天花裝修問題(10點)

Question

我想問問裝修專業人仕
因為自己對呢一方面真係好陌生

天花, 牆都需要做批盪,線灰.
我就知道如果要係石屎牆到油乳膠漆,
要1撒石仔, 2批盪, 3線灰, 4底油, 5.油漆

我想知每一個步驟點做?用咩做?同埋有咩要注意?
有冇漏/錯呢??

另外, 如果同一個case放係天花度, 係咪一樣呢?
有冇分天花/牆的乳膠漆??

唔該哂各位有心睇我問題的前輩
淨係答到一部份都無所謂架!
thx~!!

Answer 1

1.牆身批盪前要用沙紙省,目的令到牆身有花痕,而d花痕可以使灰水啜實牆身,
2.批灰,要用福粉,膠漿,拌勻,或這個步驟材料比例你可到五金舖問下.用一塊灰齒板,一個泥水桶用來攪水泥,或灰的,灰齒板用來把灰或水泥漿放板面,一個批灰水產,用來文灰的,
3.將灰批在牆身,要批兩三層,待一層乾咗再批第二層,第三層,要批到牆身平滑,
4,用另外一個膠桶開油漆,一份乳膠漆開兩部水,用木條把乳膠漆攪勻,
5.油漆油前最好夜報紙在地上,以免油漆滴在地板上,用油掃點上漆油後,把油掃輕輕在桶邊刮刮,以免漆油太多在油掃上,未油已滴晒落地,握掃上下輕輕掃上漆油,約二十分鐘漆油就乾,待漆油未乾油第二處地方,如此這般做,乳膠漆要油三層牆身比較好d,原因乳膠漆可以用濕布塗抹污漬,
整個過程就是咁啦.

Answer 2

現成樓宇 天花牆身批灰,是無須撒沙的,撒沙只是建築時期的
工序,室內裝修是不用一工序,即使新間的磚牆也只需批塵灰
後再批一般的福粉膠灰便可.天花和牆身批灰的步驟並無分別
先用化白水加水掃在牆身,用漆鏟鏟去乳膠,不可傷及內層的灰,
除非舊灰已失效,鏟好底,用光油或水司那打底,便可批灰,通常
批兩 (浸)已夠,待灰乾透,省灰,要手力均勻,不能大力,太大力會
令牆身不平,以鷄毛掃掃淨D灰.便可上油,頭(浸)油後,巡視牆身
是否有 沙眼或不平滑,如有,再執灰,省平,便可上其餘的油了.
乳膠漆只分內牆和外牆,並無分牆身或天花,