貓貓成日咬我隻手

Question

唔知點解，我隻貓仔一見到我隻手就係咁大力咬，
雖然冇咬到出血，不過都咬到成隻手都有”凹痕”，
我已經試過大聲叫好痛，輕輕力”掂”下佢個鼻，罵佢，
但係佢都係繼續咬
而且佢咬人地都唔會咬得咁大力既，淨係咬我先係咁大力
咁貓仔係同我玩定係好憎我所以咬我？

同埋呢，佢日日朝頭早就係咁喵，
成日都係七點左右開始喵到有人起身出黎先唔喵，
但係一冇人係廳度又會繼續喵？
咁佢係想叫我地起身定係叫春？

佢依家７個月大，已經絕育

希望你地明白我問咩啦
請大家幫忙解答，謝謝！

但係我都冇打過佢，淨係有幾次唔小心踩到佢條尾o者，冇可能咁就憎我掛？．．

咁有辦法可以令貓仔唔憎我嗎？

另外，我想問下要點樣抱貓架？
可唔可以好似抱ｂｂ咁，個肚向天？

Answer 1

貓仔係同我玩定係好憎我所以咬我？
↑
佢咬你既同時後腳會5會不停咁撐你?
如果會,即係佢同你玩緊~
如果無,即係佢當左你隻手係佢既假想獵物~
不過都可以叫做同你玩緊~
你越係想5俾佢咬,佢會越大力咁咬住你5放~
(如果佢無腳仔撐撐,你可以試下佢咬住你個時,你細細力掙扎,睇下佢係咪咬得更實便知)
5好諗佢憎5憎你先~
如果佢5like你,5會對你做咁多野~
正常既話仲會係理都5理下你~

咁佢係想叫我地起身定係叫春？
↑
一) 叫你起身
二) 都係叫你起身,不過係叫你俾野佢食~ ^_^
以上兩項可以叫做貓貓等於你既生理時鐘~
佢地都會知道你幾點起身~會想你5好5g醒遲到
三)而家先7個月,無咁快有得叫住~

但係一冇人係廳度又會繼續喵？
↑因為無人做佢想做既野(即係俾野佢食)咪keep on叫囉~
但都有可能係想有d人氣,陪下佢~

淨係有幾次唔小心踩到佢條尾,冇可能咁就憎我掛
↑
5好 啫 呀~好大件事架!!
你仲要踩到佢幾次~
每次都要同佢say sorry,同埋摸下佢呀!!
5係下次你行埋去,佢即刻彈開,你就5使指意佢會like你!
因為佢已經記住你踩過佢當無事行左去~見到你都驚呀~

咁有辦法可以令貓仔唔憎我嗎？
↑
同佢玩多d~
經常摸佢,幫佢梳毛~
難聽d講 : 滿足佢地既要求
即係好似佢地會自己行埋黎你身邊,搵個頭仔挨去你隻手or腳or身體某個部份,
你就要摸下佢,拗下佢(好似幫佢梳毛咁)
佢喵你個時應下佢~問下佢講咩,好似同佢傾偈咁~
不過飲食方面就一定要健康行先

要點樣抱貓架？
可唔可以好似抱ｂｂ咁，個肚向天？
↑
可以~
其實只要貓係聽你話,習慣左你,你用咩方式都係一樣的~
我家的貓都只有我可以用抱bb的方式來抱~
因為咁樣係表示佢比較馴服我~
我5g你個隻7個月裡面你養左幾多個月,
不過你都應該要問下你既上一手,佢對隻貓同隻貓對佢本有咩習慣~
如果貓貓本身無習慣俾佢用bb抱,你一開始時就5好咁做~
慢慢就會得架喇~
記住bb抱時,你係捉住佢後頸,即好似貓媽咬住貓b時個個位~
因為你捉起佢時,只係前身係向上,下身因地心吸力而係下面,
個時,你可以用另一隻手向佢前腳既"隔肋底"位置捉住,再將佢反身~
咁就可以架喇~

不過貓貓天生因平衡問題都係背向天,so你要用少少力先得架~
(不過佢先得7個月大,應該5使點用力既~)

Answer 2

very very good !!!!!!

