我最後悔的事情就係三番四次給機會一個無誠意又玩弄感情之人，當我想投入時卻換來無情的對待。這是我有生以來最後悔，最不能釋懷之憾事，現在我每每想起都有落淚，我有口難言，有苦自己知。直到現在我都唔明點解要玩我？明知我係一個正當良家婦女，明知我係一個對感情認真，明知我唔係一個隨便之人，我只渴望有一個正路平凡的感情生活而已。點解要玩唔行遠啲？我現在的眼淚又開始徐徐的流下。
雖然以前我都曾經有過好大的傷心經歷，但畢竟過去那段情有好多年開心快樂的時光，佢亦對我好好，好愛錫我，佢亦懂得珍惜我對佢工作、時間的遷就及體諒，所以佢好尊重及照顧我。只是大家最後經過幾次離離合合後，始終都係緣盡。但那是我自己選擇放棄退出而已。
我可以不計較對方過去的不羈及放浪，卻無法忍受對方日後的不忠或叛背。
2006-11-17 18:57:31 · 8 個解答 · 發問者 Anonymous in 家庭與人際關係 ➔ 其他：家庭與人際關係
我未曾見過一個人可以為了少少事而如此絕情地對待一個不斷給機會佢的人，如果不是存心玩弄是什麼？即使是一般相識的朋友關係都不會如此無情無義。我一直無要求別人鍾意我，我一直都只是一片好心勸導佢收心養性，卻換來好心無好報的玩弄？是我天真相信人是可以改變？還是我懷念對方表白時的勇氣及甜言而三番四次心軟？讓自己陷入如此難堪的困局？
2006-11-17 19:28:33 · update #1
我以上的留言是分別講了兩段關係，一段是以前長達很多年的感情，那個他一路都對我很好，因為佢在認識我之前曾經追過及深愛過兩個好靚嘅女仔，都不得要領。加上佢本身是一個喜歡周圍蒲之人，所認識之女性都係一些唔定性玩玩下的。所以，當佢遇到我時，雖然我只是一個平凡又普通的女仔，但佢認為我容易親近又明白事理，所以都好鍾意我，佢無論言行都好有誠意，給我感覺佢真係好愛我，佢亦為了我而改變很多，少了很多夜生活。我亦好放心同佢一齊，所以我一直都好樂意遷就及配合佢嘅工作時間，大家亦有過唔少快樂時光。
2006-11-18 10:31:34 · update #2
只是後來佢的際遇發生了很大的變動，後來更受唔住誘惑而背叛我好多次，經過幾次離離合合之後，在上年我無法忍受之下決定永遠退出離開佢。可是我卻沒有後悔同佢一齊，我只是有時覺得自己當時為了佢而錯過了其它唔少機會有點可惜而已。
2006-11-18 10:34:18 · update #3
而現在我所講好後悔的這段關係，係目前的關係。我實在無法明白及理解為什麼一個人可以為了少少誤會爭執而對我如此絕情？我自己三番四次指引佢如何同女性相處，亦將自己改變去配合佢，這對我來說是絕對的天荒夜談的，我雖然以往有過經歷，但唔代表我係隨便之人，更不代表我可以如此給人玩弄的？但我竟然可以如此失去理智地將自己作為賭注？ 我只可以說我可能是撞了邪吧。
2006-11-18 10:35:38 · update #4
我本身雖然不是太主動之人，但我如果肯接受踏出第一步的話，我是不會玩玩下，更不會輕言說放棄就放棄的，我係一個願意花時間精神去嘗試去彼此配合的，作為女性，我可以做到如此，但作為男性卻如此小器無情，實在讓我有點心寒。
或許時也命也，厄運總是不願遠離我，讓我再次陷入如此難堪之困局。無論我表面有多堅強，我始終都係一個心靈非常脆弱之女性！
2006-11-18 10:36:05 · update #5
我呢兩日想起這件事心情極之低落，亦流下了不少眼淚，我始終無法釋懷。佢一路都話我對佢所保留，話我都唔投入，點解佢問下自己追女性的態度及言行是如何讓人莫名其妙呢？這就是我一路都認為佢無誠意，無決心的原因，我一路都懷疑佢玩我。只是我還天真到一路俾機會佢，及指引佢如何同女性相處，讓佢明白女性心態，希望大家可以互相了解、互相尊重及遷就。點知現在真的證明佢是存心玩弄我，只是我實在無法想像佢可以絕情到如此地步。
2006-11-19 06:03:15 · update #6
朋友, 希望你可以用一個平常心去睇我以下既故事, 呢個故事, 其實係我上一段長達4年多既愛情
2000年2月, 我遇上了他....一直非常恩愛, 成日都到郊外遊山玩水... 我倆都視對方為終身伴侶, 家人都應為打風都打唔甩...
