我男朋友係一個對愛情比我認真好多好多既人．．．
以前我地未開始時，佢追我追到咩都得。
一齊左之後，佢仍然對我咁好～
但係我對佢，就愈黎愈任性，野蠻
佢雖然好唔開心，不過佢點都會就我～
但我一吵架就好快講分手，之後又話一齊番。
到到早排．．已經一齊左年幾喇，
我最後一次同佢吵架，又話分手
過左幾日，我想同佢冷靜解決大家之間既問題
但係佢今次話，唔洗喇
佢話每次同我嘈，佢對我既感覺就比我打碎
一次一次咁打碎，到到今次，我已經ｈｕｒｔ到佢對我冇晒感覺
佢真係好憎好憎我既性格
佢叫我比一年時間佢，
佢想搞好佢既信仰，學業，去諗清楚自己係咪適合拍拖
佢都應承我呢一年佢唔會再開始其他愛情
佢話倘若神願意（基督徒黎）
佢一定會比我地一年後可以ｏ係番埋一齊
佢話佢都好希望ｏ個個會係我
2006-11-13 04:47:32 · 9 個解答 · 發問者 Anonymous in 家庭與人際關係 ➔ 其他：家庭與人際關係
我好唔想接受分開
我理性上，覺得分開一定係件好事
因為只有我地知道，我地之間既結，的確要分開左先解得開
如果唔分開，我地好難改變自己
我叫佢比機會我，我一定會改變自己
但係佢話佢已經比左好多次機會我改，但我都冇改
不過今次我真係好ｈｕｒｔ，我宜家先知衰
但係佢話宜家已經唔係比唔比機會既問題
係佢已經對我冇晒感覺
不過佢講呢句說話時，我地已經分開左３日左右，
３日前佢仲係同我好開心
我唔相信佢對我既感覺真係可以一下間冇晒
2006-11-13 04:48:08 · update #1
到到今日，
我覺得佢真係一個好好既男仔
我值得我去愛
而，無錯，我覺得自己既性格真係好差，
（即使係同緊佢一齊，我都覺自己唔岩，只係我控制唔到）
所以我好後悔，因為我親手殺死佢對我既感情
我好想佢見到我改變，我會為佢改變
不過我既任性只會對男朋友先會咁
我唔知宜家點樣可以比佢見到
但係佢話如果我真係改到，佢會見得到
我真係好想可以同番佢一齊
但係我唔知點樣可以重拾番佢對我既感情
佢真係對愛情好認真架．．．
我覺得冇左佢好可惜
2006-11-13 04:48:24 · update #2
我想問，
你地覺得一個對愛情好認真既男人
佢比佢深愛過既女朋友咁樣傷左，冇晒感覺
其實真係可以咁短時間內冇晒感覺？
我想問，佢所謂既冇晒感覺
係因為呢段時間佢對我好失望，好灰心，好嬲我先咁樣講
定係佢真係可以永遠就咁忘記左我？
我同佢都好愛大家架，
只係我宜家真係好後悔過去對佢太差
我想去挽救．．．
不過呢段時間佢好似仲好執著，好堅持要比一年時間佢諗清楚
但係我真係唔想等一年，因為一年真係好多野都會變
2006-11-13 04:48:41 · update #3
我想去重拾番佢對我既感覺
我想問宜家我有ｄ咩可以做．．．？
（我真係唔信佢會咁絕，佢對我既唔開心淡左後，會唔會可以比我感動番？．．）
我地都接近２０歲左右
唔該大家教下我點做，
我宜家瞓唔到，食唔到．．真係好辛苦
2006-11-13 04:48:47 · update #4
真係好多謝你地全部人既回應，
真係教識我好多！
另外，我有幾點想補充
其實我地２個都係基督徒，
我地係教會認識既
我話我地之間既結，其實係想講．．．
我自知自己做唔好基督徒既本份去愛佢
我都知一直落去佢只會繼續就我，令我更加寵壞
所以我願意接受分開，去改變自己。
其實以前既佢比我幼稚
因為佢追我時，我唔鍾意佢
佢會要生要死，迫我一齊
最後我真係好心軟，而且我都發現到欣賞佢既地方
所以一齊了
2006-11-13 12:57:52 · update #5
但ｏ係過程入面，
佢信仰好了，成熟了
而我就相反．．．
我咁任性野蠻，
可能係因為佢真係太太太就我．．．
我既本性真係唔係咁，只係有一個人咁寵我
我就開始培養左呢個性格出黎
唔係我一向既性格黎
所以我相信自己可以去改
不過我都唔想再一齊番後，
再會重複再錯．．
所以我都想肯定自己真係變左先再要求復合
我真係好愛佢， 我一定會改到
但我只係怕佢唔等我
2006-11-13 12:58:02 · update #6
今日再同佢傾多次,
知道佢對於一年內唔再拍拖, 已經好堅決~
或者佢真係對愛情好灰心了.
