既可以選修Computing, Computer Science.仲有其他科無限你預科修咩先可以入. 例如: 工商管理, 哲學, 法律, 測量, 翻譯, 語文, 新聞, 傳理, 文學院, 音樂, 日本研究, 人類學, 神學, 設計, 紡織及製衣, 酒店, 旅遊, 藝術, 歷史(浸大歷史除外), 文化研究, 社工, 社會學, 教育, 政治, 中醫(浸大除外).出路方面, 請自行上大學網頁查看, 但係有時你出去做野唔一定會做同你讀個科有關既野, 而且唔好預期一入去會有好多人工.

Answer 3

其實出路真係好闊呀。

因為讀完理科，你係大學內吾單只可以選擇理科的科目，而且有部份的文科科目都可以選擇呀，例如：BBA

不過全理系就一定吾可以選擇呀