直到2001年9月, 佢晌短時間內做咗一個決定, 就係晌10日之後就去UK讀書2年, 佢叫我等佢返黎...初初我同佢好似無分開過咁, DAYDAY有電話, DAYDAY NET MEETING, 其間佢又會返HK, 而我又去探佢... 我D 朋友話....邊KEEP到AR? 而當時既我倆, 都好堅定, 第一年過後, 佢SUMMER返HK, 我地又好似平時一樣周圍去, 同佢未過去之前一樣咁開心, 佢俾我既FEEL一樣係咁愛我...我好開心, 我地都仲係咁愛對方...第二年, 佢CHANGE咗HOUSEMATE, 多咗好多人, 由之前2個男他, 變咗4男2女...再加上嗰D都係LIKE玩既人, 所以佢同我傾少咗計, 而佢又玩多咗....又一年喇, 佢終於都畢業, 我就過去同佢一齊返HK.....
我地都好似以前一樣, 周圍去, 只不過, 好似多咗好多人一齊玩.... 唔緊要.. 朋友嘛..唔可以重色輕友...我明架.... 佢同我一齊去, 個個都知佢有GF, 唔會埋佢身....不過, 漸漸地, 一齊出去既時候多咗, 但我同佢真正相處既時間少咗... 因為佢掛住同一個女仔玩, 而又唔同我玩, 要我同佢D朋友玩....直到有一次(2005年3月), 我真係感覺到好唔妥, 我覺得佢地有野, 我唔開心, 但係我無死忍, 因為我覺得無咁既必要...
終於, 我揾咗間幾靜既PUP, 同佢坐下來傾...問個究竟... 我果然無估錯, 佢親口認咗同嗰個女仔係有D野... 我仍然保持冷靜, 之後我話唔想再一齊, 要分開.... 佢好奇問我點解可以咁冷靜, 我話, 無論我做咩你都唔會CARE, 我都唔會再免強你同我一齊... 你開心就可以了.......(其實我個心已經好痛好痛)...第2日, 佢呀媽打電話俾我問我咩事, 叫我唔好同佢個仔分手, 我就答佢, 而家係佢唔再愛我, 我唔想夾更留晌我身邊(大家都唔會HAPPY)倒不如我退出....嗰晚返到屋企, 成晚就係咁喊, 喊到連呀媽都為我唔開心, 就係咁, 我就成晚攬住呀媽到天光先瞓到...
我等佢等咗咁耐, 就算有人溝我都REJECT, 為咩? 到分手嗰一刻我先問自己, 為咩? 為咗要佢返黎同我結婚? 為咗要為佢為奴為婢, 服侍周到? 為咗想有人著我織既冷衫? 為咗要人地開心自己痛心? 為咩?
初初嗰個WEEK都幾難捱, 因為之前日日都傾電話, 去街... 但係佢唔晌度我就唔知做咩... 不過, 好彩我仲有知己朋友, 仲有呀媽佢地.... 佢地知我唔開心, 就成日陪我去玩.... 務求要我忘記唔開心既野..... 好快, 我心情就平服咗好多....
又再問自己, 當初為咩? 我都唔知為咩.......
你話自己慘, 其實你一點都唔慘, 因為你有我們傾訴, 你仲有家人朋友, 如果你再重蹈覆轍, 最傷心嗰個唔係你, 而你關心你既人.... 佢地會為你而心痛, 但係又係一種說不得的痛.... 要記住眼中唔可以只有你愛既人, 你更加要珍惜愛你既人...唔愛你嗰d, 就唔好諗喇
堅強D, 香港咁多人, 駛乜為個咁既男人唔開心, 你唔開心佢唔會知, 亦唔CARE, 所以, 你一定要叻D, 唔好衰俾佢睇, 要佢知道你唔同佢一齊都一樣咁開心....當再次遇上既時候, 俾佢覺得無咗你係一種損失, 挫敗, 咁樣先係一個現代既女性
最近, 我聽聞佢同嗰個女仔散咗..... 哈哈!! 佢唔珍惜我, 就等於人地唔珍惜佢一樣...
