我有隻龜大約四歲,近排佢隻右眼不能大開,但左眼正常。加上成日見到佢都係度訓覺,好似好累gum(可能接近冬眠期)但又唔排除有病, 我想知點解佢會gum, 同埋如果要帶佢去睇醫生,應該去邊?
謝!
2006-10-16 12:47:40 · 6 個解答 · 發問者 TikLong 2 in 寵物 ➔ 其他：寵物
你隻龜唔係冬眠, 而係有病呀, 我隻龜以前都試過幾次係咁樣,
你只要去旺角金魚街果度買d龜病既藥水俾你隻龜擦下就得喇....
2006-10-16 12:52:32 · answer #1 · answered by Stevie 5 · 0⤊ 0⤋
1) 冬天不要購龜。(因龜要冬眠, 會因冬眠後營養不足而亡)
每年中秋後, 至第二年春分前, 都不是買龜的季節。
2) 購入幼龜, 要有約7~10日的適應期, 龜兒是慢熱的動物, 最無擔,
又驚青, 佢同你唔熟, 環境又唔熟, 所以會好驚你, 要等佢慢慢
判斷你, 先會信你, 開口食你餵既飼料, 唔o岩味亦會唔食o架o番,
當佢大隻D既時候又絕對係八卦既生物, 同你熟o左, 會嗅你的
氣味, 你要慢慢訓練佢, 教佢, 唔好操之過急。先用買入時的水加
入隔夜水放入飼養箱, 發現水變髒就要換水, 無臭就加的隔夜水,
(水管即出水有重氯氣, 足以殺死龜的所有, 且會令龜有 :
白點病 : 初起於手、腳, 會漫延全身至頭, 有小白點, 海葵狀, 令
痕癢, 整天想用手抓, 嚴重會抓傷眼睛, 及至爛咀或崩咀。
眼 炎 : 眼睛發炎, 眼簾腫脹, 有大水泡, 覆蓋透明的眼膜, 眼簾打不開。)
幼龜養至6個月至1歲前都要用隔夜水較妥當, 1 歲後可用水管水。
但世事無絕對的, 會有例外。
3) 龜的飼養箱除有攀爬物外, 最好有遮蔽物, 無也可以, 但水深不能過
殼, 有攀爬物的水深度就可過殼, 冬季注意保暖, 可購人造假山 石洞,
既可磨爪、攀爬、又可藏身, 或可用闊口玻璃瓶代替做攀爬及屋。
(如水太深, 又無攀爬物, 冷親等令龜會有 :
感 冒 : 由張口呼吸開始, 然後會打噴嚏、流鼻水, 致感染呼吸道毛病。
肺 炎 : 再嚴重的的細菌會走到入肺, 得肺炎, 令龜則身游泳。)
4) 一定要曬太陽。否則有軟殼病或爛板病。
(如環境許可, 幼龜每日最好要曬半至 1 小時, 超過1 歲大龜每星期
可曬一至兩次 2 或 3 小時, 讓太陽強化龜殼製造維他命D的功能,
夏天的早上10:30前, 下午4時後是最佳的曬太陽時段, 中午的太陽
太熱, 會令龜兒中暑。)
中暑 : 張開大口, 呼吸沉重, 流出口涎。
軟殼 : 此病的龜殼呈暗啞淡綠色, 手按會有軟的感覺, 眼睛無神。
殼龜潰爛~包括龜體的所有甲殼徵狀有:殼表面長出象霧的黑點,一堆堆好似發毛菌。
甘樣;也有象白色的毛菌,一小團、一小團的佈在殼子上面;有的黑斑,象一粒黑豆、芝
麻面積大小或一堆堆小洞、大洞等,也有板與板之間發炎、流血、流濃的現象,全分佈
在底板位置,都屬於爛板病。
曬太陽 : 殼呈深綠色, 微發亮, 眼神精靈。
5) 有病要及時隔離。如不能及時, 全部要進行保健治療。
(有病可先試用龜藥進行治療, 用市售的〈龜精靈〉、〈JBL〉或
〈龜康寶〉都可以, 亦可索性睇獸醫, 醫藥費 $400起)
主人入藥程序 : (持續一星期起)
幼~2歲龜 : 視病況而定, 初起用一滴, 嚴重用二滴。入水稀釋。
2~3歲以上龜 : 視病況而定, 初起用一滴, 嚴重用二滴。入口。
4歲以上龜 : 視病況而定, 初起用一匙, 嚴重用二匙。入口。
餵藥準備 :
1) 龜專用乾淨毛巾 1 條 (能包緊龜兒手腳一圈半為準)
2) 清潔的小毛巾 1 條 (能放穩有藥水的茶匙為準)
3) 不銹鋼小茶匙 2 隻