或者佢真係搵到一個自己既方向
努力追求信仰!!
唔,, 我都要努力!!!!
多謝大家呀!!~~不過我已經可以企番起身了!!
人生的確仲有好多重要野等緊我去做。
2006-11-13 20:13:12 · update #7
我覺得, 佢話無晒感覺不是幾日之間發生, 而係係好耐之前, 佢對你已有這種感覺, 只不過佢無講出口啫, 你試吓倒返轉頭諗, 如果你做你男朋友既角色, 每次都比女朋友這樣hurt, 你會點呀? 有時候對一個人心淡, 係因為已經濾積了好多事先會有咁既感覺.
講真, 你接受現實啦, 我相信你男朋友已決定了唔再一齊, 其實你地大家都好清楚知道大家既性格, 佢亦好清楚你既性格唔係一時三刻可以改變到. 就算比你再同返佢一齊, 當有問題發生時, 你就算唔發皮氣, 但過了一段時間之後, 你一樣會變回之前一樣, 因為依個係你既性格, 我不是話你不可改變, 只係, 如果要改變自己既性格, 其實需要經歷好多事, 先會改變, 跟本係現在這個情形, 你不可能改變得晒, 我諗你男朋友都好清楚. 所以他有這樣的決定.
或者你嘗試咁諗吖, 如果你地真係有緣的話, 你地遲早都會一齊返, 你依家當比大家一個考驗囉. 至於你話你會改, 而佢話佢會知道你有無改變, 只要你地keep住做朋友, 有聯絡, 佢就會知道你的改變啦. 其實咁樣都重叫做有機會吖, 好過佢同你講, 大家以後唔好再聯絡吖, 係咪先?
講真, 你依家先得果20歲, 有好多野可以做, 你試吓積極D, 學多些野, 充實一吓自己, 男仔比較鍾意有思想, 處事成熟既女仔架, 我諗無咩邊幾個男仔會鍾意一些只懂扮靚, 講是非, 發皮氣既女仔架. 男仔鍾意女仔有內涵, 由今日開始, 你要努力D.
我身邊都有朋友有過好似你這樣的情況, 初初當然好唔開心啦, 但最後個女人開始學懂做人既道理, 個人變得成熟, 不再像以前, 不再只懂發皮氣, 學懂怎樣體諒別人, 關心別人, 最終她真係再同返舊既男朋友一齊, 依家已經做人父母了.
我希望你明白我所講既野, 亦都希望你明白將來的日子要點樣面對.
希望你快些開心返, 唔開心又要過每天, 開心又要過每天, 為什麼唔選擇開心面對呢???
2006-11-13 05:24:39 · answer #1 · answered by Chi Yan 3 · 0⤊ 0⤋
他對你沒有了感覺，不是幾日之間既事，而是日積月累的事，只不過他埋在心中
，沒有說出來，我好認同，好多時，都不是一下子會變，而是大家之間出現了
問題，時間耐左，總會有日爆發出來的，你想想，你男朋友好像你這樣對你自已
，你會點呢？你有沒有想過別人有多難受呀？
你說你本來不是這樣，只是他就你，不是你的性格，但你愛他的話，就應該改善
一下自已，只有一方就一方，感情不會長久，現在後悔都沒有用，因為已經成為
過去，既然他想分開，就讓他走吧，既然你覺得他很好，當初為何又這樣不珍惜
呢？情侶是會有吵架，但不能一吵架時就說分手，你好像在威脅他，如果是我，
我會覺得很難受，說出這些話來
一年時間，可以發生很多事，現在他告訴你不會拍拖，但世事既野很難講，
或許他在這個時候遇到一個他喜歡呢？
不要強求了，順奇自然，一年後可以一起就一起，不能就忘記吧
時間會沖淡，但愛過的人作為回憶吧
2006-11-14 17:58:03 · answer #2 · answered by Anonymous · 0⤊ 0⤋
你係咪而家覺得好後悔呢?
人地對自己好o個陣,自己唔去珍惜,反之放縱自己行為,因為你覺得佢一定留o係自己身邊
到佢真係忍受唔到喇,走喇,你先叫人地俾多次機會你
機會人地已經俾左好多次,相信你自己的
但卻被自己既意識繼續自己既行為
相信你今次體會到失去既滋味吧
但聽你咁講
你男友的確對你好重情同好忍受同忍耐
佢對你冇晒感覺係因為對你失望同埋灰晒心
但佢對你未忘情既,因為如果佢唔俾機會你就唔會話一年後既野la
就算會影響咩野都好,到而家唔係你作選擇o個個
你都要俾佢平定下個心la,唔好咁急
你要明白下佢而家既心境點解佢而家要咁做
你要尊重佢而家既決定,你愛佢既你一定可以等
唔係無了期咁去等佢
而係o係你地而家分開呢段時間,你去作出改善
為呢段破裂左既感情作出真切的改善
因為你做既野,你男友係會睇到同埋知道
等佢有返個信心先再作其他打算
而家既你一定會好痛苦
因為唔可以同自己愛既人一齊
但你都要面對個問題所在點解會整到如此地步呢?