Answer 3

咬:
你不如諗下你有冇做過d what令到貓貓成日咬你仙啦~（其實佢係咪）
叫:
佢日日朝頭早就係咁喵，一定唔係叫春,因為大部份貓貓絕育之後就唔會叫春架喇~可能係佢好餓，想叫人比野佢食呢～（我屋企個２隻貓都係咁架～＾ｗ＾）
抱貓:
１．你應該係你隻貓貓心情輕鬆時仙好抱佢，仙叫一叫佢個名，打一打招呼～
２．之後，你就輕輕抱佢，用你隻手托著佢個ＰＡＴ　ＰＡＴ，同時同佢傾下計，令佢安心Ｄ～
３．張貓貓抱去ＹＯＵＲ心口位度，撫摸下佢，比佢安心Ｄ～

Answer 4

You ought to be patient

Answer 5

貓仔喜歡咬你隻手, 係因為佢有時想玩. 咁貓本身係一種捕擸既動物. 所以佢既遊戲都會同捕擸有關架. 佢將你隻手做左假想敵. 所以就咬你同抓你o羅.
一歲之前係好難教到完全唔咬既. 因為個性格都未定.
我都用過唔少方法, 而家隻貓唔會咬人啦. 比你參考下:

1. 佢一咬我, 我就打佢pet pet , 然後話唔好.
d 人話呢個方法有用喎. 但係我隻貓就愈打愈咬. 好似係無咩用.

2. 佢一咬, 我就舉高佢, 對住我個face , 然後話: no. 之後就困住佢响tolit. 成個鐘.
放返出黎又真係有一段時間唔咬人喎. 但就唔係完全唔咬.

3. 佢一咬你呢, 你就咬返佢. 我咬佢隻前腳. 同咬佢個頭. 你自已就住力啦.
呢個方法用完之後, 隻貓有咬人. 但明顯細力左. 可能知道比人咬原來係痛既. 所以佢之後咬我都唔太大力.

4. 佢一咬你, 咁你就唔采佢. 呢個方法我好後期先用.佢差唔多完全唔咬人時才用的. 可能我同佢感情好左好多.唔采佢. 佢好緊張. . 我係一日裡, 完全唔同佢講野, 完全唔同佢玩, 完全唔理佢. 只係照比佢食野等日常照顧.
只係一日. 你會感覺到佢好慘. 不斷叫你. 唔好心軟. 當你一采返佢. 佢會乖晒.


但係, 係用那一個方法成功的呢? 我都唔敢肯定.

或者你可以睇下我既簡介. 都有提示..

早上喵你.. 你試下在睡覺前放多一點乾糧. 就不會喵你了..
牠喵你係因為佢想食早餐.

另外，樓上有位人兄說用水槍．那要留意．貓貓毛會很容易因為潮濕而引起皮膚病．所以，如果經常用這個方法的話，就可能引起病証．　到時處理就很麻煩了．
另一方面，　當著貓喵噴水槍．貓喵不但因為怕而不咬主人，　更加會因為怕主人而不敢接近主人．
噴水槍的使用方法，　在一些寵物書中有提及過．
那是在寵物做了一些不正確的事時，　主人偷偷地在牠不發覺的情況下噴的．　不可以讓寵物知道噴的是主人.
因為目的只在於讓寵物知道，牠做某件事後．　會得到不好的下場．

Answer 6

貓貓咬你的原因, 可能是把你看作玩伴, 跟你玩耍. 如果咬的力度太大, 你應讓牠知道這是不當的. 首先, 準備一個噴水壼, 每當貓貓想咬你的時候, 你可輕按水壼向牠面部噴一下 (距離要適中), 由於大部分貓都怕水, 所以貓貓應該會逃跑的. 下一次當貓貓又想咬你的時候, 可重覆這動作直至貓貓不再咬你為止.

我本身都有養貓, 而且貓貓也是每天早上都會叫我起床的, 每一次我餵他們吃過早飯後, 牠們便會乖乖的坐在一角. 所以我相信你的貓貓也許只是覺得悶, 希望主人多陪陪他才會喵喵叫. 當然, 亦可能是貓貓肚子餓了, 叫主人為你為牠準備早餐吧.

你說你有幾次不小心踩到牠的尾巴, 他也許不會憎你, 但可能會怕你. 所以作為一個飼主, 你應該好好愛護你的寵物. 在家中別亂衝亂跑, 要小心留意你的寵物的一舉一動. 將心比己, 你也不會希望在街上經常給別人踩到你的腳吧!

如果你的貓貓從小就習慣讓人抱, 牠也許會適應這種抱法. 但要知道每一隻小動物的性格各異, 所以很難一概而論. 如果你的貓貓不喜歡讓人抱, 那就不要勉強去抱牠了.

Answer 7

其實 me too
朝頭早係咁喵 想叫u woke up
咬到成隻手有凹痕
可能係好憎u所以咬u
而且佢咬人地都唔會咬得咁大力既，淨係咬我先係咁大力
咁貓仔係同我玩定係好憎我所以咬我？
立刻鬧佢 等佢知錯,
成日都係七點左右開始喵到有人起身出黎先唔喵
叫u出來同佢play