我隻芝仔今早過左生...我餵緊佢食藥抖左幾聲大氣，就斷氣，佢走佢好安詳...仲望住我走..今日約左四點睇醫生，但點知十點幾鐘，佢就走左..我同隻狗都盡左力，我知佢好辛苦，(不能控制五官)..我陪住佢走,希望佢安樂D..
我好想幫我隻狗申怨!! 希望你地幫我鋪條路..我唔想怕麻煩而忍受怨情,
1.我10月23號係勝利道力高寵物買小狗回家，10月25號就要帶佢睇獸醫，醫生話佢上呼吸道感染..但食左藥有好轉!!!狗鋪肯加保換期5日.. 佢地有無問題??
2. 我11月5日帶小狗去屯門維多利睇醫生，醫生話佢只係無食野，無胃口，令到狗仔無力，無抵抗力..只係開左d抗生素比我...但佢地無做其他野!!佢地有無出錯??
3.11月8日，我帶隻狗去勝利獸醫，醫生話我隻狗血糖得返1.2(正常5-8)，如果唔留醫吊鹽水就會死，我將小狗留左3日，佢地都無幫我驗狗瘟test,仲只係話狗仔係上呼吸道感染，肺炎，但根本就拖我時間!!! 我有無得上訴??
4.11月10日，我帶走隻狗，去元朗東方，醫生話叫我將隻狗人道毀滅！佢開左d擴張氣管既藥比我..(隻狗今早係食呢隻藥果時斷氣)**
2006-11-13 12:50:24 · 4 個解答 · 發問者 ? 2 in 寵物 ➔ 狗
★ 我隻小狗係因為狗瘟及肺炎 而致命...!!!
2006-11-13 12:53:32 · update #1
收到你的小狗已過身的消息,我也很難過,不過,我知道你的小狗有你陪着牠去,其實是很幸福的,我認識有些養狗的人,當他們覺得小狗不再可愛,就不再愛鍚牠們,連小狗過身了也若無其事,所以你的小狗雖然只陪了你3個多星期,但牠短短的一生能得到主人的寵愛,我相信牠已經會覺得沒有遺憾了,而我也希望你不要太傷心(雖然我知道也很難做到),時間不是最重要,過程才是!在這裏我只好祝福你的小狗早登天國,永遠快樂!
至於追討方面,我也認同網友的說話,應該向寵物店追討,雖然在這件事上,我覺得你看過的獸醫也要負很大的責任,但寵物店賣病狗實在是難辭其咎,因為他們就是利用我們心愛寵物的弱點,知道我們買了小狗回家後就捨不得換掉,所以我覺得那些所謂的(保證期)根本就不能保證什麼,他們只管說會換狗,因為對他們來說,小狗只是生財工具,而不是一條值得愛惜的生命!所以我很贊成你化悲憤為力量,一於追討那無良狗店到底,
如果你在追討期間遇上任何問題,希望你也post上來讓我們這些關心你的人知道,然後大家商量一下,對抗那些無良奸商!
2006-11-15 17:40:09 · answer #1 · answered by Iris 3 · 0⤊ 0⤋
其實你要先攞返所有睇過醫生的醫生證明信, 以及單據, 叫佢地開返診症結果, 不過可能要俾錢, 一百蚊一張, 你話用黎拎去消委會投訴狗舖, 醫生你很難告, 狗狗而家死咗要解剖先得到死因係咪因為狗瘟, 解剖要成萬幾蚊, 所以去告狗舖機會大d, 你要寫明狗狗有病及病發係幾時, 之後拎去或打電話去消委會, 漁護署及愛護動物協會, 消委會會問你想點, 退返錢? 佢地接到order後會排序打電話去petshop, 問佢地會唔會退錢? 唔退的話要排期上小額錢債! 到最後等個官判, 間petshop正常都會退錢, 唔通想做臭個名咩!
漁護處收到order後會落petshop視察, 懷疑佢地賣病狗, 不過漁護處做野好慢, 未必會覆你電話, 你要不停打去, 話佢唔覆的話要打去申訴專員公署! 要好有恒心, 佢無覆的話要寄信去報紙雜誌投訴佢!
獸醫你唔好告喇, 咁多個獸醫得同唔得, 佢地係專業有牌架, 唔到我地去斷定佢有無料到, 只有幫襯過先知, 有d我試過dum症(麥花臣), 有d我(元朗維多利)試過醫死狗, 只靠吊鹽水無用, 最尾都係死, 將軍澳果個仲離譜, 無做任何test幫我狗狗打類固朜, 返屋企就死咗喇, 最尾佢地都係退返診金葯費, 果幾百蚊補償到d咩? 得六歲佢就死咗喇! 仲有好多數唔晒! 所以幾貴及排隊我都搵麥子健, 我個friend同你一樣係力高買咗八哥, 返屋企又咳又流鼻水, 第三日帶去麥子健, 係佢醫返好佢! 狗瘟一定要診早醫, 好多病都可以演變做狗瘟, 仲會持續一兩個月! 狗狗出現抽筋情況已經去到好差, 醫返以後既日子都好辛苦, 好似人咁, 你三不五時抽筋都好辛苦, 佢走左係一種解脫, 人又好狗仔又好, 希望佢投胎後可以繼續做你的仔仔, 因為我覺得就算他做你的狗狗已是最大的幸福, 佢知你一直好錫佢架! 唔係佢唔會咁努力! 你唔好咁傷心喇, 打去消委會及漁護處先決定下一步啦! 你暫時唔好再養狗喇, 因為病毒可以停留係屋企半年! 有錢及恒心的話一定可以告果班衰人!
2006-11-13 14:27:53 · answer #2 · answered by kimutaku 7 · 0⤊ 0⤋
我都替你感到很難過，不過，其實芝仔依幾日有你陪住佢，同埋你好盡力去搵醫生醫佢（雖然遇著無良醫生！），你已經帶俾佢好幸福㗎啦！可能佢遇著第二個一早已經放棄佢！
By the way, 响寵物舖買狗仔好危險，有好多狗仔都有可能有病，你試諗吓狗仔要打齊針到三個月先可以出街，咁狗仔响狗舖得果一或兩個月，日日咁多人出出入入，有時又抱佢出嚟睇吓，真係好容易會有病囉！
至於醫生都唔係個個好，都有幾多唔係咁得，同埋政府又無監察，醫人果啲都好難告佢啦！
希望你吓次遇到隻健健康康嘅狗狗！
2006-11-13 13:41:46 · answer #3 · answered by loo 2 · 0⤊ 0⤋
我也知道你失去了狗狗很難過，但無良的寵物店，把你的狗狗送到死路，希望你的狗狗可以平安上路吧！
2006-11-13 13:10:39 · answer #4 · answered by Anonymous · 0⤊ 0⤋