4) 軟毛 (或廢棄的) 牙刷 1 隻
餵藥技巧 :
先預備倒出龜藥, 放穩, 與一個龜兒也熟悉的人一起, 用毛巾包
住龜兒, 如不能成功包手, 一人用雙手輕捉著它的兩手, 佢會
安靜下來, 重要按撫佢, 叫佢唔使驚, 講野呵下佢, 講食藥咋,
另一人用手拿匙, 一手用刷輕刷龜兒的口, 佢就會毫不留情
o甘張口咬住個刷, 你的手要比它快速閃開, 才不致牙刷被咬,
另一手拿空匙立即放入, 定住佢個口張開先, 佢會好大力抗拒
同掙扎, 你只能忍心的固定住, 而放下牙刷的手可提起藥匙,
倒入, 你一定要固定住空匙, 不能放下空匙, 倒入的藥龜兒可
能含住, 仲未吞落肚, 你可叫同伴試用一隻手捉龜手, 另一手
按龜鼻, 等佢用口吸氣時, 連藥一併吞下, 然後放番佢入水,
等佢飲水。禁就完成整個過程啦, 如果唔成功, 要重做一次。
好似餵人類的BB食葯禁上下既情況。
事後所有用品要徹底清潔及消毒, 茶匙也留給龜兒專用吧。
保健用途 :
可用龜葯一滴, 稀釋於一公升水, 每星期同龜浸一次~24小時。
另一種方法是幼龜可用一滴「稀釋」的按摩用薰衣草油, 每星期一滴。
泡浸24小時, 如於餐後或便後重新換水, 重新再滴。
稀 釋 : 即用基底油 5 ml + 1~2 滴薰衣草純精油。
基底油 : 即指「甜杏仁油」、「杏核油」等。
如用10蚊城的薰衣草油, 不用稀釋。
6) 不能給人類食物。因有鹹味, 高脂肪, 令血管栓塞, 使龜加速死亡。
(可選平或貴的龜糧、乾蝦、活山坑魚、活小河蝦、南極軟殼蝦、麥皮虫、
蜆肉、草猛、UVB紅虫、各類疏菜、生果等進行試餵, 總可以
找出一種它會愛吃的, 令死亡率減低)
7) 每年都會象蛇一樣 - - - 脫皮及脫殼。本仙近來發現龜兒如果超過6歲,
就會開始減少脫殼, 只會增厚其龜體的殼, 間中脫一、兩片, 省卻拾殼的麻煩。
(冬眠後手腳在水中有漂浮狀軟片, 就是脫皮。可用軟牙刷幫忙刷去,
不可用手撕, 成長期的殼片會分不同部份隨意逐片脫落, 脫下的殼片
約半片人類尾指甲到一片大姆指甲不等, 視龜兒的龜齡大小, 通常於
洗殼時脫落, 如未脫下的, 亦勿用手扯, 不要當佢手撕龜, 會弄傷龜兒,
同龜清潔時, 亦要小心被龜兒咬住或被殼割傷, 最好戴上厚膠手套)
8) 每隻龜兒都有獨立的性格。不要試圖改變它。當你決定養龜時,
千萬不要抱住玩下既心態, 令佢終日惶恐不安, 東爬西竄, 好易會死,
要多加愛護、小心照顧佢, 才會比你長壽, 這才是真正的愛龜人。
#龜隻最常見是因溫度過低而患傷風甚至肺炎。
#病徵：龜的眼部腫至無法張眼，或需張口呼吸。
#處理：須打針(龜藥多為注射式)或看獸醫。
白眼病
病樣：．龜眼開不到,有層白膜係眼上,龜不食野,成個龜呆晒
醫法：．買「龜精靈」,$20度,根據盒上指示使用
．「龜精靈」係液體,滴在眼上
．龜龜一個禮拜度會好轉,主人冷靜D,龜龜一個月度先會餓死
點解會咁? ．原因:水不乾淨,水未隔夜,水過龜穀頂
改善：．把龜用的水隔夜（原因：能去氯），過２－４天才用
．龜龜的水過少少腳就夠
．俾佢浸下暖水（佢會好 relax架)(10 min)
．用10%濃度既鹽水消毒下d龜野(45分鐘),(不用消毒隻龜)
厭食症
發病原因 飼養環境改變或常受到騷擾...
症狀 排斥進食,體重減輕甚至昏睡...
治療方法 更換食物並進行訓餌工作或進行強迫餵食...
脂防組織炎
發病原因 缺乏維他命E所致...
症狀 肥胖ˋ結節狀脂防沉澱ˋ脂防肝...
治療方法 在食物上添加維他命E...並由獸醫診治...
腎衰竭
發病原因 長期餵食不當食物所造成...
症狀 沒有食慾ˋ全身性水腫...
治療方法 改善食物...並由獸醫診治...