相信你自己都好清楚架啦
萬事起頭難
你唔係要感動你男友去接受返你
而係真心為佢作出一切改變,令佢相信返你
2006-11-13 06:31:18 · answer #3 · answered by ? 3 · 0⤊ 0⤋
感覺呢樣野，
的確係好虛無，
話黎就黎，
話走就走架啦！（因某d原因）
唔係用時間去衡量ge！
你一而再咁hurt佢，
佢呢次應該真係頂唔住，
你諗下，
我整傷你，
之後成日係你傷口度灑鹽“那”佢，
你痛唔痛？
佢而家就係咁，
佢ge感受令佢諗清楚佢應唔應該同你一齊，
每個人都有底線，
你已經超越左佢ge底線，
所以佢會有咁ge決定！
“淨係對男朋友發脾氣”好正常，
唔單只係你一個係咁！
因為你當佢係你好親好信任ge人，
而人係好不自覺咁對身邊ge發洩左情緒而忽略左佢感受！
不過唔代表佢可以做你“出氣袋”架！
你係衰太後知後覺！！
一次又一次咁比機會你而你唔珍惜，
換左你都心淡啦！
到左呢個地步，
已經唔係感唔感動到佢ge問題，
係佢需要時間！
你應該學會放手，
唔係叫你放棄，
係比時間佢ge傷口“埋口”！
你越係迫佢越係想走，
因為佢驚再比你hurt！
一年時間話長唔長話短唔短，
變數係好多，
但變ge未必/或者唔係佢，
係你都唔定架喎！
你話你已經改變左，
但係你會唔會係為左挽回佢先咁做？
而耐左就會“做返自己”“打回原形”？
你自己敢唔敢肯定？
所謂“江山易改 本性難移”，
改ge只係態度，性格係好難改ge，
改左就唔係你啦！
你年紀仲細，
仲有好多路你行，
隨住你ge經歷，漸漸成長，
到時你就真係會有所改變喇！
時間係丹妙藥，
暫時分開對你對佢都有好處，
你咪當係一個考驗羅！
睇下你地係咪真係有緣！
如果你地係整定一齊ge，
唔好話一年，
幾年後都可以係返埋一齊！
無緣ge話，
一齊返都會再分開！
當比機會大家，
你地都仲年輕，
應該將眼光放遠，
係呢年裡面去充實自己、增值自己，
用行動表示你ge改變啦！
2006-11-13 05:55:41 · answer #4 · answered by may 6 · 0⤊ 0⤋
以上你問了許多問題, 我希望能一一解答及對你有點幫助,
1. 一吵架就好快講分手
"分手"兩字不能亂講, 每個人都要對自己的言行負上責任, 你每次咁快會說"分手", 我想你只是想要脅他就範吧, 但兩個人相處, 是要互相扶持, 互相關愛, 互相尊重, 而不是自立皇者之巔, 控制愛你的人, 你要對"分手"二字負上責任呢! 以後切記不要亂用!
2. 我理性上，覺得分開一定係件好事, 因為只有我地知道，我地之間既結，的確要分開左先解得開, 如果唔分開，我地好難改變自己
你這樣說表示你不想分開, 而且明白到分開解決不了現在的問題, 分開也改變不了你自己! 分開只是讓大家有點時間冷靜思考, 計劃將來! 但現在有沒有不相見, 不理睬的必要呢? 你應該珍惜今次可以冷靜的機會, 徹底了解自己的缺點, 愛他也愛自己多一點! 既然你說只他是基督徒, 我想你應該不是跟他有同一宗教的, 我想你可以考慮一下參加教會活動, 從而尋找真正的自我, 真正了解自己及了解他的宗教, 對他了解多一些 (但切記不要用此接近他, 你應該找另外一家教會會更好, 不要令他誤會)
3. 但係佢話宜家已經唔係比唔比機會既問題, 係佢已經對我冇晒感覺.... 我唔相信佢對我既感覺真係可以一下間冇晒....其實真係可以咁短時間內冇晒感覺？
是的, 他真的不可以對你的愛意一下子就他為烏有, 消失得無影無踪, 但是, 這個問題不是一朝一夕的問題, 冰封三尺非一日之寒, 他對你己經對了不能接受的地步, 但他愛你, 不想你一世都不清楚自己問題, 不改變自己, 對你的愛越深, 就越傷害自己, 他很理智地壯士斷臂, 給你或他一個自我反醒的機會, 你對他的不尊重令他己無法接受了! 他不是對你的愛沒有了, 只是不想再傷害大家吧! 放手也需要很大的勇氣的!
