我家庭問題

Question

我家有阿媽 阿妹 同後父
其實一家人冇咩問題,有後父都唔會介意
但係個後父
鍾意管住我 咩都限制住
今日掃少左次地,比佢鬧,我17歲啦
我答咩未掃 一陣掃 佢話:你不如以後唔好食飯
佢又話我番公搵得少

佢一唔開心就搵我地發皮氣
做錯一樣野就話你以後唔好打機,以後唔好食野

某某天佢仲叫我搬走,同我講,你媽媽好僧你
我問返阿媽媽 係咪好僧我
媽媽冇講過

我日日都要小心
做咩都怕比佢鬧
去剪髮,鬧我剪髮
仲話:5月cut你上網
我問佢點解,佢話我鍾意cut就cut
我講:我比錢架bo
佢答:咁叻你買左間屋佢
言下之意佢真係迫我搬走

媽媽聽電話慢左同開門比佢慢左都比佢鬧
我唔勁冇資格冇資格話佢..但係佢實在太過份
我想知我可以點做 可以點算
我唔想比佢cut線
上網對我好緊要
(唔好答我同佢溝通,即使我做到幾乖,幾好溝通都都會係哂氣)

總知我心情真係好煩..到抵我可以點做..
真係搬走..?
我實在忍唔住先post上黎..希望有人諗到點做..
駛唔駛搵社工?要既電話係幾多?

佢做事真係好過份
我同妹同我僧佢~
有時我真係想打死佢
但係我唔會咁做

總知真係好唔開心丫...
到抵可以點做~

可唔可以詳細d答我...唔該哂~
如果真係要走又要點做呢~
唔走又可以點做呢..

多謝pp同kitying168
好想你地都做最佳~
不過仲未有人答到我我點做先唔駛比佢cut上網
我eq好強~而且唔開心就上網搵人講
咁就會冇咁唔開心架啦~
if佢真係cut我...我就唔知點算好la..~

多謝哂各位...好感動
不過我要補充少少野...

申請上網既係佢..
如果要我係cut左之後再偷偷上返有d難..
可能要用無線...

其次係阿媽...
理由上佢支持我..然而..佢左右為難..
而且佢好聽個男人話..唔會做到d咩,,,

而且d錢我都有問題...
我要留定d錢..我想下年讀返書...中五程度搵工實在有d麻煩..亦都做得唔開心..

不過個男人實會阻止我啦
總知就... 前路未明....

Answer 1

見到你屋企咁gee情況
我真係有少少替你難過
我唔係要教人同屋企人嘈交
但若果屋企的經濟支柱係你
你後父根本無權鬧你

我想問上網登記人係邊個？
若是你的話
你後父cut唔到ga bor~
再唔係大不了佢cut完你再開過另一間lor~
提早cut上網係要賠錢ga bor~

無錯你可以搬走
但你有冇諗過你細妹同你媽咪點算？
你同細妹、媽咪相處成點？
若搬走有冇能力帶埋佢兩個走？
無能力gee話
就等儲多d錢先至做

佢再郁d就話唔比你食飯
咁你咪比少d家用lor
佢問點解
你就話驚無錢食飯
怕你斷食會餓死嘛

搵社工？
我諗你個case社工有排先會跟進la
因為完全無暴力
只不過係鬧交姐
等社工救你
不如自救

似乎你後就係想用權威黎食住你地
等你地以佢為專
其實你媽咪仲想唔想佢做佢老公或你地老豆？

可能好多人話叫你忍佢
話佢係長輩
但係長輩就可以亂攞你地黎出氣咩？
況且佢同你又無血緣關係

我都有類似經驗
就係同屋企人的關係不嬲都唔係太好
但搬左之後感情反而好左
佢地仲叫我搬番去住tim

所以你一定要堅持
如果你認為自己無錯
就唔好死忍la

你同佢嘈果陣
佢可能會郁手想打你
佢打左你之後
你可以絕d報警ga

你唔洗怕你媽咪傷心gee
既然佢嫁比你後父
都無理後父點對你
你就唔洗對你後父客氣

我只是就你所寫的抒發個人感受
當然你覺得此法不行
可以置之不理
此乃個人小小的意見
每個人也想家人相處融洽
但表面的溫暖是由背後的心酸塑造的話
不要也罷
但你的後父好像很不講理似的？
你媽媽有沒有後悔嫁給此人？
你可找時間跟你媽談談
可能她是想你跟你妹有一個完整的家
所以委屈自己另外嫁人