Hope 唔會悶親你.... ^_^
2006-11-19 19:55:49 補充：
佢就係知你愛佢, 佢做咩你都會就晒佢, 所以先對你咁差...
你而家只係放唔低你既執著, 再係咁, 到你人老豬黃既時候, 佢就更加唔會要你啦.....你嘗試放下執著, 再問問自己係咪真係咁愛佢? 係愛, 還是習慣? 再諗下,係咪值得? 愛一個人, 係要晌適當既時候放手, 唔肯放手, 唔代表你好愛佢, 你只係唔想覺得自己衰咗, 唔好認為係自己既錯, 感情唔係單向, econ都有講, supply=demand 呢d先叫平衡.....你only得supply, 無demand咁點負荷? 即係話, 到最後點都會輸, 不如及早離場, 減少lost of supply....
2006-11-17 20:55:04 · answer #1 · answered by ? 3 · 0⤊ 0⤋
明知佢係不好, 也跟他一起, 你要接受現實
2006-11-17 20:49:52 · answer #2 · answered by ? 2 · 0⤊ 0⤋
當取一過經驗,下次會聰明D
2006-11-17 20:15:49 · answer #3 · answered by ? 7 · 0⤊ 0⤋
好慘啊,令到我有D想哭!可能係因為你們經過太多離離合合,令男方對這段感情心淡,所以想找過個女朋友。可能我只係個中1生所以有點不明白。
2006-11-17 20:13:17 · answer #4 · answered by ? 3 · 0⤊ 0⤋
看了你這一篇文章，令我回想起當初我的境況，我完全明白到你的心情，我明白到你的那種「痛」，不是普通三言兩語可以說出來的。因為我也曾經歷了你的事。
我明白到一個女仔(女人)要忍讓一個男人是非常辛苦，我明白這一點，要忍讓不是問題，
最辛苦的是個男人卻不知悔改，一次又一次的傷女人心，這是天下間最心痛的事。
機會並不是時常有的，機會是你比的，但他卻不珍惜，還要繼續玩弄感情，還要繼續玩下去，當你是什麼??玩物嗎?? 夠了，一切也夠了，玩，請你離遠些，請你不要玩弄我，
忍受夠了，要結束了。
一次不忠，百次不用，男人只要有半點不忠，則以為就信不過，除非他真的真心悔改，
否則不用再給機會，每一個機會是很寶貴的，請不要看機會是這麼的簡單，每一次你說機會的時候，就等於你心軟的時候，男人就會利用你這種心軟來進攻，但，夠了，不要再無止境的給機會。
上面的朋友說得對，長痛不如短痛，分手比一齊更快樂，勉強一起，無意思，
寧願讓時間來醫治你的創傷，明天踏出去的時間，要鼓起勇氣面對明日的挑戰，
不要因為這些失敗而氣餒，跌倒過，要懂得起來，再繼續向前走，不要因為失敗而放棄，
也更不要因為一個不值得你愛的男人而放棄，你一定做得到！！
支持你！！祝福你！！
2006-11-17 20:01:57 · answer #5 · answered by ? 3 · 0⤊ 0⤋
其實有時人真係明知估犯, 你明知佢係不羈放浪, 也跟他一起,
你一定要接受現實, 現實就是他對你不忠或背叛. 誰人無錯, 但
只要不可一錯再錯便可以, 可必去後悔, 後悔自己給機會人, 你
要知道, 有些錯是一次也不可以發生, 但你況然明知他無誠意的,
你明知他是玩弄感情的人, 還要投入去愛, 人家只會覺得, 這個
女人真蠢, 若我不玩弄她一樣有其他人. 經此教訓, 當作人生一課,
最重要是日後懂得分清楚, 甚麼是真誠? 甚麼是值得? 男人不忠
一次也歉多, 不能給與機會, 因為全世界有很多好男人, 不要太容
易被甜言密語所軟化, 男人要滿足自己的時候, 甚麼花言巧語也說
得出, 女人最大弱點是衰心軟, 記住長痛不如短痛, 做人要決斷些 !
2006-11-17 19:32:37 · answer #6 · answered by well done 7 · 0⤊ 0⤋
一次不忠,百次不容....放棄吧!!!
2006-11-17 19:21:27 · answer #7 · answered by ? 2 · 0⤊ 0⤋
凄凄慘慘!!!!!!!!!
2006-11-17 19:16:07 · answer #8 · answered by ? 1 · 0⤊ 0⤋