4. 係因為呢段時間佢對我好失望，好灰心，好嬲我先咁樣講, 定係佢真係可以永遠就咁忘記左我？
他是不會忘記你的, 但他真的對你很失望, 很灰心!
5. （我真係唔信佢會咁絕，佢對我既唔開心淡左後，會唔會可以比我感動番？．．）
感動? 你會怎樣感動他? 他對你的心己經很淡了, 還要等再淡嗎?
你們兩還是年紀少, 但他可能有宗教信仰, 所以成熟點, 但你不要介意, 我直言, 你很幼稚, 我想你應該真的想想一下, 你的生命除了他, 還有什么? 愛情路是兩個人一起走的路, 他己經有他的人生計劃, 你呢? 你還停著...他己向前邁進了, 兩個人一起走的路, 他向著自己的目標及真正的人生邁進, 但你的真正目標及真正的人生訂了什么? 你要自我反醒的不單是對他的態度, 而是你們兩將來的路, 你可以跟著他的步伐一起走, 始終有相遇的時候, 何必執著分開與不分開呢!
2006-11-13 05:31:26 · answer #5 · answered by Crystal Ng 5 · 0⤊ 0⤋
妳擁有他時,有安全感,覺得可以任性放肆;但他對妳日漸了解,日漸受到傷害,當對妳缺點愈明白而忍耐愈極限時,便失去當初的熱情;他要一年反思信仰,學業的問題,証明他已成長,否則用不著以此為藉口,乾脆說受妳不了而分手。妳對他仍不捨棄,最好趁這一年為自己將來好好計劃,相信他仍對妳是朋友,會給予妳寶貴的意見,亦使他對妳改觀,重新接受進步的妳;若他一年後仍然分手,最少妳也成熟了,長大了,有一段美好的日子與經驗。 死纏爛打只增加他的厭惡,愛是忍受,包容,接受他的一切;這是他/祂對妳的試煉,妳願意為了愛他而默默地付出妳的誠意,堅持,努力地改變自己,脫胎換骨嗎?!
Good luck to you & him!
2006-11-13 05:19:02 · answer #6 · answered by M.C. Amos Emmanuel WU:民富,_民智,_民主 7 · 0⤊ 0⤋
感情這東西, 沒有甚麼準則, 而你亦太過火了
說真的, 分手不是隨便說的, 每當提出分手, 對對方來說, 是一個打擊
而且感情亦會因為咁而減少.
要找一個可以忍得到你的任性等的男人是很難的
不過, 一個人不是說放棄就放棄, 需要很長時間才可以放棄一段感情
而看你的故事, 他還對你有感情的, 你試下用溫柔的一面來對他
致電給他約他出來吃飯, 你要令他對你的感覺慢慢增加才可以再一齊
努力吧
2006-11-13 05:08:31 · answer #7 · answered by ¤p¢Ø 2 · 0⤊ 0⤋
佢話既無晒感覺，一定無可能係可以永遠忘記你，但可以睇得到佢對你都幾失望，而且係唔開心多過開心，所以才決定分手。
不過講真如果如你上述咁講，你都真係幾難頂，下下都要人地就你，兩個人相處一定要你TUM下佢，佢TUM 下你，你次次都要贏，其實輸得最多你都唔知。但係佢都要負上責任，因為係佢唔表達自己的不滿，無將自己的感受同你分享，或者佢怕你會嬲，所以唔敢講，到傷心多過開心先用分手解決。
下面我想你問清楚自己兩個問題，1.你係咪真係愛佢，如果係點解你咁樣對佢。
鍾意同愛有點不同，愛係你可以將佢放在和你相等甚至比自己高我位置。
2.你們兩個真的適合在一起嗎？
因為價值觀，性格這些因素很難改變，而且很影響兩個人以後一起生活。
給你一些建議：
表現成熟一點，係時候你去就下佢，明白下佢到底想些什麼，點解佢想同你分開？點解想會靜一下呢？有機會係因為佢想話你知，佢接受唔到佢咁樣對佢，如果係咁你要表現比佢睇你明白，同用行動表示你會改變。
還有基督徒十分希望自己的伴侶也會是基督徒，所以你可以嘗試了解佢既信仰，可以的話同佢一齊番下教會，因為信仰同個人價值觀、人生目標很有關係，相同的信仰可以有助兩個人的相處。
2006-11-13 05:07:40 · answer #8 · answered by hkatrick 1 · 0⤊ 0⤋
有一首歌好岩你,愛得太遲=)
既然無左就無左咖啦. 爭取咩姐, 令人覺得你好煩!
2006-11-13 05:02:42 · answer #9 · answered by C2 3 · 0⤊ 0⤋