Answer 2

我覺得你應該把全件事同你阿媽講,睇下佢點霖同點睇呢件事~屋企裹面唔單止你後父
,仲有阿媽,而且相信屋企的事唔會only得你後父話事~所以得覺得呢個係最好的方法~

2006-12-06 19:22:57 補充：
而且唔好因為錦而驚左你後父,反而每樣野都做好......

Answer 3

你後父差到極，我朋友後父，入了老人院，都入去照顧佢。（男與男關係）

我建議你考警察，考到得為止。

你走了，你妹妹怎辦？？

這題是我答問題最唔開心的一題。

現在你可試打上面建議的熱線。

還有（皮）氣是（脾）氣！

2006-12-08 16:41:01 補充：
若果你選Moonlight22前，你提一提我，我刪除我的答案，提高採用率。ＣＵＴ左上網無大不了，到網吧囉，但你妹妹呢！你搬走後，你妹妹無依無靠，唔好走，遲Ｄ有錢，有無線寬頻，那用愁。努力賺錢，趁後生，併出去，有唔開心咪問，最多被人扣分，努力，保持聯絡。

2006-12-20 12:15:50 補充：
努力呀！

Answer 4

你唔好唔開心喇,我都知個種委屈係好難受同好痛苦,
有咩事記得搵朋友或者親人傾訴
我建議你小心,記得唔好同你後父嘈,試下搵你媽媽講下
如果你媽媽都冇辦法就要搵社署d人幫手!
因為你後父唔知會唔會發起癲上黎囉刀斬你地點算?
我建議你唔好同佢嘈住先~
搵定晒社署d人慢慢同佢講數~

社會福利署
http://www.swd.gov.hk/tc/index/

電話:2343 2255

打去同佢地講你既情況
不過如果你堅決同佢反面冇情講既話
建議將你既感受講比佢知,話唔想同佢住,驚後父你們有生命威脅咁樣~
咁樣社署先會緊張你既個案!
因為有時社署d人好衰!見你既情況唔嚴重就不了了之!

Answer 5

家家有本難唸的經~

我家既情況唔好你幾多~不過我好d就係依家讀緊大學,仲有年幾就畢業~而且有好多朋友,同埋男朋友好錫我~

我覺得你唔好自己走,佢一日唔叫你走你都唔好走~但要為自己作好準備,趁佢未叫你搬之前儲定$~

搵社工都係一個好既選擇,因為佢地會更清楚你家既情況,更有效咁幫你~
你可以打關心一線:2777 8899

我唔知幫唔幫到你,我都好明白你,因為我既父母都係一d"騎呢"份子,有佢講冇人講既人~

2006-12-06 14:50:24 補充：
唔走就要忍!!!!盡量唔好留在家~例如:聖誕節出去玩,去圖書館,etc.有時返工都係一個好既選擇,可以唔對住佢地之餘,又可以找$,為你既未來做好準備!!!!!走呢,就要有$!!!你呢個年紀,走得去邊,唔使食,唔使訓,唔使住咩!!!!依家走唔係一個好既choice!!!!

2006-12-07 11:11:30 補充：
要佢唔cut您上網,其實好易~只要上網既服務係由您個名登記就得la!原理同手提電話既服務一樣~你依家17,幾個月後就18la!夠年齡去自己登記用上網既服務,不過簽文件時要睇清楚d條款,最好找人陪你一齊la!因為18始終人生經驗唔夠~don't worry, life must go on!!!

2006-12-12 18:20:23 補充：
努力la!我advise你申請定公屋tim!!!因為萬一佢真係唔俾你住,你都有個地方住~而且佢依家就話對付你者,咁你走左之後就對付你媽媽了~咁你媽媽點算???申請定公屋對你同你媽媽都有保障~