點可以令政府正視一下d大陸孕婦嚟香港生仔嘅問題呀?

Question

可以立法控制一下嗎?日日都咁多九唔搭八嘅大陸大肚婆落嚟生仔，攪到已經唔夠嘅資源更加不足，鼓勵生三個?但醫院冇位比你生呢?一於立法禁止d大陸人落嚟生仔! 但可以點做? 去議員度投訴得嗎?

但我認為增加收費係冇用架喎，D人一心都諗住走數，又唔使坐監嘅。最好快D立法啦，不過肯定會有好多人喺立法前走落嚟架喇，死唔死!
有冇見D人仲喺個BLOG度問點落嚟生仔，激唔激死?

Answer 1

有,1.例如大陸女人在港產子,不論老公是否香港人,都要付全費.
2.若大陸人在港產子,但不給任何費用,他們的子女亦不獲發出生證明書.
3.學美國一樣,在該地出生,也要視乎父母是否公民,才決定是否獲得國籍.
4.唔批准大肚婆入境.
5.唔批居港權比大陸人,因兒子在港出世

有,但得個講字,永遠無結論,民主福利派實反對阻止,親中無固定立場,看選民態度,剩番的又唔多,現在立法會全無照顧港人的利益.我個人而言,我歡迎大陸人來港產子,但要收產子保證金,一來可減低走數機會,二來可增加醫療收入,三來香港可成為中國產子中心,有銀有得生,無錢送番她們去深圳,等他們無得拿著數.

話說回來,他們是否在港出世,香港的下一代都是慘,職位因科技發達、成本和發展機遇,都將會北移,還有什麼職位可留在香港.服務業、旅遊業、飲食業等新增職位可養活幾多港人.還有香港新一代的鬥心、思維、勤奮、態度、學識和見識都比不上大陸或已經被拉近,我們優勢已經不多.

Answer 2

1. 唔俾出世紙/居留權佢.
2. 本地人應優先享用醫療
3. 凡大肚者唔可以落黎香港

Answer 3

係議員度投訴邊會有用架！最好梗係立過D法啦，佢哋Ｄ仔可以捰到身份証，又可以逃避大陸嘅一胎生育，包機嚟都制得過。嫌立法耐嘅，最好係限制大肚婆來港，再將生仔費用加到佢哋唔多負擔得起的價錢。

2006-11-24 02:50:56 補充：
始終係不發身份證最有效堵截佢哋。

Answer 4

唔好咁勞氣！其實政府都正視緊，諗緊計。起初有議員提議，唔比出世紙果啲大陸ｂｂ，但又話扺觸咗法律，以家又研究緊增加醫院收費，由二萬增至四萬。我都為呢件事唔開心，覺得對我哋香港的媽咪好唔公平，我哋有交稅嘛，點解連生仔都無床位呀？咁多大陸人落嚟生，又要醫療，又霸床位，又走數，真係好激氣，計我話６個月大的大陸孕婦，唔批佢哋落嚟香港，自由行都唔批，蘿咁大個肚，重落嚟旅遊，博咩？