我父親自06開始個個星期有四五晚都差不多天光先回來.佢唔承認有外遇, 但係我地知道佢同緊一個女人來往甚密, 佢仍然有俾家用, 但成日對我阿媽發脾氣, 並且出去玩既情況愈來愈嚴重, 但一定會在天光前回家. 我媽受盡折磨. 現在有depression, 我非常擔心.阿媽好想離婚同叫佢搬走, 不過阿爸沒有商量的餘地, 一提起就鬧阿媽同亂掉東西, 阿爸仲同阿媽講, 亦都唔會俾阿媽搬走, 如果佢走左, 阿爸會係屋企跳樓, 我地都好驚, 精神壓力好大. 我同阿妹都已出身, 媽媽亦有工作, 住係居屋, 間屋係父母聯名, 仲有7-8年就會供完. 我地計過無左阿爸我地都可以照顧頭家, 阿媽亦無打算要佢俾贍養費, 仲可以賣左層樓分番d錢俾佢, 只想佢搬走. 阿媽有諗過斷供層樓, 然後同我地搬走, 但佢一來唔捨得, 二來阿爸未必肯賣. 請問我地可以點樣跳出依個困局? 請求大家俾d意見:
1. 可唔可以單方面向法庭申請分居同離婚, 勒令阿爸即時搬走?
2. 如果阿爸唔肯賣樓, 層樓可以點安排?
3. 如果唔夠錢打官私點算? 我阿媽有工作做, 未必可以申請法援
有勞大家幫忙! 萬分感謝.
2006-11-02 08:49:00 · 11 個解答 · 發問者 Anonymous in 家庭與人際關係 ➔ 家人
一個大好家庭，俾d唔負責任的人搞成咁，真係可惜。
我嘗試回答你的問題：
1. 雙方同意分居一年，就可申請離婚；
或分居兩年後，單方面可申請離婚。
如果家中有人使用暴力，驚動警方和經法庭判決，才可要這人搬走。
佢亂掉東西時，你要小心亞媽o既安全。我屋企以前都有個咁o既人。
2. 你住的是居屋，仲要供7-8年，可能賣樓所得的錢並不多，因為還要補地價。
你同阿媽衡量一下，如果d錢唔多，倒不如為健康著想，搬走算了，
唔好再受d精神壓力。至多你亞爸想要層樓，就俾佢lor。
你地連層樓都唔要，佢就冇得要脅話係屋企跳樓o拉。
唔通有日佢話要帶個女人返來住，你地唔准就跳樓，
咁你地又要怕o左佢？
3. 你亞媽有工作，也可申請法援，但要視乎她的收入和資產，不能超過指定限額。
亦有一個法援輔助計劃，申請人可用法援律師，但分擔一部份律師費。
詳情可問民政事務處，那裏也有預約義務律師諮詢服務。
民政事務總署查詢電話：28352500
你地o既情況，亦可找社工傾下，或者佢地有更好的意見。
明愛熱線：18288
希望你地早日渡過困境。
2006-11-03 08:10:07 · answer #1 · answered by Sara 3 · 0⤊ 0⤋
女人( 你 阿媽 ) 有工作做, 你 阿爸有機會 収 贍養費..........
2006-11-07 05:08:39 · answer #2 · answered by people 3 · 0⤊ 0⤋
你媽媽唔計較贍養費 連層樓都唔要
有子女証明父母分房住 無一齊住同一間房就可以提出離婚
你爸爸唔會搬走 可能佢無地方住 唔肯走
如果你爸爸唔肯離婚 就搞分居 媽媽自己搬開住
子女長大 就自己決定跟邊個 可以兩個都唔跟
你可以去區議員 約見免費律師 講下依個問題
如果你媽媽咩都唔要 律師費唔會過1萬元
如果你唔服氣 要分番層樓既錢 時間就會耐些
只要你媽媽搬出去住 就唔洗再痛苦下去喇
2006-11-04 12:14:13 · answer #3 · answered by ? 7 · 0⤊ 0⤋
It would be easy if he would kill himself when Mum leaves home. Encourage your Mum applies divorce.