2006-10-21 04:56:30 · answer #2 · answered by ? 6 · 0⤊ 0⤋
龜兒隻右眼不能大開，有否白膜、腫脹、發炎？
龜兒都係度訓覺,好似好累gum(可能接近冬眠期)→應該不是，而家都有26度以上，健康正常的龜兒，胃口依然大好。你的龜兒應該隻眼有病而令牠沒精打采，隻眼痕使龜龜不覺捽，係咁既情形下，立即隔離龜隻，病龜單獨養。
最重要是保持水質清潔
眼疾：都說過不要把任何龜藥，直接滴進龜龜的眼睛，事關藥性強，龜兒會不自覺捽眼，越痕越捽，惡性循環。
這是白眼病/眼炎，多數飼養的水有雜質、不清潔而引起，年幼的龜兒，對直接從水喉流出的水，會不適應，加上龜體抵抗力低，應用隔夜水/人飲用水飼養，這可免除水的雜質，以及經常清潔龜箱，消毒。以你的龜兒情況，快隔壁病龜，再依下次的次序浸藥，再一稍遲，加速龜兒的死亡：
龜兒唔打開隻眼，可能眼睛受細菌感染，以下是有關眼睛的疾病：
若是輕微腫脹，注水入箱+1滴龜精靈藥(藥水是黃色)，水浸過龜腳，每日浸藥2-3次，每次1-3小時，連續使用三天。浸完倒走污水，換番清潔的水及勤換水，保持水質清潔。
(如病情嚴重，重覆使用，落2滴於水中+入藥入口)
我隻惡龜早前1隻眼腫左，都是用以上方法，(但唔駛入藥入口)，依家隻眼開番啦，照樣進食；之前我都好擔心，其實，每隻龜的個別差異，都要靠龜兒的堅強意志的。
(隻惡龜非常堅強，我拿起佢，佢猛烈地張牙舞爪)
應該係細菌感染。
1) 如果龜龜情況不嚴重, 你可以先買藥水試下有冇好轉, 龜精靈 / 龜之樂/龜康寶,一般水族舖有售, 一支大概二十元。直接把藥水滴進水裡, 水的高度要讓龜龜的頭潛進水中時可浸到眼睛。另外, 要勤換水, 餵食完後, 盡量不要留下剩餘的食物在水中。
2) 如果龜龜情況嚴重, 或用藥水後沒有好轉,(已一星期) 就要帶龜龜去看醫生。(中型至大型龜)，如龜龜是bb龜，唔係好適合睇醫生。
建議: 大圍珍禽異獸及寵物醫院
地址: 大圍積信街69-75號立和樓地下B鋪
電話: 2687 1030 (需要預約，找dr.tiger好0的)
龜精靈(黃色藥水)是不可以直接滴眼的，藥性很強，龜兒會非常瘙，用手捽眼，搞到眼發炎得嚴重，浸藥就得啦！
龜精靈不是每種龜病是有效的，對眼炎、爛殼、爛肉、爛甲最有效，但肺炎一定不能，一定要看醫生，病情嚴重或要浸一個月藥，每日二至三次及餵藥入口。
隔離病龜，用人們平常的飲用水養龜，這可免水喉水的過量雜質，可浸鹽水作消毒用途，但份量要非常少量。(落6份之一的量匙就夠，水的份量要浸過龜腳)
龜精靈是最特強的龜藥，龜之樂冇咁強，而龜康寶藥性較低。
用蒸餾水可能會間接殺死龜體的益菌，水放隔夜或取自人們日常的飲用水就可。
葡萄糖水的作用是增強體質，龜龜抵抗力差時，可用來吊命，你隻巴西龜不肯吃東西,不肯張開眼睛,不肯動，先要解決以上問題，是否眼炎而不肯進食？
首先要浸龜藥先。
7-8年養龜經驗分享及歡迎到龜谷http://www.nntp.hk/webnews/talk.turtle 交流
2006-10-16 21:06:04 · answer #3 · answered by 敏 7 · 0⤊ 0⤋
你試試打去愛護動物協會問下啦
2006-10-16 12:56:00 · answer #4 · answered by vegitou 7 · 0⤊ 0⤋
我認為牠應該沒有病,應該只是你所說那般,
將近冬眠,沒有什麼特別
不過如果你放不下心,你又沒有說你住在那裡,我只好給以下網址你~
尖沙咀獸醫診所 (這間夠出名,不過價錢有點貴!)
http://www.tstvet.com/
獸醫診所(有港九新界的大部分獸醫診所資料!)
http://www.chihuahuahk.com/vet.htm
2006-10-16 12:55:47 · answer #5 · answered by ABC123 3 · 0⤊ 0⤋
帶佢去九龍城看獸醫
2006-10-16 12:53:14 · answer #6 · answered by kwan 1 · 0⤊ 0⤋