男朋友+見工,好唔開心!

Question

昨晚我個男朋友無端端番大陸,又無通知我,令到我好唔開心,諗住愛情失意,可以專心d見呢份工,但係原來自己唔得,成日諗住d唔開心ga野.搞到我今日見工時講野一舊舊.我想佢應該唔約我第二次面試~!
好唔開心,我男朋友成日咁對我,同佢拍托倆年,送我番屋企次數5隻手指有得剩,有一次我同我個女仔朋友,和一個男仔朋友吃飯,佢嬲我成個星期,佢話個男仔朋友鍾意我,我自己都唔知發生咩野事.但佢成日同d女仔講電話,吃飯.我話佢,佢就話我小氣.....
現在我精神真係好有問題,有時好開心,一陣之後呆,呆完之後,無端端哭,呢種情況越來越嚴重,我怕自己會有精神病.麻煩大家教我點做~~~~?

Answer 1

番大陸做咩先？要分清楚，和什麼人去？如果是正經咪無問題囉，但如果唔係我估要你自己才知道。男人通常不喜歡女人煩及痴身的，兩個人相處最重要是坦誠，相信，大家都有大家的朋友，要給大家空間。寄情於工作啦，會對你有幫助的，比D自信出來，就不會胡思亂想的。如果你男朋友見你和其他異性吃飯都不歡喜那就是他少氣了，仲係好自私，應該有什麼事都告訴大家，有什麼問題咪攤出來講囉，不要呆等呀。不好成日為男朋友的事而不開心，其實有許多事還比他重要的，找下朋友訴心事，應該都有不同的經驗的，大家咪切磋下。快快收拾心情準備見新工作啦。

Answer 2

您可以嘗試找一傾數，如果沒有，可以打去由香港健康情緒中心的戰勝焦慮週的熱線。

Answer 3

你抑"屈"呀...快點去睇醫生啦，唔使怕架﹗
這是港人常見的情緒病，不過要快D處理，唔係會越來越嚴重，甚至會走上絶路架...保重﹗

Answer 4

你甩左佢啦... 同佢分手啦, 佢咁cheap架~~
反正同佢一齊都唔開心, 就唔好同佢一齊啦
況且我覺得你呢個男朋友係賤男,所以你都係唔好同佢再一齊啦
女朋友點可以唔送佢返屋企架, 萬一你係返屋企既途中有咩事
咁點算呀?? 男朋友應該細心d架嘛~~ 仲有呀.... 人人都話女人容易嬲
其實事實上根本就唔係, 你問我, 我既男友同一個男仔朋友同一個女仔朋友食飯
3個人食, 我點會嬲呢??? 咁都嬲既實在太小氣啦.... 太弱智啦......
佢做男人做到咁賤, 放手啦.... 咁細路咁低能, 真係好惡頂喎~~
佢擺明都唔係同你永遠一齊果類架啦, 仲唔甩佢等咩呀?? 係未先??
仲咁賤番大陸呀.... 通知你都冇呀.... 咁講埋大話都得架啦.....
你唔好同佢一齊啦 , 我覺得佢真係好劣呀.....

Answer 5

唔好咁唔開心先，
首先你有冇問佢為咩事而番大陸？
如果佢因工作而上去，咁就好正常！
如果佢同朋友上去，而無通知你，你咪問佢點解唔講比你聽囉！！
唔好嬲住，唔開心住先，你都要比佢同你解釋架嘛！！
大家拍拖，當然有自己的私人空間啦，
咁你有冇同佢講你同性或異性出街係好正常，
唔代表ｄ咩架！！
你也可以叫佢將心比己，去感受一下你感受，
亦都講佢知要求我做任何事之前，你亦都要想下自己做唔做到，
如果你做唔到，就話我小氣．．．
我男友都係唔比我同其他男仔出街，
我就係用同一番說話同佢講，
佢就知道我感受，
而家相處得好好！！
所以，唔使咁唔開心，
咩問題都可以解決！！
如果佢真係愛你既，佢就會改，
唔改既，你都知咩事啦！！

Answer 6

你男友都好自私同唔夠細心啊,你認為一個咁GE男人你可以負托終身嗎?如果你真係咁愛佢,就把你感受說給他聽吧,解鈴還須繫鈴人,你們兩個問題唔解決,你終日都會唔開心,就算睇醫生都無用,如果你兩個問題解決不了,分手也未嘗是一種解脫吧.....

Answer 7

拿拿聲飛左個自私精啦！再係咁落去.........你留個名俾我，等遲Ｄ得閒去青山探你。

Answer 8

我建議你去參加多d社區活動,擴闊自己的個人圈子,多見下外面的世界是怎樣,多d結交朋友,到時再去擇選適合自己的男朋友,増加個人自信,到時可能有大堆男子追你,為什麼為留戀一個男朋友去自尋煩惱呢.

其實你精神一d都無問題,起碼都會拿事件出來給大家給予意見,請不要繼續固步自封,死守一個不值得為他煩惱的男朋友去煩惱了,出去見識多d人啦.

這樣會對你做人及做事到有一定幫助的.因為社會上每個人都有自己的長處及短處,從別人的長處去學習,從別人的短處去學習點樣去改善自己的敝處,吸收經驗及教訓.不能只看見自己及男朋友兩人,世界上還有很多人和事要去領會及學習,經過一次教訓,便會學精一次,所以古人有句,[經一事長一智]就是這個意思了.

Answer 9

你男朋友根本就係一個自私的人
你無需要為感情事而感煩惱...要不然就是自找煩惱
我勸你拍拖這麼辛苦的話...不如早點脫離苦海吧!
雖然你我不相識....但我也覺得你的...絕不是你可以付託終身的人