2006-11-04 09:39:53 · answer #4 · answered by Anonymous · 0⤊ 0⤋
1 ~ 可以單方面向法庭申請分居同離婚~單方面申請~在時間上較耐~
~ 勒令要你父親即時搬走~法律上不可以~
2 ~ 間屋因有你父母聯名 ~ 一定要雙方同意才可賣樓~ 缺一不能~
3 ~ 可以申請法援~法援處會根據申請人收入而定來收費~比出面收費平些~
我本人十分明白你現在~處境~心境情況~
我提議你找~家庭服務中心~好比你現在這樣~不知從何入手~
所發生事前事後~都要顧及~如處理不當~後果不堪設想~
在程序上~問題上~法律上……..等等支援~
他們較專業~一定能夠解決~請相信我~
希望可以幫到你.....
2006-11-03 01:38:11 · answer #5 · answered by sandysp2005 5 · 0⤊ 0⤋
我見過有人提出離婚後, 個男人衣然當冇件事, 照返屋企, 於是個女人向佢唔係屋企既時候, 將個男人既野掉晒出門口, 然後換左把鎖, 個男人知道冇得再賴皮, 於是搬走左.
不過我唔係教你咁做, 我唸你爸爸個女人可能都容納唔到佢, 佢至以死威脅, 留番頭住家, 唔係可能無家可歸, 我唸你地試下告佢通姦, 咁可以即時離婚, 佢冇得反對.不過要有証據.
其實法援處亦有免費法律資詢服務, 你check 下啦.
希望你地快d解決到.
多d關心你媽媽.
2006-11-02 13:52:19 · answer #6 · answered by AuntieMok 7 · 0⤊ 0⤋
照你說法你爸根本對你媽而沒有感情,只是對你們子女及層樓有留戀,他現在是不會離開的,但你可以叫你媽去自己辦理分居手續,因如有證據他們兩人真的在一年內沒有真正的夫婦關係的便可單方便申請離婚,詳情你可向律師樓查詢(有些問問題的不用給予費用的)現在打官司不需太多錢,你可順便問律師事務所,你打開報紙就會尋找到律師廣告
2006-11-02 13:33:32 · answer #7 · answered by Jade 6 · 0⤊ 0⤋
我只想說一句, 支持你媽離婚, 重過新生活.
2006-11-02 12:29:13 · answer #8 · answered by Happy Life 6 · 0⤊ 0⤋
唉!D不負責任的男人就係咁黑人憎的了!以為娶左個老婆回家,有比家用就大晒,一D都唔理家人的感受!
你的CASE都真係幾麻煩!
1. 你媽媽係可以單方面申請分居,單方面分居左兩年就可以單方面申請離婚;但要有足夠証明佢地係分開左。同住都可以,但要有証明係分房睡。但唔可以因此而勒令你爸爸搬走。
2. 層樓聯名,你爸爸唔肯簽名賣,係無其他方法賣出的。
3. 有工作都唔一定申請唔到綜緩的,要視乎她的資產而定的,如果她收入微薄,除了自住的樓外,無其他投資和資產,都可以申請的。
如果你地可以收集到你爸爸同第二個女人鬼混的資料就可以用通姦理由即時申請離婚的。
不如,找D社工幫下手啦!明愛果D都得,你媽媽會好辛苦的,比D專業人士幫下你地,或者可以有轉機呢?!
2006-11-02 09:14:13 · answer #9 · answered by rebeccatchw 7 · 0⤊ 0⤋
對不起...我對法律方面一無所知...
不過我只係對你呢件事十分感慨...
幫唔到你真係唔好意思呀...
但係我好想知你呢件事既發展...
祝你好運...
希望有貴人可以幫到你...
我msn : turely429@hotmail.com
2006-11-02 09:06:11 · answer #10 · answered by TsoiYee Lam 1 · 0⤊ 0⤋